⭐️ IT olamida yuksalayotgan va xalqaro e’tirofga sazovor bo‘lgan iste’dodli qiz bilan suhbat

Xotin-qizlar IT sohasida yuksak marralarni zabt etmoqda. Dasturlash va kiberxavfsizlik kabi yo‘nalishlarda ular xalqaro miqyosda muvaffaqiyatga erishmoqda. Shunday iqtidorli yosh mutaxassislardan biri – Aziza Ne‘matova.

🏫 Qahramonimiz Navoiy shahridagi Prezident maktabining 11-sinf o‘quvchisi, AQShning TechGirls 2024 loyihasi finalisti va birinchi o‘rta osiyolik “Women in Tech” g‘olibi. U dasturlashga 7-sinfdan qiziqishni boshlagan, xalqaro miqyosda yutuqlarga erishgan.

Aziza o‘z faoliyatida Python, Data Science va Kiberxavfsizlik yo‘nalishlariga alohida e’tibor qaratib, SENSORIKA IT markazida o‘qituvchi yordamchisi sifatida tajriba orttirgan. Shuningdek, “Girls in Research” loyihasida kvant hisoblash bo‘yicha ilmiy tadqiqot olib borib, maqolasi xalqaro jurnalga qabul qilingan.

👩‍💻 Uning IT sohasiga qo‘shgan hissasi “Navoi Tech Teens” loyihasi va “IT Girls Hackathon Navoi – 2024” tashabbuslari orqali yanada kengaydi. Shuningdek, Aziza AQShning Boeing, Amazon, Microsoft, Oracle va META kabi yirik kompaniyalarida amaliyot o‘tagan.

U bilan bo‘lib o‘tgan intervyumizda muvaffaqiyat sirlari, kelajak rejalari va texnologiyaga bo‘lgan ishtiyoqi haqida suhbatlashdik.

🎞 Intervyuni to‘liq formatda quyidagi havola orqali ko‘rishingiz mumkin: https://youtu.be/7kynTzFb2YI?si=EM3ZCHYuSdRSFZ2_

📩Telegram 📱Facebook 📱 Instagram 📺Youtube 🌐 LinkedIn 🐦 X