Меърож намози

Ражаб ойида бир кеча бўлиб, унда қилинган Ҳасанотларга юз баробар кўп ажр берилади.
Бу Ражаб ойининг 27-кечасидир. Айни ҳозирги кеча.
(Бу Пайғамбаримиз соллаллоҳу алайҳи ва салламнинг меърожга чиққан кечалари бўлган.)

Бу кеча ҳақида Ҳофиз, Жалолуддин Суютий роҳматуллоҳи алайҳ ўзларининг
«Жоми ул кабир» китобларида қуйидаги ҳадиси шарифни зикр қиладилар.

Пайғамбаримиз алайҳиссалоту вассалам айтадилар.
«Ражаб ойида шундай кеча бордурки, бу кечада амал қилган киши учун юз йиллик ҳасанот ёзилур».

«Ким шу кечада икки ракатдан олти марта жами ўн икки ракат намоз ўқиса

(бу намозда фотиҳадан кейин хоҳлаган сурасини зам қилади.
Махсус сура белгиланган эмас!)

ва намоз тамом бўлгач юз марта

"Субҳаналлоҳи вал-ҳамду лиллаҳи ва лаа илаҳа иллаллоҳ валлоҳу акбар» дeca,

Кейин 103 мaртa
"астағфируллоҳ" деса,
Кейин 100 марта Пайғамбаримиз алайҳиссаломга саловат айтса ва ортидан дини ва дунёси учун манфаатли нарсаларни Аллоҳдан сўраб дуо қилса, ва шу кечаси саҳар туриб рўза тутса Аллоҳ унинг дуосига ижобат қилади.
Гуноҳ ва ҳаром нарсаларни сўрамаган бўлса бас.

Худди шу ривоятни имом Байҳақий раҳимаҳуллоҳ ҳам Анас ибн Молик розияллоҳу анҳудан (заиф иснод билан) ривоят қилган.

Ҳужжатул ислом Ғаззолий "Иҳё"да бу намозни "Меърож намози" деб айтган.
(ал-Адаб фи Ражаб. Мулла Али ал-Қори. 48-Б).

🕊Дуога муҳтож қул