InfoUZB

Араб давлатлари Трампнинг фаластинликларни Ғазо секторидан кўчириш таклифига қарши баёнот билдирди — Reuters

Бу ҳақда бугун Қоҳирада бўлиб ўтган Араб давлатлари Ташқи ишлар вазирлари учрашувининг якуни бўйича эълон қилинган баёнотда қайд этилди.

Миср, Иордания, Саудия Арабистони, Қатар, Бирлашган Араб Амирликлари, Фаластин маъмурияти Ташқи ишлар вазирлари ва Араб давлатлари лигаси бундай ҳаракатлар минтақадаги барқарорликка таҳдид солиши, низоларни кучайтириши ва тинчликка эришиш йўлидаги ҳаракатларни заифлаштиришини билдиришди.

"Биз фаластинликларнинг узвий ҳуқуқлари бузилишини, уларни ўз ерларидан ҳайдаш, уй-жойларини тортиб олиш, аннекция қилиш ёки бошқа шаклда мажбурий кўчиришни ҳар қандай ҳолатда ва ҳар қандай асос билан рад этамиз”, дейилади қўшма баёнотда.

Аввалроқ АҚШ президенти Доналд Трамп уруш натижасида Ғазо секторида инфратузма вайрон бўлгснини, шунинг учун унинг аҳолисини Миср ва Иорданияга кўчирилиши кераклиги ҳақида айтган эди.

@InformsUZB

🇺🇸 АҚШда 1 февраль “Жаҳон ҳижоб куни” сифатида расман тан олинди

АҚШнинг Нью-Йорк штати Сенати 1 феврални расман “Жаҳон ҳижоб куни” сифатида тан олиш ҳақида қарор қабул қилди. Бу қарор маҳаллий жамоатчилик орасида диний эркинлик ва хилма-хилликни қўллаб-қувватлаш рамзи сифатида баҳоланмоқда.

Бутунжаҳон Ҳижоб куни ҳар йили 1 феврал куни дунёнинг 140 та давлатида нишонланади. Бу кун 2013 йилда Бангладешлик Назма Хон ташаббуси билан таъсис этилган. АҚШда истиқомат қилувчи Хон ўзи ҳижоб туфайли кундалик ҳаёт ва таълимда дуч келган қийинчиликлардан келиб чиқиб, “Жаҳон ҳижоб куни” лойиҳасини бошлаган.

@InformsUZB

🇪🇺🇺🇸 Европа Иттифоқи маҳсулотларига импорт божлари жорий этилади, чунки Брюссел Қўшма Штатларга нисбатан ўта ёмон муносабатда бўлади — АҚШ президенти Доналд Трамп.

@InformsUZB

❗️Турар ва нотурар жой объектларини улуш киритиш асосида қуриш жараёни янада тартибга солинади

“Уй-жой қурилиши соҳасини янада ривожлантириш, турар ва нотурар жой объектларини улуш киритиш асосида қуриш жараёнини тартибга солиш механизмларини такомиллаштириш чора-тадбирлари тўғрисида”ги Президент Фармони (ПФ-11-сон, 27.01.2025 й.) қабул қилинди

🔰Фармонга кўра, қуйидагиларни назарда тутувчи “Уй-жойнинг ягона ҳаётий цикли” тамойили жорий этилади:

🔹турар ва нотурар жой объектларини улуш киритиш асосида қуриш жараёнида жисмоний ва юридик шахсларнинг ҳуқуқлари ҳимоя қилинишини таъминлаш;

🔹мавжуд ер ресурсларидан самарали (интенсив) фойдаланган ҳолда уй-жойлар қурилишини ташкил қилиш;

🔹уй-жой қурилиши соҳасида инвестиция лойиҳаларини амалга ошириш муддатларини қисқартириш;

🔹уй-жойларни улуш киритиш ва ипотека кредити асосида сотиб олишнинг ишончли ва самарали имкониятини яратиш;

🔹уй-жойлар қурилишида энергия самарадор қурилиш материалларидан фойдаланишни оммалаштириш.

🔰Фармонга мувофиқ, 2025 йил 1 июлдан, қуйидагилар амалга оширилади, жумладан:

▪️объектларни қуришда қурилиш-пудрат ташкилотлари, девелоперлар ва буюртмачилар томонидан улушдорларнинг пул маблағларини қурилишга улуш киритиш асосида жалб қилиш фақат нотариал тасдиқланган ва кадастр органларида давлат рўйхатидан ўтказилган объект қурилишида улуш киритиш асосида иштирок этиш шартномаси бўйича амалга оширилади;

▪️улушли шартнома бўйича маблағлар улушдор томонидан ваколатли тижорат банкида қурувчи, улушдор ва тегишли тижорат банки ўртасида тузиладиган шартнома асосида очилган “эскроу” ҳисобварағига уларнинг ҳисобини юритиш учун жойлаштирилади ва депонентланади;

▪️улушдорларнинг учинчи шахслар олдидаги мажбуриятлари ва қурувчининг мажбуриятлари юзасидан “эскроу” ҳисобварағи бўйича операцияларни тўхтатиб туриш, маблағларни хатлаш ёки ҳисобдан чиқаришга йўл қўйилмайди;

▪️ биринчи босқичда қурувчи томонидан объектни қуриш ишлари умумий ҳажмининг камида 30 фоизи ўз маблағлари ҳисобидан амалга оширилгандан сўнг тижорат банки томонидан қурувчига мақсадли кредит ажратиш тизими йўлга қўйилади.

@InformsUZB