* * *
Гар ёдинга тушсам, ахтариб борсанг,
Хижрон деб аталмиш чўллардаман мен.
Сен мени қачондир қолдириб кетган,
Ўша бахтиқаро йўллардаман мен.
Менинг кўз ёшимдан яралган уммон,
Уммонга уланган кўллардаман мен.
Қуёшин йўқотган бечора осмон,
Довуллар, бўронлар, дўллардаман мен.
Ҳамон ёдинг билан, илинжинг билан,
Йиллардек судралар кунлардаман мен,
Болишлар тош бўлиб, тўшаклар тикан,
Жонимни тимдалар тунлардаман мен.
Ишқий ёнғинларнинг сўнгида қолган,
Кўкларга соврилган куллардаман мен.
Ошиқлар юртининг шоири бўлган,
Мудом зохирзабон тиллардаман мен.
Не золим Кабасин вайрона этган,
Оллоҳ уйим деган диллардаман мен.
Бодом гулларидек тўкилиб кетган,
Совуқ елвизаклар, еллардаман мен.
Саждадан бош олсанг тегрангда гирён,
Ўнгларингда ўзим, сўллардаман мен.
Кўнгил деб аталмуш бор бути вайрон,
Дуога очилган қўллардаман мен.
Малика Тавфиқ
@Malika_Salimova_sheriyati
Гар ёдинга тушсам, ахтариб борсанг,
Хижрон деб аталмиш чўллардаман мен.
Сен мени қачондир қолдириб кетган,
Ўша бахтиқаро йўллардаман мен.
Менинг кўз ёшимдан яралган уммон,
Уммонга уланган кўллардаман мен.
Қуёшин йўқотган бечора осмон,
Довуллар, бўронлар, дўллардаман мен.
Ҳамон ёдинг билан, илинжинг билан,
Йиллардек судралар кунлардаман мен,
Болишлар тош бўлиб, тўшаклар тикан,
Жонимни тимдалар тунлардаман мен.
Ишқий ёнғинларнинг сўнгида қолган,
Кўкларга соврилган куллардаман мен.
Ошиқлар юртининг шоири бўлган,
Мудом зохирзабон тиллардаман мен.
Не золим Кабасин вайрона этган,
Оллоҳ уйим деган диллардаман мен.
Бодом гулларидек тўкилиб кетган,
Совуқ елвизаклар, еллардаман мен.
Саждадан бош олсанг тегрангда гирён,
Ўнгларингда ўзим, сўллардаман мен.
Кўнгил деб аталмуш бор бути вайрон,
Дуога очилган қўллардаман мен.
Малика Тавфиқ
@Malika_Salimova_sheriyati