Dog'lar ketmish majrux ko'ngildan.

Dog'lar ketmish majrux ko'ngildan,
Mast vasvasa qo'zg'amas tug'yon.
Men dardimga Texron gulidan,
Choyxonada topoldim darmon.

Choyxonachi, barvasta, o'ktam,
Qoyil qolsin rus, deb, choyimga.
O'tkir aroq, may o'rniga xam,
Achchiq-achchiq choy tutar menga.

Qo'y, mezbonim, ammo xad bilan,
Bog'ing aro turfa gullar bor.
Oqshom menga niqob ostidan,
Oxu ko'zin suzdi gulruxsor.

Rossiyada gulday qizlarni,
Tutqunlikda saqlamas erlar.
Sarmast etar bo'sa bizlarni,
Bexanjar-u bemakr-u bezar.

Bu tong yuzli dildor qoshimda,
Bir bor xirom etsa noz bilan.
Shoxi ro'mol solgum boshiga,
Yo'llariga sheroziy gilam.

Mezbon, choy quy menga lolagun,
Shoir senga so'ylamas yolg'on.
Extiyot bo'l o'zingga bugun,
So'ngra mendan qilmagil gumon.

Eshikka ko'p qarayverma sen,
Gulbog'ingga, baribir, yo'l bor.
Oqshom menga niqob ostidan,
Oxu ko'zin suzdi gulruxsor.

Sergey Yesinin.