Jamiyat muammo va bosimga nisbatan har qanaqasiga bosh koʻtaradi

100 label loyihasi doirasida Q.zlar guruhi birinchi ijod namunalarini taqdim qilishdi. 3 qiz, 3 xil qoʻshiq va 3 xil video klip.

Men oʻz fikrimni boshida aytib ketaman, klip va qoʻshiqqa gap yoʻq. Haqiqiy kreativ ish desa boʻladi. 2023 va 2024 ni Oʻzbek mediasining yangi erasi boshlanishi deb atashda davom etaman va buni menga qayta-qayta isbotlashyapti.

Endi mavzuga qaytamiz

Bir kanalda kreativ deb taʼriflangan ushbu videoga juda koʻp negativ komentariylarni koʻrdim. Odamlar bu qoʻshiqni "Oʻzbekchilikka toʻgʻri kelmaydi", "Qizlar bunaqa qoʻshiq aytmasin, uyda oʻtirsin", "individualizmga targʻibot" deb tanqid qilishgan.

Va yana bir ajoyib javob komentariylardan birida shunday fikr bor edi

Jamiyat bosim va muammolarga nisbatan bosh koʻtaradi va bu har qanday koʻrinishda boʻlishi mumkin. Hammasi normallashganda esa yana tinchib ketadi.

Hozir jamiyatimizdagi qizlar va ayollarga nisbatan bosimning aks taʼsirlarini sekin asta koʻrishni boshladik. Atrofimizda qancha qizlar yoki ayollarni gap soʻz yoki yaqinlari bosimi bilan turmushga chiqayotgani va qiynalib yashayotganini bilamiz. (Istisnolar doim boʻladi)

Men ham shunday fikrlayman, biz hali shunday yoshlarni koʻramizki ular oʻzlariga nisbatan boʻlgan bosimni sindirish uchun hamma narsa qilib koʻradi. Bu uyatsizlik, behayolikkacha borishi hech gap emas, shundoq ham instagramda buning misollarini uchratamiz-ku.

Eng muhimi bir narsani unutmasligimiz kerak, har qaysi avlodni undan oldingi avlod tarbiya qilgan va yangi avlod qanday boʻlsa bu avvalgi tarbiyaning taʼsiridandir.

Oʻzingizga ehtiyot boʻling va oʻzingizni muhofaza qiling.

@marketerbilan x @isokjonov