* * *
Ишқ фанидан Фарҳоднинг
аъло бўлди баҳоси,
жондан кечдию етди –
ёрга бўлди мухосиб.

Одамлар Мажнун дея
кулиб юрган йигит ҳам
бу мушкул муаммонинг
чорасин топди илдам.

Мен-чи, ҳануз ақлим лол,
ҳануз дили пораман,
сен томон бормоққа йўл
тополмай бечораман.

Бу юришда, билмадим,
кимдан имдод кутарман.
Ишқнинг имтиҳонидан
энди қандай ўтарман?

Ҳар онимда ҳижроннинг
сезиб танҳо ритмини,
ечолмайман васлингга
етмоқ алгоритмини.

© Икром ИСКАНДАР

@Ikrom_Iskandar_ijodi