SamDAQU │ Rasmiy kanal

#XalqaroKonferensiya

Xalqaro ilmiy-texnik konferensiya: Arxitektura uyg‘unligidan – global hamkorlik sari!

🏛 18-19 aprel kunlari qadimiy va betakror Registon maydoni zamonaviy arxitektura ilmining markaziga aylandi. "Dunyo arxitekturasi haqidagi qarashlar: arxitekturada uyg’unlik va mutanosiblik" mavzusida o‘tkazilgan xalqaro ilmiy-texnik konferensiya nafaqat ilm-fan namoyandalarini, balki butun soha jamoatchiligini birlashtirdi.

🌐 Ushbu yuksak darajadagi anjumanda O‘zbekiston bilan birga Germaniya, Gretsiya, Janubiy Koreya, Rossiya, Turkiya, Belorussiya, Tojikiston, Qozog‘iston, Misr kabi davlatlardan taniqli professorlar, ilmiy tadqiqotchilar, mutaxassislar va amaliyotchilar ishtirok etdi. Bu esa anjumanning xalqaro miqyosdagi dolzarbligini va keng qamrovini yaqqol ifodalab beradi.

➡️ Ochilish marosimida Samarqand davlat arxitektura-qurilish universiteti rektori Dr. Chidem Turkyilmaz so‘zga chiqib, barcha ishtirokchilarni samimiy qutladi va ushbu konferensiya global arxitektura hamjamiyatida fikr almashish, o‘zaro tajriba orttirish va yangi istiqbollarni aniqlash uchun mustahkam platforma vazifasini bajarishi hamda zamonaviy arxitektura sohasida uyg‘unlik, madaniy xilma-xillik, innovatsion g‘oyalarning muhim chorrahasi ekanligini ta’kidladi.

🖋 Konferensiya doirasida keng qamrovli mavzular muhokama markazida bo‘ldi:
🟣 Arxitektura va shaharsozlikda erishilgan yutuqlar hamda mavjud muammolar
🟣 Urbanistik yondashuvlar va barqaror rivojlanishga yo‘naltirilgan zamonaviy loyihalar
🟣 Tarixiy obidalarni saqlab qolish, rekonstruksiya va renovatsiya masalalari
🟣 Arxitektura sohasida jahon tajribasining ilmiy va amaliy ahamiyati
🟣 Innovatsion qurilish konstruksiyalari va ilg‘or texnologiyalar
🟣 Xorijiy mamlakatlar tajribasiga asoslangan ilg‘or amaliyotlar
🟣 Soha uchun zamonaviy, malakali kadrlar tayyorlashda xalqaro yondashuvlar

SamDAQU Axborot xizmati
✅Telegram  I ✅Instagram
✅Facebook  I ✅YouTube

#PsixologMinbari

"Do‘stlik Aloqalari: Qanday Qilib Uzoq Vaqt Saqlab Qolish Mumkin?"

Talabalik davri – bu yangi do‘stlar orttirish, lekin eski aloqalarni saqlab qolish qiyin bo‘lgan davr. "Do‘stlik ham tirik organizmdir – uni boqish kerak" deydi psixologlar. Keling, buni qanday qilishni o‘rganamiz!

Muammolar:

1."Vaqt yo‘q" falsafasi:
- "Dars, ish, loyihalar... Do‘stlar bilan gaplashishga ham vaqt topolmayapman!"

2. Uzoqlashish:
- Turli shaharlarda/o‘quv joylarida bo‘lish, aloqalar sustlashishi.

3.Yangilar bilan tanishish qiyinligi:
- "Katta guruhlarda o‘zimni qulay his qilmayapman".

Tavsiyalar (Hayotiy Misollar bilan):

1. "Kichik Harakatlar – Katta Ta’sir"
- Misol: Abror har hafta yakshanba kuni 3 do‘stiga SMS yuboradi: "Qalaysan? Seni esimga tushding!" 5 daqiqa vaqt oladi, lekin aloqalar tirik turadi.
- Tavsiya: Telegram/SMS orqali qisqa, lekin mazmunli xabarlar yuboring.

2. "Birga Vaqt O‘tkazish"ni Rejalashtiring
- Misol: Charos va uning do‘stlari har oyning oxirgi payshanbasida online kinokech o‘tkazishadi. Bu ularning an’anasiga aylangan.
- Tavsiya: Do‘stlaringiz bilan har oyda uchrashuvlarni jadvalga kiriting (hatto 30 daqiqa online ham bo‘lsa).

3. Yangi Do‘stlar Orttirishda "Tabiiy" Bo‘ling
- Misol: Go‘zal universitetda dastlab hech kimni tanimas edi. U "O‘qish guruhi" tashkil qildi va 2 oyda 5 yaqin do‘st topdi.
- Tavsiya: Qiziqishlaringiz bo‘yicha klublarga qo‘shiling (sport, kitob, loyihalar).
- "Men ham yangi do‘stlar qidiryapman" degan odamlar ko‘p – siz boshlang!

4. "Sahih Do‘stlik"ni Tan Oling
- Misol: Umida 10 yillik do‘stini har kuni ko‘rmasa ham, ularning aloqasi mustahkam. Sababi? Ular "sifatli vaqt"ni ustun qo‘yishadi.
- Tavsiya:
- 50 ta "tanishing"dan ko‘ra 5 ta "ishonchli do‘st" yaxshiroq.
- Agar siz doimo bir tomonlama aloqa qilsangiz – bu do‘stlik emas.

5. Konfliktlarni Aqlli Hal Qiling
- Misol: Aziz va uning do‘sti bir hafta gaplashmadi, chunki ular rejalashtirilgan uchrashuvni unutib qo‘yishdi. Ular bir-birlariga "Kechirasiz, ishim ko‘p edi" deb yozishdi va kayfiyatni tikladilar.
- Tavsiya:
- "Sen menga qo‘ng‘iroq qilmading" o‘rniga, "Qalaysan? Eng muhimi Sog‘-salomat bo‘lsang bo‘ldi" deb yozing.

Xulosa:
- Do‘stlik – bu investitsiya. Kuniga 10 daqiqa vaqt ajratsangiz ham, uzoq vaqt davomida katta dividendlar olasiz.
-"Yaxshi do‘st" bo‘lishni o‘rganing. Buning uchun psixologik ko‘nikmalar (tinglash, minnatdorchilik bildirish) kerak.
- Eski do‘stlarni yo‘qotmang. Yillar o‘tib, ular eng qimmatli boyligingiz bo‘lib qoladi.

Eslatma:Aytaylik, Dilshod har yili 14-yanvarda barcha yaqin do‘stlariga shaxsiy xat(sms) yozadi. 5 yildan beri bu uning an’anasi. Siz ham shunday kichik, lekin mazmunli narsalarni boshlashingiz mumkin!

Sardor OTAYOROV
Mirzo Ulug‘bek nomidagi Samarqand davlat arxitektura-qurilish universiteti psixologi.

SamDAQU Axborot xizmati
✅Telegram  I ✅Instagram
✅Facebook  I ✅YouTube

⭕️⭕️⭕️⭕️

Talabalar uchun yangi imkoniyat - til o‘rganish endi muammo emas

📣 Hurmatli SamDAQU professor-o‘qituvchilari va talabalari!

🎉 Siz uchun Ingliz va Turk tillarini oson, samarali va professional tarzda o‘rganish imkoniyati yaratilmoqda!

🔹 Xorijiy tillar bo‘yicha yetuk mutaxassis Mustafa Ünal Uçar universitetimizga Angliyadan tashrif buyurmoqda!

📆 Kurslar 21-aprel, 2025-yil, dushanba kuni boshlanadi!

⏳ Joylar soni cheklangan, chunki biz uchun sifat muhim, son emas!

📍 Manzil: Samarqand davlat arxitektura-qurilish universiteti

🏛 Bosh bino:
🟣 1-qavat, 118-xona
🟣 4-qavat, 418-xona

📞 Murojaat uchun:
+998 91 520 30 85

SamDAQU Axborot xizmati
✅Telegram  I ✅Instagram
✅Facebook  I ✅YouTube