Пулингни қачонлардир чўнтагинга солиб қўйиб, кейин эсингдан чиқиб кетган пайтда топиб олсанг, жуда ҳам хурсанд бўлиб кетасан.

Аллоҳнинг сен кутмаган тарафдан келадиган ризқи ҳам шунга ўхшайди. Моддий томондан қийналиб турганингда, кутмаган тарафингдан ризқнинг кириб келиши сени жуда ҳам қувонтиради. Ўйлаб қарасанг, бошқа вақт шу ризқни топаман деб жуда кўп ҳаракат қилсанг ҳам, унга эриша олмайсан. Назарий жиҳатдан аниқ сеники бўлишини сезиб туриб ҳам, унга етиша олмаслигинг мумкин.

Аллоҳга осон деб бекорга айтилмаганда. Сенга аталган ризқ, барибир сени топиб келади. Фақат, ҳаракат ва ишончни йўқотмасанг бас...

@IBRATLY