... Har gal ichimdagi o‘sha ip tarang tortilib, chidab bo‘lmas azob berar, o‘zimni qo‘yishga joy topolmay qolardim. Lekin o‘sha ipning borligi yaxshi ekan. Azob bersa ham, jonimni sug‘urib olsa ham.
Hozir... ip uzulib ketdi. Uzildi-yu, ajab... og‘riq ham sezmadim, alam ham. Vujudim bo‘m bo‘sh bo‘lib qoldi. Bo‘sh bo‘sh. Jim jit...
Odam qimmatbaho narsasini yo‘qotsa, achinadi.
Tuhmatga qolsa, boshini tog‘u toshga uradi.
Qadri yerga urilsa, isyon ko‘taradi.
Yaqin kishilaridan ayrilsa, dod soladi.
Lekin umidingdan ayrilsang, g‘alati bo‘larkan. Hech nimaga, hech kimga, hatto o‘z qadringga ham achinmaysan. Dod solmaysan. Isyon ko‘tarmaysan.. Go‘yo sen o‘lgansan. O‘zing o‘lib quruq surating qolgan...

#parcha

" Ikki eshik orasi "