𝐄𝐫𝐤𝐢𝐧𝐨𝐯 𝐒𝐚𝐦𝐚𝐧𝐝𝐚𝐫 ✨

Tasavvur qiling, barcha savollaringizga birgina javob kifoya qiladi. Hamma-hammasiga.

Yaqinda qayerdadir yoki eshitdim, yoki o'qidim. O'lim - barcha savollarga javobdir.

Hammasi sinov. O'z "imtihon"ingizdan yaxshi o'tib olishingizni tilayman!

✨ Azizbek Rahmatullayev

Nega ‘Kirill’chadan foydalanadi?

— Ruschani biladimi?
— Yo’q.
— Rus maktabida o’qiganmi?
— Yo’q.
— Kirill harflarida o’qiganmi?
— Yo’q.
— G’, O’, Q, H, X kabi harflardan foydalanish osonmi?
— Yo’q, ‘G’azab’ so’zini ‘Газаб’, deb yozadi, ‘Qo’shni’ ni ‘Кошни’ deb yozadi.
— Ha, baraka topgur, nega unda foydalanadi?
— Aqlli ko’ringisi keladi.
— ‘Kirill’chada yozsa aqlli bo’ladimi?
— Yo’q, shuning uchun ‘ko’ringisi’ dedim. Aql? Farosat? Nima u?

P.S. Gap rus tilida o’qigan, ruschani biladigan, ruschandan ko’p foydalanadigan va ‘Kirill’ harflaridan to’g’ri foydalanadiganlar haqida emas)

✨ Abdulaziz To’ychiyev

Vaqt oʻtyapti
Ha vaqt suvdek oʻtib ketmoqda.

*Bu soʻzlarni eshitganda inson hayoliga birinchi oʻrinda oʻz yoshi oʻtayotganlihi har bir lahza on ,hatyoki nimagadir ulgurmayotganligi esiga tushadi har insonning dardi bor toʻgʻri lekin buyogʻda ikkinchi taraf bor .
*Ota ona) bilamizki inson tugʻilibtiki ota onasi farzandi uchun har narsaga tayyor bola tugʻilib oʻsgunga qadar uni tarbiyalash,bilimli farosatli qilish ham ularning zimmasida.Vaqt oʻtgan sayin ularning ham yoshi oʻtib qarib borishi "vaqt oʻtyapti qariyapman"degan oʻz ga oʻz beriladigan savollar(yoshlar orasida balki kattalarhamdir)ahmoqona tuyiladi.
Ular nima uchun yashaydi?
Albatta farzandini kamolini koʻrish uchun qiyin vaziyatda kerakli yordam berish uchun
Farzand ham ota ona boʻladi kelajakda albatta
Nima ekilgan boʻlsa shu oʻriladi .Bazibir farzandlar borki vaqt sarflanib texnalogiyalarga mukkasidan ketib qolishi daham balki tarbiyaga bogʻliqdir.Balki ming ota ona choralar qilmasin tashqi ta'sir yordamida yomon yoʻllarga kirilib ketayotilayotgandir bunday gumonlarning ming xili bor.Koʻz ochib yumguncha 10 yoshli boladan yoshi ulugʻ qariuaga aylanib qolamiz.Garchi hayot bir berilgan sinov buni hamma biladi lekin sinovlarni yengish hammaning ham qoʻlidan kelmaydi
Ha balki bu achchiq haqiqatlarning bir parchasi .
Muhimi tirik murdadek hayot kechirmasak boʻldi
Xulosa oʻzingizdan..

✨Notanish kanaldan olindi

“Nima kitob oʻqisam bo’ladi? Qanday kitob oʻqishni bilmayapman” deb yozishadi.

Buni aniqlab olishing oson usulini tushuntiraman. Ko’p holatda foyda beradi.

Eng oson usul: hozir qilayotgan ishingiz haqida oʻqing. Masalan;

· Talaba boʻlsangiz, diqqatni jamlash, samarali oʻqish va sifatli ta’lim haqida.
· Xodim bo’lsangiz qilayotgan ishingizni yaxshilash haqida, kasbiy rivojlanish haqida oʻqing.

· Iymoningiz sustlashib qolgan boʻlsa, din haqida, iymon mustahkamligi haqida oʻqing.
· Jamoada rahbar boʻlsangiz, boshqaruv va liderlik haqida oʻqing.

Agar yuqoridagi holatdan kelib chiqib kitob tanlasangiz, “Qanday kitob oʻqisam ekan?” degan savolga boshqa qaytmaysiz.

✨ Abdukarim Mirzayev

Misrdagi taloqlarning eng asosiy sababchisi, romantikaga yo'g'rilgan adabiyotlarni mukkasidan ketib o'qish, sevgi-muhabbatga to'la turk seriallarini tomosha qilishdir. Bu soxta his- tuyg'ular, er-xotin bo'lib yashashdagi asl printsiplarga zid bo'lib, hech qachon xonadon va oilani bunyod qila olmaydi.

✨Muhammad Sa'd Azhariy

Tadqiqotlarga qaraganda asabiy insonlar odatda intizomsiz bo'lishadi, chunki emotsiyalarni boshqarish va xulq-atvorni boshqarish zonasi miyada bitta joyda joylashgan.

Agar siz kuchli va "temir" irodali bo'lmoqchi bo'lsangiz

Siz birinchi bo'lib o'zingizni tinchlantirishni o'rganishingiz kerak.

O'z asablaringizni jilovlay olmasangiz o'zingizni ham jilovlay olmaysiz.

✨ Davronbek Turdiyev

HAYIT TARIXI

Ramazon hayitining paydo boʻlishi va nishonlanishi Hazrati Paygʻambarimiz sollallohu alayhi va sallam bilan uzviy bogʻliq. Hijratning ikkinchi yilidan buyon Ramazon hayiti ulugʻ ayyom sifatida nishonlab kelinadi. Mazkur ibodatning tantanasi oʻlaroq Ramazon hayiti Alloh taolo tomonidan musulmonlar uchun bayram qilib berildi.

Rasululloh sollallohu alayhi va sallam Madinaga kelganlarida shahar ahli ikki kunda oʻyin-kulgi qilar edilar.

“Bu ikkisi qanday kun?” deb soʻradilar.

“Johiliyatda oʻynaydigan kunimiz edi”, deyishdi.

Shunda Rasululloh sollallohu alayhi va sallam: “Albatta, Alloh sizlarga bu ikkisi oʻrniga ulardan koʻra yaxshi — Qurbonlik kuni va Fitr kunini berdi”, dedilar (Imom Termiziy rivoyati).

Qurbon va Ramazon hayitlari Allohning bandalariga farz qilgan ulugʻ ibodatlari: Ramazon roʻzasi va Haj ibodati ado etib boʻlingan kunning ertasiga nishonlanadi. Alloh taolo bandalarini mana shunday ulugʻ ibodatlarni ado etishga muyassar qilgani uchun ham uning shukronasiga ikki rakaat hayit namozini oʻqishni vojib qildi. Alloh taolo Qurʼoni karimda bunday marhamat qiladi: “Bas, Robbingiz uchun namoz oʻqing va (tuya) soʻyib qurbonlik qiling” (“Kavsar” surasi, 2-oyat).

Rasululloh sollallohu alayhi va sallam: “Har bir qavmning oʻz bayrami bor, bu (Iyd kuni) bizning bayramimizdir”, deganlar. Moʻmin-musulmonlar Hayit bayramini yaqinlari davrasida oʻtkazadilar. Ayniqsa, ota-onalarga yanada xushmuomala boʻlib, xursandchilik ulashishadi. Ularning duolarini olishadi. Shuningdek, muhtojlar va bemorlar holidan xabar olish, bolalarga shodlik ulashish, ularning qalblariga quvonch olib kirish katta savob amallardan biri. Hofiz ibn Hajar rahimahulloh: “Hayit kunlari shodlikni izhor qilish dinning shiorlaridandir”, deganlar.

✨ Islombek Bobojonov