“Yashil tashabbuslar” klubi taqdimoti oʻtkazildi
#10feb #TalabalarInisiativasi

Mirzo Ulug‘bek nomidagi Samarqand davlat arxitektura-qurilish universitetida arxitektura fakulteti talabalari, tyutorlari va dekan oʻrinbosarlari ishtirokida “Yashil tashabbuslar” klubining taqdimoti bo‘lib o‘tdi. Klub faoliyati Talaba klublari boʻlimi qoshida yoʻlga qoʻyilgan bo‘lib, uning asosiy maqsadi atrof-muhitni asrash va “Yashil iqtisodiyot” yiliga hissa qo‘shishdir.

Taqdimotda yoshlar masalalari va maʼnaviy-maʼrifiy ishlar boʻyicha prorektor Sherzod Uzokov klub oldida turgan muhim vazifalar haqida so‘z yuritdi. Shundan soʻng, klub tashabbuskori – qurilish fakulteti 4-bosqich talabasi Muhammadjon Moʻminov ishtirokchilarga klub faoliyati haqida batafsil ma’lumot berdi.

Talaba klublari boʻlimi boshligʻi Charos Xushmurodova klubning namunaviy rejasi va Nizomi boʻyicha savol-javob o‘tkazib, taklif va fikr-mulohazalarni tingladi.

Mazkur tashabbus yoshlarning ekologik ongini rivojlantirish va barqaror taraqqiyotga hissa qo‘shishda muhim ahamiyat kasb etmoqda.

#SamDAQU #TalabalarKlubi #YashilTashabbuslar


SamDAQU Axborot xizmati
@samdaqueduuz