* * *
Бир кун кўникарман сенсизликка ҳам,
Бир кун кўзларимнинг тинар жоласи.
Қийноғи жонидан ўтиб кетса ҳам,
Севгидан ўлмаган одам боласи.
Бир кун тош бўлади бўғзимдаги сас,
Сокин кулгуларим уйғотар ҳавас,
Чандиқли юрак ҳам уриб турса бас,
Севгидан ўлмаган одам боласи.
Хозир ғолиблигинг нашидасин сур,
Кўнглимнинг кўшкида эрка бўлиб юр,
Бир кун унутаман, ҳали қараб тур,
Севгидан ўлмаган одам боласи.
Бир кун ўз-ўзимни оламан топиб,
Сен кирар эшикнинг ҳаммасин ёпиб,
Тунлар йиғласам ҳам суратинг ўпиб, Севгидан ўлмаган одам боласи.
Атайлаб, кўзларинг куйиши учун,
Шу олов-оташдан чиқаман бутун,
Эҳтимол қайтадан севарман бир кун,
Севгидан ўлмаган одам боласи.
Уддалай оламан, вақт керак ҳолос,
Айрилиқ хукмига ўзинг мухр бос,
Сўнг асло йўлимдан чиқма, илтимос,
Севгидан ўлмаган одам боласи.
Ризқим тугамаса яшарман юз йил,
Кўнмаса, кетингдан кетсин бу кўнгил,
Кўрасан азизим, озроқ сабр қил,
Севгидан ўлмаган одам боласи.
Малика Тавфиқ
@Malika_Salimova_sheriyati
Бир кун кўникарман сенсизликка ҳам,
Бир кун кўзларимнинг тинар жоласи.
Қийноғи жонидан ўтиб кетса ҳам,
Севгидан ўлмаган одам боласи.
Бир кун тош бўлади бўғзимдаги сас,
Сокин кулгуларим уйғотар ҳавас,
Чандиқли юрак ҳам уриб турса бас,
Севгидан ўлмаган одам боласи.
Хозир ғолиблигинг нашидасин сур,
Кўнглимнинг кўшкида эрка бўлиб юр,
Бир кун унутаман, ҳали қараб тур,
Севгидан ўлмаган одам боласи.
Бир кун ўз-ўзимни оламан топиб,
Сен кирар эшикнинг ҳаммасин ёпиб,
Тунлар йиғласам ҳам суратинг ўпиб, Севгидан ўлмаган одам боласи.
Атайлаб, кўзларинг куйиши учун,
Шу олов-оташдан чиқаман бутун,
Эҳтимол қайтадан севарман бир кун,
Севгидан ўлмаган одам боласи.
Уддалай оламан, вақт керак ҳолос,
Айрилиқ хукмига ўзинг мухр бос,
Сўнг асло йўлимдан чиқма, илтимос,
Севгидан ўлмаган одам боласи.
Ризқим тугамаса яшарман юз йил,
Кўнмаса, кетингдан кетсин бу кўнгил,
Кўрасан азизим, озроқ сабр қил,
Севгидан ўлмаган одам боласи.
Малика Тавфиқ
@Malika_Salimova_sheriyati