#Таъзия

🔰 Косонсой тумани нуроний-фахрийлари оғир жудоликка учради

▫️Кўп йиллар вилоят, туманимиз равнақи йўлида фидокорона хизмат қилган меҳнат фахрийси Абдураҳимхон Жаъфаров 75 ёшида вафот этди.

А.Жаъфаров 1950 йил Косонсой туманининг “Чиндовул” қишлоғида туғилди.
Андижон пахтачилик институтини тугаллаб, дастлаб туман сув хўжалик соҳасида самарали меҳнат қилди. 1979-1984 йилларда Косонсой туман ижроия қўмитаси раиси ўринбосари, раиси бўлиб ишлади. 1985 йилдан 1988 йилга қадар Янгиқўрғон туманига раҳбарлик қилди. Бир қанча муддат нуфузли вилоят ташкилотларини бошқариб, алоҳида ибрат кўрсатди. 1995-1998 йилларда Косонсой туман ҳокими ўринбосари бўлиб ишлади.

А. Жаъфаров баракали меҳнат фаолияти давомида ҳудудларни ижтимоий-иқтисодий ривожлантириш ва юксалтириш, аҳолининг турмуш шароитини яхшилаш, таълим, тиббиёт, маданият масканлари қуриш ва обод қилиш, янги боғ ва хиёбонлар барпо этиш, ёшларни она юртга муҳаббат ва садоқат руҳида тарбиялашда алоҳида жонбозлик кўрсатди.

Самимий дўст, қалби дарё инсон Абдураҳимхон Жаъфаровнинг ёрқин хотираси қалбимизда мангу яшайди.

Косонсой туман ҳокимлиги,
“Нуроний” жамғармаси туман бўлими,
Косонсой тарих музейи.

👉 Telegram | Facebook  | Instagram | Youtube