Vodiy derbisi. Xayrulla Hamidovdan Navbahor - Neftchi oʻyiniga atalgan she'r.

Vodiylarni yayov kezganda,
bir ajib his bor edi manda —
Derbilarning haroratidan
Futbol qoni urardi tanda:

Navbahorning taralar dongi,
Neftchi mag‘rur, birisin tanla —
Namangan va Farg‘ona tongi
Otar bugun yashil maydon-la,

Lushan bugun qasosni istab,
Tushar jiddiy yigitlar bilan,
Levchenkoning uslubi tanish —
Hujum qilar Jamshidlar bilan,

Bugun yenggay maydonda tinmay
Kimda ko‘pdir hujum, zarbasi.
O‘zbeklarning gultoji bo‘lmish
Go‘zal bo‘ston — vodiy derbisi.