“Platonik ruhdoshlik”

Bugun ajoyib maqola o’qidim. Unda “Platonik ruhdosh” so’zi va uni ortidagi munosabatlarning psixologik bir turi ochib berilgan.

Platonik ruhdosh — do’stlikdan yaqinroq, sevgidan esa uzoq, oila a’zosi kabi huddiki uzoq yillardan beri taniydigan insonga nisbatan ishlatiladi. Unda shahvoniy tuyg’ular, kuchli simpatiya emas, balki ruhiy yaqinlik, mustahkam rishtalar his qilinadi.

U sevgi emas, u do’stlik emas. U inson emas. U — ruhdosh!

Umuman sevgi g'oyasini birinchi marta yunon faylasufi Platon tomonidan ajratib chiqilib, u sevgini — nafsni ortda qoldirib, romantik yaqinlikdan ko'ra ko'proq intellektual va hissiy ekanligini ta'kidlagan.

Platonik ruhdoshingizni qanday aniqlaysiz?

•u bilan ilk marta huddi uzoq yillik tanishlardek chiqishib ketgansiz.
•siz bir-biringizni so’zlarsiz tushunasiz.
•siz bir to’lqindasiz.
•o’rtangizda kuchli qo’llab-quvvatlash mavjud.
•qadriyatlaringiz va qiziqishlaringiz o’xshash.
•siz o’zingizni bemalol, haqiqiy tutasiz uni oldida.
•siz bir-biringizga qorong’u va berkitilgan jihatlaringizni oson aytasiz.
•sir yashirmaysiz, muhokamadan qo’rqmay suhbatlashasiz.
•vaqt va masofa sizning munosabatlaringizga ta’sir qilmaydi.
•bir-biringizga nisbatan kuchli ishonch, qayg’urish, hurmat va samimiy muhabbat his qilasiz.
•uni hayotingizdagi o’rni katta, u bo’lmasa bo’shliq his qilasiz.