Репост из: Media24.uz
Magic City’нинг янги эгаси бегона эмас — Ортиқхўжаевнинг куёви
Жаҳонгир Ортиқхўжаев 7 та компанияси ва Магиc City’ни сотганини айтган видеоси ижтимоий тармоқларда роса айланди. Бошқа компаниялари майли, аммо халқдан тортиб олинган Миллий боғдан “туғилган” Magic City тақдири ва унинг янги эгаси кимлигига қизиқиб, ўрганиш ўтказдик.
Magic City брендининг эгаси
“Интеллектуал мулк” ахборот-қидирув тизимидаги маълумотларга кўра, Magic City савдо белгисини 2020 йил 27 сентябрда Жаҳонгир Ортиқхўжаевга тегишли “J-United Group” МЧЖ (Ортиқхўжаевнинг энг катта компанияси, 2002 йил 27 августда ташкил топган) рўйхатдан ўтказган. Айни пайтда бу савдо белгисига нисбатан ҳуқуқлар “Stargate Systems” МЧЖга тегишли.
Халқдан тортиб олинган боғдан “туғилган” Magic City’нинг юридик эгаси ҳақида
Magic City’га бугунги кунда “Stargate Systems” МЧЖ эгалик қилмоқда. Ушбу компанияга эса 99 фоиз улуш билан “Tashkent Aquarium” МЧЖ, қолган 1 фоизига эса Абдувахитов Алишер Абдужабарович эгалик қилмоқда.
“Tashkent Aquarium” МЧЖ ҳақида
Ушбу компания 2019 йил 21 январда давлат рўйхатидан ўтказилган бўлиб, унга 100 фоиз улуш билан Абдувахитов Алишер Абдужабарович эгалик қилмоқда. Яъни Magic City’нинг бевосита ва билвосита эгаси бугунги кунда Абдувахитов Алишер Абдужабарович ҳисобланади.
Абдувахитов Алишер Абдужабарович ҳақида
Бу шахс Ортиқхўжаевга бегона эмас, унинг куёви бўлади. Қолаверса, Алишер Абдувахитов президентнинг собиқ маслаҳатчиси Абдужаббор Абдуваҳобовнинг ўғли ҳисобланади. Бундан кўринадики, Ортиқхўжаев халқдан юлиб олган Миллий боғни Magic City қилиб, куёвига ўтказиб берган.
Ҳукумат қўллови
Вазирлар Маҳкамасининг 2017 йил 11 сентябрдаги қарори билан, Миллий боғнинг 20,79 гектар ҳудуди ўша вақтда Ортиқхўжаевнинг АКФА компаниялари гуруҳи таркибига кирган, бугунги кунда унинг куёви Алишер Абдувахитов эгалик қилаётган “Stargate Systems” МЧЖга 49 йил муддатга ижарага берилиши белгиланган.
Сийланиб турадиган куёв(лар)
Ортиқхўжаев куёв(лар)ига фақат Magic City'ни эмас, балки бошқа бизнесларни ҳам очиб бериб, қўллаб келади. Масалан, Алишер Абдувахитов юқорида келтирилган иккита МЧЖдан ташқари, “Qo‘shni” МЧЖ ва “Artel Technical School” МЧЖларга 100 фоиз улуш билан эгалик қилади.
@media24uz
Жаҳонгир Ортиқхўжаев 7 та компанияси ва Магиc City’ни сотганини айтган видеоси ижтимоий тармоқларда роса айланди. Бошқа компаниялари майли, аммо халқдан тортиб олинган Миллий боғдан “туғилган” Magic City тақдири ва унинг янги эгаси кимлигига қизиқиб, ўрганиш ўтказдик.
Magic City брендининг эгаси
“Интеллектуал мулк” ахборот-қидирув тизимидаги маълумотларга кўра, Magic City савдо белгисини 2020 йил 27 сентябрда Жаҳонгир Ортиқхўжаевга тегишли “J-United Group” МЧЖ (Ортиқхўжаевнинг энг катта компанияси, 2002 йил 27 августда ташкил топган) рўйхатдан ўтказган. Айни пайтда бу савдо белгисига нисбатан ҳуқуқлар “Stargate Systems” МЧЖга тегишли.
Халқдан тортиб олинган боғдан “туғилган” Magic City’нинг юридик эгаси ҳақида
Magic City’га бугунги кунда “Stargate Systems” МЧЖ эгалик қилмоқда. Ушбу компанияга эса 99 фоиз улуш билан “Tashkent Aquarium” МЧЖ, қолган 1 фоизига эса Абдувахитов Алишер Абдужабарович эгалик қилмоқда.
“Tashkent Aquarium” МЧЖ ҳақида
Ушбу компания 2019 йил 21 январда давлат рўйхатидан ўтказилган бўлиб, унга 100 фоиз улуш билан Абдувахитов Алишер Абдужабарович эгалик қилмоқда. Яъни Magic City’нинг бевосита ва билвосита эгаси бугунги кунда Абдувахитов Алишер Абдужабарович ҳисобланади.
Абдувахитов Алишер Абдужабарович ҳақида
Бу шахс Ортиқхўжаевга бегона эмас, унинг куёви бўлади. Қолаверса, Алишер Абдувахитов президентнинг собиқ маслаҳатчиси Абдужаббор Абдуваҳобовнинг ўғли ҳисобланади. Бундан кўринадики, Ортиқхўжаев халқдан юлиб олган Миллий боғни Magic City қилиб, куёвига ўтказиб берган.
Ҳукумат қўллови
Вазирлар Маҳкамасининг 2017 йил 11 сентябрдаги қарори билан, Миллий боғнинг 20,79 гектар ҳудуди ўша вақтда Ортиқхўжаевнинг АКФА компаниялари гуруҳи таркибига кирган, бугунги кунда унинг куёви Алишер Абдувахитов эгалик қилаётган “Stargate Systems” МЧЖга 49 йил муддатга ижарага берилиши белгиланган.
Сийланиб турадиган куёв(лар)
Ортиқхўжаев куёв(лар)ига фақат Magic City'ни эмас, балки бошқа бизнесларни ҳам очиб бериб, қўллаб келади. Масалан, Алишер Абдувахитов юқорида келтирилган иккита МЧЖдан ташқари, “Qo‘shni” МЧЖ ва “Artel Technical School” МЧЖларга 100 фоиз улуш билан эгалик қилади.
@media24uz