Sayxunobod tuman hokimligi | RASMIY

Baxmalsoy mahallasida Tomorqadan oqilona va samarali foydalanish bo‘yicha amaliy seminar bo‘lib o‘tdi.

Tuman hokimining birinchi o'rinbosari G‘.Xoliqberdiyev boshchiligida "Baxmalsoy" mahallasida tomorqa yerlaridan oqilona va samarali foydalanish bo‘yicha amaliy seminar tashkil etildi. Ushbu tadbir mahalla aholisini tomorqa yerlaridan to‘g‘ri foydalanish, ekinlarni parvarishlash va ularning hosildorligini oshirish maqsadida o‘tkazildi.

Ushbu seminarda, Kambagʻallikni qisqartirish va bandlik bo'limi, O‘zbekiston mahallalari uyushmasi Sayxunobod tuman bo'limi, tuman Savdo-sanoat palatasi, tijorat banklari vakillari, hokim yordamchilari hamda agranomlar ishtirok etishdi.

Seminar davomida tomorqadan samarali foydalanish masalalari muhokama qilindi. tuman hokimining birinchi o'rinbosari tumanimizda tomorqa yerlaridan foydalanish orqali nafaqat oziq-ovqat xavfsizligini ta'minlash, balki iqtisodiy rivojlanishga ham hissa qo'shish mumkinligi ta'kidlandi.

Shuningdek, seminar doirasida har bir mahallada limonchilikni tashkil qilish bo'yicha takliflar va tavsiyalar berildi. Limon yetishtirish nafaqatgina iqtisodiy foyda keltirishi bilan birga, aholi bandligini oshirish va ularning farovonligini yaxshilashda ham muhim rol o'ynashi haqida fikr yuritildi. Agronomlar limon yetishtirish texnologiyalari va bozor talablarini inobatga olib, mahallalarda bu sohani rivojlantirish uchun zarur choralarni ko'rishni tavsiya etdilar.

Seminar yakunida ishtirokchilar kelgusidagi rejalashtirilayotgan tadbirlar to'g'risida fikr almashdilar. Ularning barchasi tomorqadan samarali foydalanishni rag'batlantirish va aholi farovonligini oshirish yo'lidagi sa'y-harakatlarni davom ettirishga tayyor ekanliklarini bildirdilar.

🚀Telegram 🟦Web-site 🔵Facebook

#OAV_biz_haqimizda

"Guliston" mahallasining chirog‘i endi o‘chmaydi

Sayxunobod tumanining Guliston mahallasidagi Xalqobod, Nishon yo‘li, Fayz, Bozor yo‘li, Xosiyatli, Qo‘shtamg‘ali va Armug‘on ko‘chalaridagi aholini ko‘pdan buyon elektr energiyasi bilan bog‘liq muammo qiynab kelardi.

Yog‘ingarchilik va qish- qirovli kunlarda bu yaqqol bilinardi. Mavjud simyog‘ochlarga tortilgan tok o‘tkazgich bilan bog‘liq muammo elektr energiyasining tez-tez elektr tarmog‘idan uzilishiga sabab bo‘layotgandi.

Aholining bu boradagi muammosi tuman va viloyat elektr tarmoqlari korxonalari mas’ullari tomonidan o‘rganilib, uzoq yillik muammo bartaraf etildi.Elektr energiyasi ta’minoti uzluksizligini ta’minlash maqsadida 4,050 metr masofaga zamonaviy havo tarmog‘i tortildi. Buning natijasida mazkur mahallada istiqomat qilayotgan 1300 nafar aholiga qarashli 225 xonadon charog‘onligi ta’minlandi.

Endi "Guliston"liklarning yomg‘irli va qorli kunlarda ham chirog‘i o‘chmaydigan bo‘ldi.

Batafsil: O'zbekiston Milliy axborot agentligi saytida

🚀Telegram 🟦Web-site 🔵Facebook

Aholini ro'yxatga olish: uning mohiyati nimada?

Batafsil: Sayxunobodtuman.uz

🚀Telegram 🟦Web-site 🔵Facebook

#OAV_biz_haqimizda

Sayxunobodda yorliqlar ishlab chiqarish yo‘lga qo‘yildi

Sayxunobod tumanining Farovon mahallasida "Atlasli yorliq" hamda "Neylonli yorliq" ishlab chiqarishga ixtisoslashgan korxona ish boshladi.

Shu yerlik tadbirkor Anvar Egamberdiyev bandlikni ta’minlash, nafaqat Sirdaryo viloyatidagi, qo‘shni viloyatlardagi ishlab chiqarish korxonalarini bejirim va chiroyli yorliqlar bilan uzluksiz ta’minlash maqsadida mazkur korxonani ochdi. Unga Xitoy davlatidan o‘zining hamda bankning kredit mablag‘i hisobidan 6 turdagi ishlab chiqarish dastgohlarini keltirib o‘rnatdi. Buning hisobiga shu yerlik 6 nafar mahalliy yosh ish bilan ta’minlandi.

Batafsil: O'zbekiston Milliy axborot agentligi saytida

🚀Telegram 🟦Web-site 🔵Facebook

Sayxunobod tumanida sektor rahbarlari va yoshlar uchrashuvi o‘tkazildi

Yurtimizda yoshlarning muammo va takliflarini tinglash va ularga yaqindan suhbatdosh bo‘lishda “Rahbar va yoshlar uchrashuvi” hamda ochiq muloqotlar o‘tkazilishi yoshlarni yangi-yangi marralar sari ruhlantirmoqda.

Shu munosabat bilan tuman hokimi K.Mullajanov hamda sektor rahbarlari ishtirokida sektor rahbarlari va yoshlar uchrashuvi o‘tkazildi.

Tadbir davomida tuman hokimi K.Mullajanov yoshlarga murojaat qilib, ularning fikr va mulohazalari har doim e'tiborda ekanini ta’kidladi. Yoshlar – mamlakat kelajagi va ijtimoiy hayotning faol ishtirokchilari sifatida ularga ko'proq imkoniyatlar yaratish zarurligini aytib o'tdi. Uchrashuvda ishtirok etgan yoshlar o'zlarini qiziqtirgan savollar bilan chiqishdi, turli sohalarda yuzaga kelayotgan muammolarni bayon etdilar.

Uchrashuv davomida yoshlar tomonidan 70 ga yaqin taklif va tashabbuslar ilgari surildi. Shuningdek, qabul qilingan takliflar yuzasidan alohida dastur ishlab chiqilishi va manzilli reja asosida amaliy yordam ko‘rsatilishi belgilab olindi.

Sektor rahbarlari ham o'z navbatida yoshlarning takliflariga quloq solib, mavjud resurslardan qanday foydalanilishi mumkinligi bo'yicha o'z fikrlarini bildirdilar. Uchrashuv davomida yoshlarni qo'llab-quvvatlashga qaratilgan bir qator loyihalar muhokama qilindi.

Uchrashuv so’ngida tuman hokimi K.Mullajanov barcha yoshlarni faoliyatlarda ishtirok etishga chaqirdi va ularning har bir fikri ahamiyatli ekanligini ta’kidladi. Uchrashuv o'zaro muloqot ruhida o'tdi va yoshlarning ijtimoiy hayotdagi rolini oshirishga xizmat qiladigan yangi tashabbuslarga yo'l ochdi.

🚀Telegram 🟦Web-site 🔵Facebook