Inson avval o'zini tushunishi, tanishi, kitobni o'qigan singari o'qiy olishi muhim. Sen boshqalarni bilsang-u, o'zingni bilmasang, tanimasang hayoting behuda o'tadi-yu ketadi. To'xta!

O'sha mashhur bloger, viner, aktyor, aktrisalarni kuzatishni bas qil!
Ularga nima yoqishi-yu, kuni qanday o'tishini bilasan. Xo'sh, senga nima yoqadi? Qaysi musiqani yoqtirasan, eng yaxshi ko'rgan filming, kitobing qaysi,sevimli bastakoring kim, sen o'rnida bo'lishni xohlaydigan personaj?
Ustun va ojiz tomonlaring?
Hayotda nimadan baxt olasan?
Bir inson aynan seningcha qanday bo'lishi kerak? Nima senga zavq beradi? Atrofingdagi insonlar senga foyda beryaptimi yoki aksincha? Hayotdan nima istaysan?

Inson bitta vaqt o'lchamida yashamaydi, o'tmishdan kelajak sari harakatlanadi, shunday ekan insonning xatti-harakatlarida o'tmishi, hoziri, kelajak umidlari aks ettadi.
Sening xatti-harakatlaringda nima aks etyapti? Qaysi tomonga qarab ketyapsan? Hayotingda nimaga ko'p e'tibor qaratyapsan? Yashashdan maqsading nima? Shunchaki o'zingga savol berishni, gohida yolg'iz qolib, fikrlashni o'rgan.

Hayotingni yaxshilamoqchimisan, unda o'z chegarangni qur!