Dilmurod Ortiqxo'jayev

Keraksiz narsalar uchun kerakli narsalardan voz kechish - haqiqiy ahmoqlik.
@DilmurodOrtiqxojayev

Assalomu alaykum.

Stiv Jobs biografiyasiga yuzlanishga qaror qildim. Faqatgina bitta xulosani yoritib bermoqchiman.

"Olib tashlash orqali yaxshilash".

O'zim ko'rgan, bilgan, eshitgan insonlar orasida, o'zimda ham bir holatni payqadim.  Inson tabiati olib tashlashdan ko'ra olib qolishga moyilroq.

Balki shuning uchun ham biz rivojlanishni xohlaganimizda yaxshi odatlar qurishga harakat qilamiz, yomonlarini yo'qotishga emas.

Erta uyg'onishni maqsad qilganlarning necha foizi erta uxlaydi deb o'ylaysiz? Men bilganlarning 10%i ham unday emas.

Bu xulosani bir hikoya bilan yakunlashga qaror qildim.

Olimlar majlisi bo'layotgan ekan. O'rtaga shunday savol tashlanibdi: "Eng afzal amal qaysi?". Bir olim tahajjud namozi debdi. Ko'plab olimlar uning gapini ma'qullashibdi. Shunda boshqa bir olim shunday debdi: "Eng afzal amal gunohlardan tiyilishdir". Hamma olimlar baravariga "Sen to'g'ri aytding", deyishibdi.

Yomondan qutilganda yaxshisiga erishish oson bo'ladi.
21.04.2025

Shu xulosam kitob yutib olishimga yordam berdi..

Raqibga bog'liq

Hujum qilmasangiz gol urolmaysiz. Himoyalanmasangiz gol o'tkazib yuborasiz

Hujum qilmasangiz pul topolmaysiz. Himoyalanmasangiz, topgan pulingizni saqlab qololmaysiz.

Buning ikkisi raqibingizga bog'liq. Raqib kuchsiz bo'lsa, yutayotgan vaqtda ham hujumga o'tiladi, kuchli bo'lsa himoyalaniladi.

Bu hayot qonuni. Raqibingizga kuchingiz yetmasa, birinchi yechim - uni zaiflashtirishga harakat qilish, Ikkinchi yechim - o'zingizga sherik topish.

Kompaniya va firmalar shunday ishlaydi..

Tirbandlik..

Avtobusdan boshlaylik 😁

Avtobusning eng probka bo'ladigan joyi - eshikni oldi, chiqish qismi. Odam siqilinch bo'lgan avtobusda ham o'rtadagilar unchalik siqilib ketishmaydi.

Nima uchun shunday?
Avtobusga chiqqan odam osonroq tushishini o'ylaydi. O'rtaga ketib qolsa, tushishi qiyinlashib ketishidan qo'rqadi.

Biror sohaga kirishda, biror ishni boshlashda ham shunday. Masaln, til o'rganishda. Kursga borsangiz (Beginner/Elementary) odam juda ko'p bo'ladi. Intermediate, Ielts darajalarga chiqqanda esa juda kamayib ketishadi.

Biznes boshladingiz. Qarasangiz hamma shu ishni qilayotgandek tuyiladi. Dastlabki bosqichda hamma sizdek taklif berishi, sizdek xizmat ko'rsatishi mumkin. Biroq 95%dan ortiq biznes yopilib ketadi.

Boshida biznesdan oson chiqishga tayyor bo'lib ish boshlaganlarning esa qanchasi biznesni davom ettirib ketadi deb o'ylaysiz?

Hozir hamma ishning boshi tirbandlikda. Biroz chidab, yaxshi mutaxasis bo'lib olsangiz (avtobusni o'rtasiga o'tsangiz), o'z sohangizda mutaxasislar yetishmasligidan hayron qolasiz. Chunki hammasi eshikni oldida, chiqishga tayyor turibdi.

Yo'ldagi probkalarga o'tsak 😁

Bugun uydan kvartiraga keldim. Tahminan 2 soatlik yo'l va probkasiz yetib keldim. Biroq agar kvartiradan uyga qaytayotgan bo'lganimda, 3 soatda yetib borsam ham xursand bo'lardim. (O'zingiz xulosa chiqaring).

Atrofingda o'zingga o'xshaganlar bo'ladi deyishsa ishonmasdim. Biroq bir kuni universitetga kech qolayotganimda atrofimga qaradim. Atrofimdagi hamma talabalar kech qolayotgandi😅.

Probkada ham shunday. Aslida siz probkada emassiz, sizning o'zingiz probkasiz.

Har qanday joydagi tirbandlikni ko‘ryapmizmi, demak u jarayonning ichida biz ham bormiz.

Masalan, chegirma xarid maydonida tiqilinch bormi, uni ko‘ryapmizmi, demak uni hosil qilishning bir qismimiz.

Mutaxassis bo‘lmagan "mutaxassislar" tirbandligi ham oshib boryapti. Bir qismiga aylanib qolmasligim kerak.

Kurashish qismlikdan chiqishdan boshlanadi.

Agar hayotimizda probka bo‘lsa – demak, biz o‘zimiz o‘sha probkamiz. Va bu yaxshi yangilik – chunki o‘zimizni o‘zgartirsak, yo‘l ham ochiladi.

Probkaga tushmaslikning yo'lini qidiring...
@DilmurodOrtiqxojayev

Afsuski..😔

O'tmish o'tib ketdi, kelajak kelishini bilmaymiz.....

G'arbliklar toomonidan ajoyib singdirildi, shunday emasmi? Bu gapni xato demoqchi emasman, biroq biz xato tatbiq qilyapmiz..

Insonni hamma ehtiyoji qondirilsa nima bo'ladi? Inson jinniliklar qilishni boshlaydi. Hamma ehtiyoji qondirildi degani - u yuqori qatlamdagi inson degani. Uning qurbi ancha muncha narsaga yetadi.

Yonidagiga tegishib ko'radi. Aqlga sig'maydigan ishlarni qilishga urinib ko'radi. Urushlar ham asosan shundan kelib chiqadi.

G'arbliklar esa "ehtiyojsiz" insonlarni nimadir bilan chalg'itishi kerak edi. Buguning bilan yasha, o'tmish o'tib ketdi, kelajak kelmaydi, hayotga bir marta kelasan deyish esa ularni nimaga undadi?!

Inson o'ziga o'xshaganini jalb qiladi(mi?).

Siz ham eshitgan bo'lsangiz kerak. Yaxshi inson bo'lsang attofingga yaxshilar yig'iladi. Energiyaga boy inson bo'lsang atrofingda ham shundaylar bo'ladi....

Bitta ammo si bor. Doim ham bunday bo'lmaydi. Insonlar o'ziga o'xshaganlarni oldiga borishmaydi, ular kimda o'zida yo'q narsa bo'lsa o'shani oldiga boradi.

Faqatgina bir toifadan tashqari. Ya'ni Agar inson o'zi qilayotgan ishni to'g'ri, yaxshi deb bilsa o'ziga o'xshaganlarni oldiga boradi.

Boshqa toifadagilari esa ma'lum bir ishni to'g'ri deb, muhim deb bilsa - shu ishni qilayotganlarni oldiga boradi.

Ko'pchilik o'zida yo'q, biroq to'g'ri deb o'ylaydigan ishni qilayotganlar yoniga boradi.

Notiqlikdan zo'r bo'lgan odamni oldiga kimlar boradi?! Notiqlik kerak deb o'ylaydigan, lekin o'zi notiqlikda yomon bo'lganlar. Ikkalasi bo'lishi shart. Ham kerak deb o'ylashi, ham o'zida yo'q bo'lishi kerak.

Yana bir misol. Ko'p gapiradiganlar ko'p gapirishni ziyoni haqida, sukut saqlashni ko'pchilik eplay olmasligi haqida eshitib qolishdi. Ular kam gapiradigan bo'lishga, ko'proq sukut saqlaydiganlarga yaqin bo'lishga harakat qilishadi.

Xulosa qiladigan bo'lsak, inson o'ziga o'xshaganlarni jalb qilmaydi. Kimlarni jalb qiladi? O'zidagi narsani muhim deb, to'g'ri deb bilagan biroq bu narsa o'zlarida yo'q bo'lgan insonlarni.

Ikkita ko'p gapiardigan yoki ikkita ko'p gapiradigan odamdan ko'ra, bittasi kam, bittasi ko'p galiradiganlarning suhbati yaxshiroq bo'ladi. Bittasi tinglashni yaxshi biladi, bittasiga esa tinglovchi kerak.
@DilmurodOrtiqxojayev

Diqqat

Hozirgi eng qimmat narsa - bu diqqat. Eng katta kompaniyalarni, juda ko'plab boy insonlarni ko'ring: ular boshqa insonlarni diqqatini boshqalarga qaraganda ko'proq ushlab tura oladi.

Netflix, uzmovi da qancha ko'p diqatingizni sarflasangiz, ularga shuncha foyda.

Hammamiz iste'molchiga aylanganmiz. Ular bergan narsani iste'mol qilamiz. Bu jarayondan chetga chiqish juda qiyin, balki iloji yo'qdir. Bunga yechim esa - iste'mol qilayotgan narsalaringizni saralash.

Bizga berilgan vaqt kam emas, keragidanda ko'p. Bizga vaqtning yetmasligini asosiy sababi esa - Diqqatimizning tez bo'linishi.

Men uchun ham, siz uchun ham eng qimmatli resurs diqqat bo'lib qoldi. Hamma bizni diqqatimiz uchun ijtimoiy tarmoqlarda kurashmoqda.

Diqqat – bitta ish qilish emas, boshqa hamma ishdan voz kechish. Bu juda qiyin jarayon.

Telefon
Ertalab telefonni ishlatish - diqqat yo'qolishiga sabab bo'ladi. Darsda telefonga necha marta qaraysiz?

Lekin bitta muammo bor. Kino ko'rganda 2-3soatlab hech narsaga chalg'imasdan ko'ra olamizku. Buning ortidan boshqa muammo kelib chiqadi. Zerikish.
Biz zerikishni bilmaymiz. Zerikishni boshlash bilan qiziqroq narsaga intilaveramiz. 10 minut kitob o'qigandan so'ng zerikishni boshlaymiz va yana diqqatimiz chalg'iydi.

Zerikishni o’rganing. Diqqat qilishni ham o’rganasiz.
@DilmurodOrtiqxojayev

1. Bir odam kasal bo'lib qoladi, uning 4ta o'g'li bo'ladi. Bir o'g'li boshqalariga shunday deydi: "Otamga qaraysizlar va merosdan hech narsa olmaysizlar yoki men otamga qarayman va merosdan hech narsa olmayman". Ular sen qara deyishdi.
P.S bizda esa aksi, kim qarasa merosni o'sha olishi kerak. Asl adolat esa boshqacha!

2. Abu Bakr Siddiq r.a o'zlaru haqida maqtov eshitsalar shunday der edilar: "Allohim! Sen meni o'zimdan ham yaxshiroq bilasan. Men esa o'zimni ulardan ko'ra yaxshiroq bilaman. Allohim, meni ular o'ylagandan ham yaxshiroq qilgin. Ular bilamydigan gunohlarimni kechirgin. Ular aytgan narsalar bilan meni jazolamagin".

3. Muoviya ibn Qurra aytadi: "Hasanning huzurida edik. Qaysi amal eng afzal ekanligi haqida gaplashdik. Hamma tunda qoim bo'lish deb ittifoq qildi. Men esa:"Haromlarni tark qilish", dedim. Shunda Hasan "Gap tamom, gap tamom", dedi".

4. Vaqiy rahmatullohi alayh aytadi: "Hayit kuni Sufyon Savriy bilan ko'chaga chiqdik. Shunda u: "Bugun eng birinchi qiladigan ishimiz ko'zni pastga qaratishdir", dedi.

5. Sufyon ibn Uyayna aytadi:"Kim izzat talab qilsa, xorlik bilan sinaladi. Kim mol-dunyo uchun harakat qilsa, faqirlik bilan sinaladi. Ammo kim din uchun harakat qilsa, Alloh taolo dini sababli unga izzat va mol-dunyoni ham qo'shib beradi".
P.S: Izzat tilasang, xorlikka tayyor tur.

6. Bani Isroilda ikki odam bo'lgan ekan. Biri ibkdatgo'y, biri esa gunohkor ekan. Ibodatgo'y inson gunohkorni doim gunohdan tiyilishga chorlar ekan. Bir kuni uni gunohning ustida ushlab olib: "Allohga qasamki, Alloh seni gunohingni kechirmaydi, seni jannatga kiritmaydi", debdi. Ikkalasi vafot etgandan so'ng, Alloh gunohkor bandaga "Rahmatim tufayli jannatga kir" debdi. Ibodatgo'yga esa: "Bandamni rahmatimdan to'sib qo'ydingmi? Yoki Mening qo'limdagi narsaga qodir bo'lib qoldingmi? Buni do'zaxga olib boringlar", debdi".
P.S: Gunohimni kechirar ekan deb xohlagancha gunoh qilmasligimiz kerak. Chunki "Alloh taqvodorlarning gunohlarini kechiradi" deganini eshitganman.

7. Hajjoj bolalarining muallimiga shunday degan ekan: "Ularga yozishdan oldin suzishni o'rgat, chunki odam o'zining o'rniga yozadigan odamni topishi mumkin, lekin o'zining o'rniga suzadigan odamni topa olamydi".

8. Fuzayl ibn Iyozning o'limi yaqinlashganda u hushidan ketdi. So'ng ko'zlarini ochib, "Safarim uzoq, ozuqam kam", dedi.
"Solihlar gulshani"
@DilmurodOrtiqxojayev

#kitoblar_2025
8. Solihlar gulshani -10/10
Qisqa reelslarni ko'rgandek bo'ldim, qisqa hikoya, ibratli voqealar jamlangan asar.

Butun boshli kitobning 1%ini eslab qolsam, yetadi. O'sha 1%ni ertaga yozaman.

Egoni nimalar o'stiradi?!

1. Zamonimiz. Hozir oddiy odamlar qolmagan. Hamma yulduz, hammani instagramda obunachilari bor. Bitta kitob o'qisa kitobxon, bitta joyga sayohat qilsa dunyoqarashi juda kengayib ketgan, hali ochilmagan kompaniyasining CEOsi(bosh direktor)..

2. Biz ko'p gapiramiz. O'zimiz haqimizda, qilayotgan ishlarimiz haqida ko'p gapiramiz. Biror ishni qilganimiz, biror joyga borganimizni ijtimoiy tarmoqlarga qo'yishimiz ham o'zimiz haqimizda gapirishimizga misol.

Ego belgilari:
1. Arziyman deb bilish.
2. Nazoratni xohlash - go'yoki boshqa ishlar undan ruxsat so'rab keyin qilinishi kerakdek.
3. Men juda muhim shaxsman deb o'ylash

Nega faqat yaxshi tomonlarimizni ko'rsatamiz?
@DilmurodOrtiqxojayev

Olib tashlash orqali yaxshilash

Inson tabiati olib tashlashdan ko'ra olib qolishga moyilroq.

Balki shuning uchun ham biz rivojlanishni xohlaganimizda yaxshi odatlar qurishga harakat qilamiz, yomonlarini yo'qotishga emas.

Men esa yaxshisini qurgandan yomonini yo'qotgan yaxshi deb bilaman. Ma'lum bir chegaragacha albatta.

Erta uyg'onish -yaxshi odat. Kech uxlash esa yomon. O'zingiz tushundingiz-a... Nima uchun tishingiz og'risa uni oldirasiz, ustidan yangi tish qo'ydirmaysiz?

Stiv Jobs ham qo'shishdan ko'ra olishni muhim deb bilardi. Shuning uchun telefonlaridan klaviaturani olib tashladi.

Time managementni olaylik. Bo'sh vaqtga ega bo'lish uchun ma'lum bir ishlaringizni kamaytirasiz. Masalan, telefondan kamroq foydalanasiz.

Yomonidan qutilganlarda yaxshisiga erishish osonroq bo'ladi.
@DilmurodOrtiqxojayev

MENING TO‘RT KUNIM BOR

Xalil ibn Ahmad aytadi:

Mening to‘rt kunim bor.

1. Ko‘chaga chiqib, o‘zimdan ilmliroqqa yo‘liqqan kunim undan nimanidir o‘rganaman. Bu mening foyda topgan, o‘ljani qo‘lga kiritgan kunim.

2. Ko‘chaga chiqib, o‘zimdan ilmsizroqqa yo‘liqqan kunim unga nimanidir o‘rgataman. Bu mening savob ishlagan kunim.

3. Ko‘chaga chiqib, ilm bobida o‘z tengqurimga yo‘liqqan kunim u bilan birga dars qilaman. Bu mening sabog‘imni pishitgan kunim.

4. Ko‘chaga chiqib, o‘zi ilmsiz-u, lekin o‘zini mendan ko‘ra ilmliroq hisoblaydigan kishiga yo‘liqqan kunim u bilan gaplashmay qo‘ya qolaman. Bu mening dam olish kunim.

@DilmurodOrtiqxojayev

Ertalab turganingizda nima siz uchun yaxshi yoki yomonligini bilmasangiz, kayfiyatingiz yaxshi yoki yomon bo'lib uyg'onishingizni sizga nima qizig'i bor.

Hech qachon tayyor bo'lmaymiz

Dtm intihonida men tayyorman degan odamni ko'rmadim. Yana ozgina vaqtim bo'lagnida edi deganlar esa ko'p edi.

Til sertifikatlariga imtihonga kiraytoganda ham shunday. Rosa o'qiganlar ham, yaxshi o'qimaganlar ham bir xil gapirishadi. Ozgina ko'proq vaqtim bo'lsa, tayyor bo'lardim deyishadi.

Chunki insonda qoniqish, rozi bo'lish hissi bo'lamydi. Bekorga inson ehtiyojlari cheksiz deyilmaydi. Bitta mashina olsa, yana yaxshirog'ini xohlagani kabi, imtihonga, suhbatga, uchrashuvga, musobaqaga... tayyorlanganda ham yanada ko'proq vaqt bo'lishini xohlashadi.

Biroq yakun ikki xil. Ba'zilar afsuslanadi, ba'zilar xursand bo'lishadi.

Lekin... Hech qachon tayyor bo'lmaymiz. Agar boshlash uchun tayyorlik hissini kutayotgan bo'lsangiz, hech qachon boshlamaysiz.
@DilmurodOrtiqxojayev

Meni boshqa narsa o'ylantirdi. O'qisam, o'zimni tasvirlashayotgandek bo'ldi, biroq nima uchun shu narsa o'zimni hayolimga kelmadi?!

Nima bu narsalarni bilmasmidim? Bilmasam, bu to'g'riligini qayerdan bilyapman? Senchi?


Ba'zilar jarayon emas, natija muhim deyishadi. Boshqalari esa aksini aytishadi. Biroq, ikkisini gapi ham to'g'ri.

O'zimizni aldamayotganimizni, haraktsizlik og'rig'idan berkinayotganimizni bilishni yo'li bormi?

Hayolimga faqat bitta yechim kelyabdi. NATIJA. Menga natija emas, jarayon muhim deydiganlarda ham natija bo'ladiku, to'g'rimi? Chunki ular ham harakat qilishadi.

O'zini aldayotganlar esa - ilm o'rganyapman, til o'rganyapman, universitetda "o'qiyapman"... deyayotganlar natijasiga qarashsin!

Maktabda "Biz baho uchun o'qimaymiz, muhimi o'rgansak bo'ldi" deydiganlarni esla! Bu gapni umuman o'qimaydigan, amallab 3 oladiganlar aytishardi...

Haqiqatda o'qiyotgan bo'lsang, baholaringga qara. Mana shu seni natijang. (Ustozing bilan kelisholmay 3 olganing yoki ustozingga yalinib 5 olganingni aytganim yo'q!)

Haqiqatdan o'rganayotganimizni qanday bilamiz? Boshqalarga o'rgatib ko'ramiz, payti kelganda ishlatamiz, amal qilamiz...

Harakatsizlik ortidan keladigan og'riq o'rtamiyonalikka rozi bo'lishdanda yomon. Undanda yomoni esa - o'zingni harakat qilyapman deb aldaysan, biroq harakat qilmayotganlar bilan bir xil bo'lib qolaverasan.
@DilmurodOrtiqxojayev

Haqiqat tebratadi odamni

Ko'plar boshlashni emas, boshlayotgandek va banddek tuyilishni xohlaydi.

Reja tuzib, daftarga yozib, video ko'rib - o'zini ishlayotgandek ko'rsatishni.

Shunday qilayotganlar aslida qochayotgan bo'ladi. Harakatdan emas, harakatsizlik og'rig'idan. Foydasiz bo'lib qolishdan.

Lekin o'sish o'zi bilan haqqoniy yuzlashishdan boshlanadi. Bu yo'l chiroyli emas.

U charchatadi, xafa qiladi, tan olinishi qiyin haqiqatlarni yuzaga chiqaradi.

Ammo o'sishning boshqa yo'li yo'q. Quruq motivatsiya emas, haqiqat tebratadi odamni.
•Maqsad_club
@DilmurodOrtiqxojayev

Muhitning rivojlanishga ta'siri

Ray Dalioning bir gapi yoqdi: Men bu bosqichga o'z tajribalarim va atrofimdagilar sabab yig'ib borgan tajribalarim orqali yetib keldim.

Atrofidagilar sabab qanday tajribalar yig'gan?!

Atrofingdagilar o'rtamiyonalikka rozi bo'lsa, ulardan hech narsa o'rgana olmaysan, tajriba ololmaysan.

Mag'lub bo'lishdan ko'ra ko'proq qo'rqishing kerak bo'lgan narsa: o'rtamiyonalikka rozi bo'lish.

G'alaba mag'lubiyatdan, mag'lubiyat esa o'rtamiyonalikdan ko'ra afzal.

"Muhitni nima ta'siri bor, o'zimiz rozi bo'lmasak bo'ldiku" - deb o'ylayotgandirsan...

Atrofingdagilar 10 ballik shkalada 5 ga rozi bo'lishsa, hech qachon 10 ga chiqa olmaysan. Boshqalardan anchagina kuchli harakat qilsangda, o'z potensialingdan to'liq foydalana olmaysan. Oshib borsang 8 ga rozi bo'lasan.

O'zingga qilgan eng yaxshi ishing - o'zing erisha oladigan maksimal darajaga chiqishdir.
@DilmurodOrtiqxojayev