Hokim va yoshlar uchrashuvi: yangi tashabbus va g‘oyalar uchun muloqot maydoni

Kuni kecha, Xiva shahrida viloyat hokimi Joʻrabek Raximovning yoshlar bilan uchrashuvi oʻtkazildi. Uchrashuvda viloyat hokimi soʻzga chiqib, mamlakatimiz Prezidentining joriy yil 14-fevralda yoshlar bilan oʻtkazgan uchrashuvida bildirilgan tashabbuslar, yoshlar tadbirkorligini rivojlantirish va bandligini taʼminlash uchun yaratilayotgan imkoniyatlar haqida toʻxtaldi. 2025-yil davomida viloyatda yoshlarni qo’llab-quvvatlash yo’nalishidagi yangi rejalar e’lon qilindi.

✅Ochiq va samimiy ruhda kechgan muloqotda viloyatimizning barcha shahar va tumanlaridan sektor rahbarlari, yoshlar yetakchilari, faol yoshlar, shuningdek, xorijiy davlatlarda mehnat migratsiyasi bilan band boʻlgan xorazmlik yigit-qizlar videoaloqa orqali ishtirok etdilar.

Uchrashuvda yoshlarning taʼlim olish, zamonaviy kasblarni egallash, shaxsiy biznesini yoʻlga qoʻyish borasidagi innovatsion gʻoyalari, taklif va tashabbuslari qoʻllab-quvvatlandi.

📍 Uchrashuvning ikkinchi qismi “Arda Xiva” turizm kompleksida davom etib, bayramona dasturxon atrofida jam bo’lgan yoshlar orasidan faol xotin-qizlarga Viloyat hokimining tashakkurnomalari topshirildi. 2024- yilning 4-choragi bo‘yicha TOP-100 mahallalardagi yoshlar yetakchilari qatoridan o‘rin olgan xorazmlik yoshlar yetakchilari ota-onalari e‘tirof etildi.

#Ochiqmuloqot #Hokimvayoshlar #Xivashahri

Bizning sahifalarimiz:
🔹Telegram 🔹Facebook 🔹 Instagram 🔹YouTube