Fikr-burchak?

davomi...

Film bo‘lsin, kitob bo‘lsin — barchasida sizga uqtirilmoqchi bo‘lgan ko‘zga tashlanmas g‘oya bo‘ladi. Masalan, deylik “Talaba” asarida asosiy qahramon orqali yetkazilgan fikr mayli, tushunarli, lekin uning otasi nima demoqchi edi? Uni salbiy qahramon sifatida tasvirlanishida qanday maqsad bor?

Odatda, ko‘pchilik hayotni faqat ikki xil rangda ko‘radi va uning bittasini qabul qiladi: oq yoki qora. Vaholanki, aslida hayot oq va qoraning orasidagi ranglar jamlanmasidan iborat. Hech kim mutlaq yaxshi emas va hech kim mutlaq yomon emas.

Hech bir fikr mutlaq to‘g‘ri bo‘lmaganidek, hech qaysi fikr mutlaq noto‘g‘ri ham emas. Shaxslar o‘rtasidagi munosabatlar mana shu aqidaga ko‘ra shakllantirilsa, menimcha hozirgi tushunmovchiliklarning ko‘pi yuz bermagan bo‘lardi.

E'tibor berganmisiz, internet orqali bizga afg‘on xalqini o‘ta qiynalib yashayotgan, zulm ostidagi, narkotikka o‘tirib qolgan, hayoti qop-qora tundek xalq sifatida tasvirlashadi. Lekin birgina bloger u yerga sayohati orqali ko‘plab stereotiplarni parchalab yubordi. Aslida, biz bilganlarimiz noto‘g‘ri bo‘lishi mumkinligini ko‘rsata oldi. Bir necha yil avval, Shimoliy Koreyada o‘qi(ydi)gan o‘zbek yigiti ham X(twitter)da u xalq biz o‘ylaganchalik hayotidan nolimasligini, o‘z hayotida hatto bizdan ko‘ra baxtli yashashini yozgandi...

Ya'ni, dunyoqarashni o‘stirish va fikrlash doiramizni kengaytirish ham yuqorida aytganlarimga bog‘liq masala. Vaziyatlarda ikkinchi tomonni eshitmasdan, biror ma'lumot o‘qiganda unga muxolif manbalarni o‘rganmasdan turib, u haqida xulosa yasamaslik kerak. Aks holda, har yerda ko‘raverasiz mutaassiblarni, takabburlarni, ateistlarni, ko‘rmuridlarni va hokazo. Tushuntirmoqchi bo‘lganim esa, “siz ham shu toifalardan bo‘lib qolmang” g‘oyasi edi...

@Fikr_burchak

Film ko‘raman, kitob o‘qiyman yoki biror voqeani shunchaki eshitaman, farqi yo‘q — hech birida voqealar rivoji muhim ahamiyatli bo‘lmagan men uchun. Unda nimasi muhim?

@Fikr_burchak

Daromad va xarajatlarimni yozib yurdim shu yil. Zaruratdan ortiqcha xarajat qilmasam, bemalol yetar ekan oylik daromadim. Aslida, kishi yashashiga ko‘ra pul topishi emas, topgan puliga ko‘ra yashashi ko‘proq xotirjamlik beradi ekan.

@Fikr_burchak | Siz nima deysiz?

Yuziga niqob taqib, boshiga shlyapa kiyib olib odamlarga pul tarqatadigan bir insta-bloger bor ekan. Qiziq, u shuncha mablag‘ni qanday topadi?

@Fikr_burchak

Bir savol bo‘ldi: "Domla, nimaga maktabdagi o‘quvchilar ustozlarini hurmat qilmay qo‘yishdi?"

Dedimki: "Aslida, o‘quvchilar emas, balki ularning ota-onalari o‘qituvchilarni hurmat qilmay qo‘yishgan! Ota-ona ustozni hurmat qilsa bolasi ham hurmat qiladi".

Yana savol: "Bolalar kitob o‘qimay qo‘ydi, ularni qanday qilib kitobga qaytarsa bo‘ladi?"

Dedim: "Qush uyasida ko‘rganini qiladi. Uyida kitob o‘qilganini ko‘rmagan bola qanday qilib kitobga qiziqsin?! Endi sal o‘ylab ko‘raylik: "uyimizda kitoblar yoki kutubxona bormi?"

Baxtiyor Abdug'afur

@Fikr_burchak

To'xtadim.
Koʻlanka yoʻlimni toʻsar.
Nahotki, bu o'zimning soyam?
U lahzama-lahza oʻsar,
Dam-badam kattarar
tun kabi gʻoyat...

Old zimiston.
Yurib boʻlmas. Hayrona turdim,
Ortga qarab (muzday ter bosdi tanimni),
Quvib kelayotgan yurakni koʻrdim,
Yurak oʻzimniki edi.

Tanidim...

©Faxriyor

@Fikr_burchak

Davlatimiz haqidagi zaruriy ilmlar (huquq, geografiya, iqtisod, madaniyat, tarix va boshqalar)ni takroran o‘qib chiqishni boshladim.

Oxirgi marta 2015-2016-yillarda qiziqib o‘qiganman. Undan buyon oradan o‘nlab yillar o‘tmagan bo‘lsa-da, jamiyat va davlatimiz hayotidagi o‘zgarishlar juda tezlashib ketdi.

Eslaysizmi, referendum haqida fikr so‘ralganida “yomon narsamasmi u?” deganlarini? Shu yurtda yashab turib, uning tutumi haqida ozgina bo‘lsa-da bilib qo‘ymaslik uyat bo‘lar...

@Fikr_burchak

Feysbukda 1 yilda -50 kg ozishni reja qilib, bu natijaga 1 yil-u 4 oyda erishganini yozibdi bir kishi. O‘ylab qoldim, nega men vaznimni hech bo‘lmasa 15 kg oshirolmayman yoki nega ba'zilar kabi kuniga bor-yo‘g‘i 3-4 soat foydalanolmayman telefondan...

Hammaga ham emas-a matonatli hayot tarzi..?

@Fikr_burchak

1 yilda necha kun bor?

Shu savolni istalgan kishidan so‘rasangiz 99,9% odam 365 kun deb javob beradi. Maqola mazmuni esa, bizda aslida necha kun mavjudligini ochib berishga harakat qiladi.

Ro‘yxat — hayotda nimagadir erishmoqchi bo‘lganlar uchun va ulardagi mavjud bo‘lgan foydali ish koeffitsiyentini oldindan aniqlab olish uchun maxsus tuzildi.

Bir yilda 365 kun bor deb hisoblasak, shundan 122 kun uyqu vaqti. O‘rta hisobda 8 soat.

— Bizda 243 kun qoldi.

Har bir kishi ta’lim yoki ishga borish uchun yo‘l yuradi. 1 kunda 1 soatini yo‘l yurishga sarflaydi va bu 1 yilda 15 kun degani.

— Bizda 228 kun qoldi.

Kun davomida jami 2 soat taomlanishga sarflanadi desak, 1 yilda 30 kun ovqatlandik.

— Bizda 198 kun qoldi.

Hammom va unga taalluqli bo‘lgan ishlar uchun 1 yilda minimum 8 kun sarflanadi.

— Bizda 190 kun qoldi.

Inson insoniy jamiyatda yashaydi, Demak suhbatlashish bor narsa, hech kim butun umrini ishga yoki ilmga bag‘ishlay olmaydi. Demak, mavzudan tashqari jonli suhbatlar uchun 1 soatdan ketib qoldi. 1 yilda 15 kun.

— Bizda 175 kun qoldi.

Kiyim va ust-boshlaringizni kimdir olib bermasa kerak? O‘zingizga mos kiyimlarni tanlash uchun, bozor yoki do‘kon aylanish va xarid ishlariga 1 yilda 2 kun ketdi.

— Bizda 173 kun qoldi.

Ish va ta’limdan tashqari telefon qo‘ng‘iroqlarga javob berishga kuniga 4 daqiqadan sarflasak, 1 yilda 1 kun ketib qoldi (bu hisob normal odamlar uchun, kompotlar bundan mustasno).

— Bizda 172 kun qoldi.

Innovatsion jamiyatda internet bormagan joy qolmadi, uzoqdagi do‘st va tanishlarimiz bilan ijtimoiy tarmoq yoki messenjerlar orqali, 1 yilda o‘rta hisobda 14 kun lenta ko‘rish va gaplashishga sarflaymiz (bu hisob normal odamlar uchun, kompotlar bundan mustasno).

— Bizda 158 kun qoldi.

Soch oldirish sartaroshxona (yoki salon) ishlariga 1 yilda 2 kun sarflanadi.

— Bizda 156 kun qoldi.

Hozirgi kunda smartfonsiz yashashni tasavvur qilish qiyin, smartfonda hech qanday amaliyotsiz, unga shunchaki qarab qo‘yish, kunni yoki soatni aniqlash hamda oylik to‘lovlarini to‘lashga jami 1 yilda 1 kun vaqtimiz ketadi.

— Bizda 155 kun qoldi.

Issiq jonning istimasi bor, inson bir yilda o‘rta hisobda 5 kun kasallikni boshidan o‘tkazadi (mutlaq sog‘lom odamlar nazarda tutilgan, surunkali kasallar ko‘proq sarflaydi).

— Bizda 150 kun qoldi.

Mentalitetimizdagi juda "foydali" urf-odatlar sababidan, to‘y-hashamlar, kutilmagan xursandchiliklar sababidan 1 yilimizdan 6 kunni yo‘qotamiz.

— Bizda 144 kun qoldi.

Shu jumladan do‘stlar bilan choyxona davrasida 1 yilda 11 kun.

— Bizda 133 kun qoldi.

Ko‘ngilsizliklar, Fors-major holatlari, kayfiyat tushishi, qisqa vaqtli tushkunlik sabablaridan, 1 yilda 15 kunni yo‘qotamiz.

— Bizda 118 kun qoldi.

Davlat tomonidan berilgan rasman dam olish kunlari, (1-yanvar, 8-mart, 21-mart, 9-may, 2 ta hayit bayrami, 1-sentyabr, 1-oktyabr, 8-dekabr. Jami 9 kun.

— Bizda 109 kun qoldi.

Kim ham o‘z tug‘ilgan kunida mashaqqatni istardi? Yana 1 kun havoga uchdi.

— Bizda 108 kun qoldi.

Bir yilda 365 kun bor deb o‘ylayotganlar endi xayol qilayotganlarini tushungan bo‘lsa shu 365 kundan 52 kun yakshanba. Ya’ni dam olish kunidagi foydasiz ish koeffitsiyenti 25 kun deb olsak.

— Bizda 83 kun qoldi.

Foydasiz ilm. Ha, aynan foydasiz ilm bizning umrimizning ko‘p qismini yeb yuboradi. Ishga va ta’limga taalluqli bo‘lmagan keraksiz yangiliklar, keraksiz ma’lumotlar (futbol yangiliklari, san’atkorlar hayotini o‘rganish), hayoti davomida qo‘llamaydigan bilimlar. Na ishiga na diniga foyda keltirmaydigan bilimlar, sotib olmaydigan narsa (buyum, uy, mashina, texnika)lar haqidagi ma’lumotlarni o‘rganib chiqish hokazo foydasiz bilimlar uchun 18 kun sarf bo‘lib ketadi.

— BIZDA 65 KUN QOLDI.

©Logic club

@Fikr_burchak

Arosat dunyoda yashaymiz:
Na ko‘nglimiz qaroqchilikka rozi,
Na nafsimiz avliyolikka munosib...

Ikrom Sharif

@Fikr_burchak

Qisqa kuzatuvimdan amin bo‘ldim-ki, ko‘pchilikka sun'iy intellektdan foydalanishni o‘rgatmagan ma'qul ekan. Menimcha, bizda uni referat tayyorlash yoki sevgi nimaligini so‘rash uchun ishlatiladi deb o‘ylashadi... 😄

@Fikr_burchak

Anjir yegim keldi. Oxirgi marta yeganimga taxminan 8 yillar bo‘ldi...(

@Fikr_burchak

Kim kuchli?!

- deb so‘ralsa, bugungi kunda hech ikkilanmay “ijtimoiy tarmoqlarda sahifasi bo‘lmagan va uni kuzatmaydigan odam” deb aytaman. Yana u ancha mashhur odam bo‘lsa. Nega bunday deb o‘ylashimni avval yozganlarimdan bilishingiz mumkin, balki keyinroq inshaalloh yana yozarman ham. Gap shundaki, kecha dunyoni eng yaxshi futbolchisi deb topilgan Rodri shunaqalardan ekan. Uni hech qaysi ijtimoiy tarmoqda sahifasi yo‘q ekan. Hayron qolmadim. Chunki u futbol o‘ynaydigan pozitsiyada eng kuchligi bo‘lish uchun hushyorlik bilan fikr yuritadigan aql kerak. Bu futboldagi eng og‘ir pozitsiya. Raqibni hujumini oldindan o‘qishi, uni bartaraf qilishi, o‘zi hujum boshlashi va hujumchilarni to‘p bilan ta’minlashi kerak. Buni eplash uchun esa intellekti yuqori bo‘lishi kerak. Ijtimoiy tarmoqlar - ya’ni "ruhiy hojatxonalar" esa aksar holatda intellektni pasaytirish uchun xizmat qiladi. Odamlarni zaiflashtiradi, gormonlarini buzadi...

Komiljon Abdulloh

@Fikr_burchak

Sinovlar ketma-ket kelayotganini his qiladi ba'zan inson. Muhimi, bunday kunlardan boshni tik tutib o‘tib olish bo‘lsa kerak.

@Fikr_burchak