Yosh ulg‘aygan sari munosabatlar borasidagi istaklaringiz o‘zgaradi. Sizga osmondagi oyni va’da qiladigan odam kerak bo‘lmaydi, chunki tushunasiz: derazangizdan o‘sha yulduzlarni tomosha qilayotganda yoningizda kimdir bo‘lsa kifoya.

Sizga “seni hech qachon tashlab ketmayman” deb va’da beradigan kishi ham kerak bo‘lmaydi, chunki tushunasiz: asosiysi, o‘zingizni tushuna olmagan kunlaringizda sizni tushunadigan odam bo‘lishi. Ba’zan kayfiyatingiz hech qanday sabab yo‘qday tuyulsa ham butun vujudingizni egallab olgan paytlarda, sizga zarda qilmasdan, ayblamasdan yoningizda qoladigan inson muhimroq ekan.

Sizga shirin so‘zlar aytib, hamma narsani chiroyli qilib ko‘rsatadigan kishi kerak bo‘lmaydi. Chunki tushunasiz: sizga haqiqatni aytadigan, hatto o‘zingiz sezmagan salbiy odatlaringizni ham ochiqchasiga ko‘rsatib beradigan odam kerak. Siz soatlab suhbatlashib, bir-biringizni sog‘inishni isbotlaydigan kimnidir emas, balki sukutda ham o‘zingizni yolg‘iz his qilmaydigan insonni istaysiz.

Yosh ulg‘aygan sari tushunasiz: sizga mukammal odam kerak emas, faqatgina o‘zingizni yagona va qadrli his qiladigan inson bo‘lsa bas. Chunki siz mukammallikni izlashdan to‘xtaysiz va anglaysiz: har bir mukammal narsa ham ideal emas...

#tarjima #munosabatlar

✍ @Hubbuna — oila qurish, oilaviy muhabbat, baxt va farzand tarbiyasi haqida