12 - МАЙ ҲАМШИРАЛАР КУНИ!

Дардга, асли дори эмас сўз даводир,
Тилларида бордир болу ҳам ширалар.
Борлигингиз жонимизга бир маъводир,
Байрамингиз қутлуғ бўлсин ҳамширалар!

Бир ширин сўз, дорилардан аъло эрур,
Бир табассум ичра бордир минг ширалар.
Нигоҳларда жонга ёқур маъно эрур,
Байрамингиз қутлуғ бўлсин ҳамширалар!

Қўлингизда билмам, қандай сеҳрингиз бор,
Ҳар бир дардга малҳам бўлур зеҳнингиз бор,
Қалбингизда қуёшга тенг меҳрингиз бор,
Байрамингиз қутлуғ бўлсин ҳамширалар!

©Ўлмасбек Самарқандий.

T.me/+Eyf9Vbm8ruAxMDIy

☝️Обуна бўлишни унутманг!