Hubbuna

Yetarli emas!

Er va xotin bo‘lishning o‘zi yetarli emas. Do‘st va oshiq bo‘lishni ham o‘rganish kerak, toki ularni begonalardan qidirmaslik uchun.

#tarjima

✍ @Hubbuna — oila qurish, oilaviy muhabbat, baxt va farzand tarbiyasi haqida

Er-xotinning eng katta yutug'i bir-birini tushunishidir. Tushunish bo'lmasa, oilada halovat bo'lmaydi. Muhabbatli er-xotinlar esa bir-birini tushunadi!

Tushunilishni istaymi? — 🔥

#Ayollar #erkaklar

✍ @Hubbuna — oila qurish, oilaviy muhabbat, baxt va farzand tarbiyasi haqida

Qabriston kabi sokin uy...

Ajrashish bilan hamma narsa tugamaydi. Uyga qabristondagi kabi og'ir sukunat kirib keladi! Onaning kulgusi, otaning qattiq-qattiq qadam tovushi endi yo‘q... Bolalar ham bolaligini yo'qotib qo'ygandek bir kunda katta bo'lib qoladi go'yo...

Kechqurun bir burchakda yig‘layotgan murg'akkina qalb sohibining ovozi yostiqqa singib ketadi. U hech kimga hech narsa deya olmaydi. Dadasi qaytib kelarmikan? Onasi yana bir bor uni bag‘riga bosarmikan? Bu savollarga javob yo‘q!

Sizning g‘azabingiz, asabingiz, bir lahzalik qaroringiz ularning bir umrlik hayotini hal qiladi. Har bir tortishuvda bolalaringizning mo'tiragan ko‘zlariga boqing. Ular qayerda xato qildi? Ularda ne ayb?!

Oila buzilib ketganda eng katta yo‘qotish bolalarniki bo'ladi. Ular endi “uy” deb ataydigan joyni his qilolmaydi. Chunki uy bolalar uchun to'rt devordangina iborat makon emas, balki mehr-muhabbat, bir-birini tushunishdan iborat dunyodir. Muammolaringiz bu dunyoni chilparchin qilishga arziydimi?!

Bir lahza to‘xtang va o‘ylang: bu qaror faqat sizniki emas! Farzandlaringiz kelajagini xavfga qo'ymang! Ular uchun yana bir bor harakat qiling. Bor kuchingiz bilan, yaxshi niyat bilan! Siz ham yon bosgan, xatolaringizni isloh qilishga kirishgan holda oilangizni tiklash uchun shahdam qadam tashlang!

#Ajrashish

✍️ @Hubbuna – oila qurish, oilaviy muhabbat, baxt va farzand tarbiyasi haqida

Bir haftada bir!

Azizlar, bugun haftalik ixtiyoriy xayriya amalimiz kuni. Keling, bu haftaning hisobidan ehsonimizni o'tkazib qo'yaylik. Men uni haqdorga yetkazaman, inshaalloh.

Xayriya haqida batafsil.

Karta raqam: 9860160605493933
O'z nomimda.

G'iyosiddin Yusuf

480-savol: Oilaviy muhitga ko‘nikishdagi qiyinchiliklar

Assalomu alaykum, ustoz.

Turmush qurganimga besh oy bo‘ldi. Yangi oilamning turmush tarziga, ayniqsa, gigiyena taraflama ko‘nikolmayapman. Turmush o‘rtog‘imdan bu borada ko‘nglim to‘ladi, lekin qaynonam va qayni ukam juda betartib hayot tarziga o‘rganib qolishgan.

Qancha harakat qilsam ham o‘zgarish bo‘lmayapti. Hozir uch oylik homiladorman. Toksikoz sabab qaynonamning uyida qolgandim, lekin menga yaxshi qarashmaganlari uchun ota-onamning uyida davolandim. Endi yana qaynonamning uyiga qaytdim va o‘sha holat davom etmoqda. Ahvolim yomonlashyapti, nafas olish ham qiynayapti.

Turmush o‘rtog‘imdan meni o‘zi bilan olib ketishini so‘rayapman, ammo moliyaviy sabab tufayli buni qilolmayapti. Uydagilar haqida ochiq gapirsam, turmush o‘rtog‘im “ular mening yaqinlarim” deb ko‘p gapirtirmaydi.

Bu vaziyatda qanday yo‘l tutishim kerak? Javobingiz uchun oldindan rahmat.

G'iyosiddin Yusuf:

— Va alaykum assalom. O'zingiz tartib-intizom, tozalikka amal qiling, ular uchun siqilmang, ko'ngilni keng qiling. Imkoningiz yetgancha ularning uylarida ham tozalikni ta'minlang.

#Muammo

Yanada ko'proq savol-javoblar

Qanday qizga uylanishni istaysiz?

Videoda shu haqida yaxshi bir tavsiya berdim. Ko'rish.

#oila_qurish

✍️ @Hubbuna – oila qurish, oilaviy muhabbat, baxt va farzand tarbiyasi haqida

Muhabbat bu duodir, duo bu muhabbat. Kim seni duoda eslasa, batahqiq, muhabbatingni kamoliga yetkazibdi!

#tarjima

✍️ @Hubbuna – oila qurish, oilaviy muhabbat, baxt va farzand tarbiyasi haqida

Oilada hurmat bo‘lsin

Ota-ona bir-birini hurmat qilsin, bolalarini hurmat qilsin. Ota-onaman deya bolasiga istagancha muomala qilmasin. Shuningdek, bolalar yonida bir-biriga hurmatsizlik qilmasin. Yo‘qsa, bolalar oldida hurmatlarini yo‘qotishadi.
Yana bir e’tibor qilish kerak bo‘lgan narsa shuki, ota yoki ona bir narsaga ruxsat bersa, boshqasi man qilib turmasin. Bu ham bolalar oldida juftining obro‘si tu­shishiga sabab bo‘ladi.

📚Gʻiyosiddin Yusufning «Tarbiya-chi?» kitobidan #iqtibos

Kitobni xarid qilish

Yanada ko'proq iqtiboslar

489-savol: Olib qochaymi?

Assalomu alaykum.

Yoshim 25 da. 17 yoshli bir qizni yoqtirib qoldim. Uning uyiga sovchi yubordim, ammo ota-onasi “qizimni o‘qitaman 6 yil” deb rad javobini berishdi.

Qizni juda qattiq yoqtirib qoldim. Olib qochish haqida o‘ylab ko‘rdim, lekin u hali 18 yoshga kirmagani uchun qonunan bu mumkin emas.

Nima qilsam bo'ladi? Menga maslahat bering. Javob uchun oldindan rahmat.

G'iyosiddin Yusuf:

— Va alaykum assalom. Olib qochmang. Olti yil kuta olmasangiz, boshqaga uylaning. Uni unutishga harakat qiling, o'zingizni qo'lga oling.

#oila_qurish

Yanada ko'proq savol-javoblar

Go'zallashish uchun lablarni shishirish emas, ulardan shirin so'z so'zlash kerak!

#ayollar

✍ @Hubbuna — oila qurish, oilaviy muhabbat, baxt va farzand tarbiyasi haqida

Faqat muhabbat bilan turmushda yuzaga keladigan mayda kamchiliklarga ko'z yuma olasiz.

Teodor Drayzer

#Muhabbat

✍ @Hubbuna — oila qurish, oilaviy muhabbat, baxt va farzand tarbiyasi haqida

Xafa bo‘lishni qanday unutish mumkin?

💔 Bizni xafa qilgan insonni kechirish har doim ham oson emas. Ammo tushunish kerakki, kechirish avvalo o‘zimiz uchun juda muhimdir.

〰️ Qabul qilish
Kechirishning birinchi qadamida xafagarchilikni anglash muhim. Voqea haqida o‘ylab ko‘ring va uni qabul qiling. (Ha, bu meni ranjitdi va og‘ritdi).

〰️ Savol berish
O‘zingizga savol bering: nima uchun xafa bo‘ldim? Bunga nima sabab bo‘ldi?
Asosiy muammoni anglaganingizda yechim topish osonroq bo‘ladi.

〰️ Suhbatlashish
Xafagarchilikni unutishda eng muhim qadam — bu ranjitgan inson bilan suhbatlashishdir. Bu oson emas, lekin his-tuyg‘ularingizni unga yetkazsangiz, yengillik tortasiz. Shunchaki gaplashish orqali muammoni hal qilish mumkin.

#Muammo

✍ @Hubbuna — oila qurish, oilaviy muhabbat, baxt va farzand tarbiyasi haqida