Рамазон – саховат ва маънавий ўсиш ойи

Иш берувчилар сифатида бизда ходимларимизнинг иш юкини енгиллаштириш ва уларни рағбатлантириш орқали қадриятларимизни амалда намоён этиш имконияти бор.

Ислом дини, қийинчилик ёки ибодатлар доимгидан кўпайган пайтларда ишчи-хизматчиларга нисбатан алоҳида ғамхўрлик ва адолатли муносабатда бўлишни тарғиб қилади.

📖 Аллоҳ таоло Қуръонда шундай марҳамат қилади:
“Аллоҳ сизга енгилликни хоҳлайди ва сиз учун қийинчиликни хоҳламайди…” (Бақара сураси, 2:185)

Бу оят бизга Рамазоннинг моҳияти оғирлик эмас, балки ибодат ва тафаккур жараёнини енгиллаштириш эканлигини эслатади.
Раҳбар сифатида биз ҳам ўз корхона ва ташкилотларимиздаги муҳитимизда шуни акс эттиришимиз керак.

Пайғамбар ﷺ шундай деганлар:
“Ишчининг ҳаққини унинг тери қуриб улгурмасдан беринг.” (Ибн Можа 2443).

Ушбу ҳадис адолат ва ўз вақтида рағбатлантириш нақадар муҳимлигини таъкидлайди.

Рамазон – ходимларга ғамхўрлик қилиш ва миннатдорлик билдиришнинг энг яхши даври.

🔰 Рамазонда ходимларни қўллаб-қувватлашнинг амалий усуллари:

✅ Бу ойда мослашувчан/қайишувчан/эркин иш тартиби ўрнатиш – Ходимларга ишни эрта бошлаш ёки эртароқ тугатишга рухсат бериш, уларнинг ибодат ва ишлари мувозанатини сақлашга ёрдам беради.
✅ Иш юкини камайтириш – асосий вазифаларга эътибор қаратиш ва ортиқча учрашув, тадбир ва мажлисларни камайтириш иш самарадорлигини оширади.
✅ Ифторлик ёки саҳарликлар ташкил қилиш – бундай ғамхўрлик ва жамоа руҳини мустаҳкамлайди ва бирлигини кучайтиради.
✅ Мукофот ва совғалар бериш – молиявий мукофот, совғалар ёки кичик қўшимча тўловлар ишчилар руҳиятини кўтаради.
✅ Қисқа танаффуслар бериш – ходимларга қисқа танаффуслар бериш уларга бироз дам олиш ва ўз мажбуриятларини бажаришини осонлаштиради.

Ҳатто кичик бир меҳрибонлик/ғамхўрлик одамларга катта таъсир кўрсатиши мумкин! Ходимлар ўзларини қадрланган ҳис қилсалар, ишга янада садоқат ва фидойилик билан ёндашадилар.

☪️ @IslomMoliyasi канали