⚡️⚡️Hayotga xavf soluvchi dushman: Gepatit C va uni oldini olish yo'llari

💡 Gepatit C nima?

Virusli gepatit C - bu gepatit C virusi (HCV) tufayli kelib chiqadigan jigar kasalligi. Kasallik asosan qon orqali yuqadi va davolanmasa, surunkali jigar kasalliklari, sirroz yoki hatto jigar saratoniga olib kelishi mumkin.

🦠 Qanday yuqadi?

➖Infeksiyalangan qon orqali (bir martalik ishlatilishi kerak bo‘lgan ignalarni qayta ishlatish, steril bo‘lmagan tibbiy asboblar);
➖Qon quyish (agar qon to‘liq tekshirilmagan bo‘lsa);
➖Tug‘ilish paytida onadan bolaga yuqishi mumkin.

🚫 Yuqish xavfi kam bo‘lgan holatlar: Quchoqlash, qo‘l siqish, ovqat yoki ichimlik almashish orqali virus yuqmaydi.

📉 Oldini olish yo‘llari:

1️⃣Sterillikni saqlang: Tibbiy muolajalarda steril vositalardan foydalaning. Tatu, pirsing yoki kosmetik jarayonlarni faqat xavfsiz va toza joylarda qiling.

2️⃣Himoya choralarini ko‘ring: Donor qonni faqat tekshirilgan manbalardan oling. Infeksiyadan saqlanish uchun himoyalangan jinsiy aloqaga rioya qiling.

3️⃣Sog‘lom turmush tarzi: Giyohvand moddalarni iste'mol qilishdan saqlaning, ayniqsa bir martalik ignalarni ishlatishda ehtiyot bo‘ling.

🩺 Davolash mumkinmi?

✅Ha, gepatit C zamonaviy antiviral dorilar yordamida davolanadi. Erta tashxis va davolanish orqali kasallikni butunlay yengish mumkin.

📢 Esda tuting!

‼️O‘z salomatligingizni muntazam tekshirib turing va gepatit C ga tahlil topshiring. Bu sizni va yaqinlaringizni xavfdan saqlashning eng yaxshi yo‘lidir!

👉 Sog‘lom hayot – bu sizning tanlovingiz!

Sanepidqo'mita Toshkent shahar boshqarmasi
Axborot xizmati

Telegram | Instagram |Web sayt