Кўчаларда пул сўраб турган кекса ёшдаги кишилар сонининг ошиб бораётганлигини мени доим хавотирга солади. Давлат раҳбарининг ижтимоий ҳимояга мухтож аҳолига оз бўлсада ёрдам беришга ҳаракат қилаётганлиги эса албатта қувонарли. Хусусан уруш қатнашчилари ва ногиронлиги бўлган шахслар, ёлғиз кексаларга ҳар ойда озиқ-овқат ва гигиена воситалари хариди учун уларнинг пенсия ва нафақаларига 270 минг сўм миқдорида устама тайинланар экан. Бундан ташқари, уларга йиллик кийим-кечак учун қўшимча 4 млн сўм компенсация бериб борилар экан. Умуман олганда бу қўшимча тўловлар ёлғиз кексалар ҳаётини сезиларли яхшилаши мумкин. Балки бу қўшимча тўловлар уларнинг тўлиқ нормал ҳаётда яшаши учун етарли бўлмас. Аммо ўйлайманки уларнинг ҳаёт даражаси оз бўлсада ошади.

Балки уларнинг бир қисми кўчаларда пул сўраб чиқиш қарорларини ҳам ўзгартиришар. Чунки кекса ёшдаги инсонларнинг асосий қисми кўчаларга айнан иложсизликдан чиқишади. Уларнинг яшаш даражаси яхшиланиши эса кўчаларда пул сўраб чиқиш қарорларига таъсир қилиши керак.