“Одамлар нима дейди?” деган тамға қанчадан-қанча орзуларни армонга айлантирган экан. Ҳар кимнинг шахсий ҳаёти, қарорлари ва оилавий ишларига бегона одамларнинг сўралмаган фикрлари ва муносабати ўзларида қолиши керак. Айниқса, гап бировнинг оилавий ишлари ҳақида кетса.

Жамиятда аёлларга нисбатан замон талабларига мос келмайдиган ёки кимлардир томонидан ўйлаб топилган анъаналарни қайта кўриб чиқиш ёки уларни ишонч асосида замонавийлик билан уйғунлаштириш мумкин. Бу орқали биз нафaқат ўзлигимизни сақлаб қоламиз, балки жаҳон ҳамжамияти билан бир қаторда ривожланишимиз мумкин.