📚 Iqror | Xolid Ertug'rul
📝Dindor oilaning dinni inkor qiluvchi farzandi......
Inson, avvalo, o‘zini tanishi va o‘zini bir kitob misoli o‘qiy olishi kerak. O‘zini o‘qiy olmagan kishi butun koinotning eng nozik sirlarini bilsa ham, baribir johilligicha qolaverar ekan.
Mashhur adib Xolid Ertug'rul "Iqror" asari yo'lini yo'qotgan, o'zligini unutgan, hayoti zalolat botqog'i ila qorishib ketgan, vaqtini behuda ishlar bilan sarflayotgan yigitning iqrori haqida.
📌Iqror. Bu so'z insonning o'zi to'g'ri deb o'ylagan ishiga, hayotining mazmuniga aylangan yanglishning xatoligini tan olish demakdir.Haq ko'z oldimizda turgan bir paytda, bizning gunoh-u masiyat egallagan hayotimiz IQRORga muhtoj. U shunday iqrorki, biz u bilan haqni topamiz, u bilan yuksalamiz, u bilan to'g'ri yo'lga kiramiz.
📑Durjalik Mehmet o'zini kimligi, nega hayotga kelganini, nima uchun yashayotganini anglamayotgan yigit. Uning yashashdan maqsadi-yu, orzu-istagi yo'q, buguni qanday o'tishini, ertasi qanday kechishini bilmaydi. U umrini yorutguvchi shu'lani yo'qotib qo'yadi, qorong'i zulmatda bir o'zi nima qilishni bilmay tentirab yurardi. Faqatgina bir najot uni qutqarib qoldi....
📎Mehmet oxiri o'zi bilmaydigan yo'ldan dadil harakat qilmoqda edi, Yaratganning xohishi bilan universitetga kelib qoladi. U "qoidasiz yoshlik" guruhida o'zimni yo'limni topdim deb o'ylaydi. Dindor tengdoshlarini "qishloqi, zamondan ortda qolgan" deb masxaralar, tartib-qoidasiz, tiyiqsiz holda yashashdan zavq olar edi. Lekin bilmasdiki, maqsadsiz yashash insonni xarob qiladi, uni hayotdan zeriktiradi, halokatga chorlaydi.
✨ Universitetda u bir najotga erishdi. Bu najot nuri muallim Xolidbey edi. Mashoyihlar insonni yuzta darvozasi bor ulkan saroyga o‘xshatishadi. Saroyning barcha eshiklari qulf bo‘lsa-yu, faqat bittasigina ochiq bo‘lsa, saroyga kirib bo‘lmaydi, deyish to‘g‘ri emas. Shunday ekan, noto‘g‘ri amallar ichra ovorai sarson insonga Haqqa eltuvchi yo‘lni ko‘rsatishga urinish lozimligini Xolidbey bilar edi. Ustoz o'zining axloqi, odobi, madaniyati bilan musulmon shaxsning siyratidir. Xolidbey hamma narsani inkor qiluvchi ateizm, materializm bilan umrini chambarchas bog'lagan Mehmetga iymon halovatini anglatdi.
Ruhimga iymondan hadya aylagan ustoz,-degandi Mehmet ustoz uchun aylagan she'rida.
📚Asarda siz-u menni qiynab yurgan savollarga javob olamiz, faqatgina his bilan emas, aql ila o'qiymiz. Qalb ko'zimiz ochiladi. Inson bu dunyoga faqat yaxshi yashash, kayf-u safo uchun kelmagan, yoshning keksayishi, keluvchilarning ketishi misoldir.Inson o'zini isloh etishi muhim. Zero, insonning ruhiy holati isloh etilsa, butun dunyoni hayratlantiruvchi hayot tarziga, agar ongi zaharlansa, hatto yirtqich hayvon hurkaydigan hayotga egalik qiladi.
🔎Inson doimo to'g'rini, go'zallikni, haqni izlaydi, o'zining kimligini, kim bo'lishi kerakligini bilishni istaydi
Agar aql, kuchli e'tiqod va axloqiy tizimlarga tayanmasa, haqni izlayotib, botilga erishadi va adashadi. Faylasuflar orasida ayrimlari dahriy, ayrilmlari hamma narsani inkor qiluvchi materialistga aylandi. Inson ijtimoiy mavjudot, bahamlashish, yordamlashishga, boshqalar bilan birga yashashga muhtoj, u doimo jismoniy, aqliy, hissiy, ijtimoiy tomondan rivojlanib boradi.
🍀U bitta vaqt o'lchamida yashamaydi, o'tmishdan kelajak sari harakatlanadi, shunday ekan insonning xatti-harakatlarida o'tmishi, hoziri, kelajak umidlari aks ettadi.
❓Hozir-chi? Ayni damda jamiyatimizdagi insonlarning xatti-harakatlarida nima aks etyapti?
Bizning asosiy muammoyimiz- e'tiqodsiz yoshlardir. Ular bilishmaydiki, koinoning intihosi bo'lgandek, ibtidosi ham bor, bu umr ham oqar suvdek o'tadi-yu ketadi, faqatgina bizdan yaxshilik, solih amal qoladi.Agar insonlar isloh etilsa, jamiyat ham, ularni boshqarayotganlar ham isloh etiladi.
📝Shuni unutmang, bu yerda mehmonsiz va bu yerdan boshqa joyga ketasiz. Mehmon bo'lgan kishi o'zi bilan birga olib kelmagan narsalarga bog'lanib qolmasligi kerak. Bu manzildan ketganingizdek, shahringizdan ham, bu foniy olamdan ham ketasiz.
Shunday ekan, aziz bo'lib ketishga harakat qiling!
