(5-qism) (Ayol kishi oilada)

21. Har doim o‘zingizni yangilab boring. Bu nafaqat tashqi ko‘rinishingizni, balki fikrlash tarzingizni, ruhiyatingizni ham o‘z ichiga oladi. Bu sizga o‘zingizni baxtli his qilishga yordam beradi va eringizning ham sizga qiziqishini doimiy saqlab qoladi. U sizni har kuni yangi bir ayol sifatida ko‘rsa, boshqa joylardan yangilik izlashga ehtiyoj sezmaydi. Yangilanishga soch turmagi, kiyim uslubi, xushbo‘ylikdan tortib, xonadagi mebel tartibini o‘zgartirish, fikrlash tarzini rivojlantirish kiradi. Agar hayotingizda zerikish va sustlik sezilsa, uni sayohat, piknik yoki maxsus romantik kecha bilan yangilab turishga harakat qiling.

22. Umumiy madaniyatingizni va bilim darajangizni oshirishga e’tibor qarating. Bu sizga nafaqat eringiz, balki jamiyat bilan ham kuchli muloqot o‘rnatishga yordam beradi. Madaniyatli va bilimi keng ayol doimo o‘ziga xos jozibaga ega bo‘ladi. U erini turli mavzularda qiziqarli suhbatlar bilan o‘ziga jalb qila oladi. Aksincha, bilimsiz yoki faqat bitta mavzuda gaplasha oladigan ayol erini zeriktirishi mumkin. Agar eringiz atrofida bilimdon va o‘zini yaxshi rivojlantirgan ayollar bo‘lsa, u beixtiyor sizni ularga solishtira boshlaydi. Shuning uchun bilim olish va rivojlanish orqali o‘zingizni doimo yuqori darajada ushlashga harakat qiling.

23. Eringizning xatolarini kechira biling, chunki hech kim xatosiz emas. Erkak ham inson, inson esa xatoga moyil. Hech bir xato turmushingizni buzishga yoki sevgini quritishga sabab bo‘lishi kerak emas. Ayniqsa, hayotning o‘rta yosh bosqichida, ba’zi erkaklar yoshligidagi tuyg‘ularini yana qayta his qilishni istab qolishadi va ba’zan his-tuyg‘ularini boshqara olmay xatolarga yo‘l qo‘yishlari mumkin. Bunday vaziyatlarda ularni tushunishga harakat qiling va oilangizning barqarorligi uchun sabr va donolik bilan yondashing.

📚"Al-xuruj minal aloqat bila xasorat" kitobi, Dr. Toriq Ilyos

(davomi bor...)

@Saidxon_Avazxonov | #oila