Digital.uz

🖌 9-fevral – Buyuk mutafakkir, shoir Alisher Navoiy tavallud topgan kun!

Bugun, 9-fevral – ulug‘ shoir, buyuk mutafakkir, atoqli davlat va jamoat arbobi Alisher Navoiyning 584 yilligi nishonlanayotgan kun.

✍️ Alisher Navoiy o‘zining boy ijodiy va ilmiy merosi bilan nafaqat o‘zbek adabiyotining, balki butun jahon madaniyatining yuksalishiga beqiyos hissa qo‘shgan. Uning asarlari yuksak umuminsoniy g‘oyalarni tarannum etib, milliy tilimizning go‘zalligi, so‘z boyligi va cheksiz ifoda imkoniyatlarini namoyon qiladi.

👨‍💻Buyuk mutafakkirning g‘azallari, dostonlari va nasriy asarlari asrlar osha insoniyat ma’naviyatiga xizmat qilib kelmoqda. Uning ijodi barchamizni ezgulik va adolat sari yetaklab, madaniy merosimizni yanada boyitishda davom etmoqda.

📩Telegram 📱Facebook 📱 Instagram 📺Youtube 🌐 LinkedIn 🐦 X

⚡️“Cyber university” davlat universitetiga rektor tayinlandi

O‘zbekiston Respublikasi Vazirlar Mahkamasi qarori bilan Shuxrat Shukurovich Kayumov “Cyber university” davlat universiteti rektori etib tayinlandi.

Sh. Kayumov Toshkent davlat texnika universiteti, Toshkent davlat iqtisodiyot universitetlarini tamomlagan. Shuningdek, Germaniya va Yaponiyaning yetakchi oliygohlarida o‘qigan.

📩Telegram 📱Facebook 📱 Instagram 📺Youtube 🌐 LinkedIn 🐦 X

💱 MasterCard vakillari bilan kelgusida samarali hamkorlik masalalari muhokama qilindi

Raqamli texnologiyalar vaziri birinchi o‘rinbosari O. Umarov MasterCard kompaniyasining MDH bo‘yicha bosh menejeri Sulaymon Sozeri bilan uchrashuv o‘tkazdi.

💬 Uchrashuvda O‘zbekiston elektron tizimlariga xorijiy investitsiyalarni jalb etish masalalari ko‘rib chiqildi. Shuningdek, vazirlik tomonidan IT Park rezidentlari uchun nazarda tutilgan imkoniyatlar va soliq imtiyozlari haqida ma’lumot berildi.

Batafsil: 👉 https://digital.uz/oz/news/view/35374

📩Telegram 📱Facebook 📱 Instagram 📺Youtube 🌐 LinkedIn 🐦 X

“E-KON” xalqaro tanlovda yilning eng yaxshi loyihasi deb topildi 

Xalqaro professional IT hamjamiyati Global CIO tomonidan tashkil etilgan xalqaro tanlovda “O‘zbekneftgaz” AJ tomonidan amalga oshirilgan “E-KON” loyihasi yoqilg‘i energetika sohasidagi “Yilning eng yaxshi loyihasi” deb e’lon qilindi. Bu natija O‘zbekistonning raqamli transformatsiya sohasidagi erishgan yutuqlaridan biri sifatida tarixga kirdi.

Batafsil: 👉 https://digital.uz/oz/news/view/35359

_____________

«E-KON» признан лучшим проектом года на международном конкурсе

На международном конкурсе, организованном международным профессиональным IT-сообществом Global CIO, проект «E-KON», реализованный АО «Узбекнефтегаз», был признан «Лучшим проектом года» в топливно-энергетическом секторе. Этот результат вошел в историю как одно из достижений Узбекистана в области цифровой трансформации.

Подробно: 👉 https://digital.uz/ru/news/view/35359

📩Telegram 📱Facebook 📱 Instagram 📺Youtube 🌐 LinkedIn 🐦 X

Masofaviy xizmatlar eksportini yangi bosqichga olib chiqish vaqti kelgani ta’kidlandi.

Faqat texnik xizmat ko‘rsatish bilan cheklanmay, buxgalteriya, konsalting, sug‘urta, yuridik va boshqa professional xizmatlar eksportini yo‘lga qo‘yish kerakligi qayd etildi.

Mutasaddilarga xorijiy davlatlarning xizmatlar importini va talablarini tahlil qilib, o‘quv dasturlarini shunga moslash va tegishli mutaxassislarni tayyorlash topshirildi.

Bu yil kreativ iqtisodiyotdagi startap loyihalar uchun 50 million dollar ajratildi.

Misol uchun, “Amazon”da ishlab, Nukusga qaytib kelgan Beknazar Abdukamolov startap loyihasiga “Facebook”dan 3 million dollar jalb qilgani uchun bugungi kunda aktivlari 15 million dollarga baholanmoqda.

Hozirda dunyoning yirik IT kompaniyalarida ishlayotgan bunday yuzlab yoshlarimiz bor. Raqamli texnologiyalar vazirligiga eng avvalo shunday yoshlar bilan birgalikda startap loyihalarini amalga oshirish lozimligi ko‘rsatib o‘tildi.

Umuman, 2025-yilda IT xizmatlari hajmini 30 foizga o‘stirib, 80 trillion so‘mdan, eksportini 1 milliard dollardan oshirish zarurligi ta’kidlandi.

📩Telegram 📱Facebook 📱 Instagram 📺Youtube 🌐 LinkedIn 🐦 X

Kreativ sohalar – IT, turizm, loyiha, dizayn, injiniring kabi xizmatlarni rivojlantirish bo‘yicha aniq ish va natija kerakligi qayd etildi.

Yangi farmonga ko‘ra, 1-martdan 6 oy davomida sotilmagan 10 ming kvadratgacha bo‘lgan davlat obyektlari tadbirkorlarga 10 yilga to‘g‘ridan to‘g‘ri ijaraga beriladi.

To‘rt yil davomida ijara vaqtida to‘lansa, bu joy tadbirkorga xususiylashtirib beriladi.

Yoshlarni IT va chet tiliga o‘qitib, xalqaro tan olingan sertifikat beradigan tadbirkorlar birinchi yil ijara to‘lamasligi belgilandi.

Buning hisobiga bu yil har bir viloyatda 5 tadan davlat obyektini tadbirkorlarga ijaraga berib, kamida 100 ming yoshlarni IT va chet tiliga o‘qitish zarurligi ta’kidlandi.

📩Telegram 📱Facebook 📱 Instagram 📺Youtube 🌐 LinkedIn 🐦 X

IT, moliyaviy xizmatlar, turizm, aviatsiya, ta’lim va tibbiyot sohalarida “katta sakrash” bo‘ldi – Prezident

Prezident Shavkat Mirziyoyev raisligida xizmat ko‘rsatish sohalarini rivojlantirish bo‘yicha asosiy vazifalar muhokamasi yuzasidan videoselektor yig‘ilishi boshlandi.

Uch yil oldin qabul qilingan xizmatlar sektorini rivojlantirish bo‘yicha katta dastur bugun natijasini berayotgani ta’kidlandi.

Qo‘shimcha 1,5 million aholi servis sohasida doimiy daromadga ega bo‘ldi. Xizmatlar 2018-yildagi 19 milliarddan 65 milliard dollarga oshdi (o‘sish – 3,5 barobar).

Ayniqsa, IT, moliyaviy xizmatlar, turizm, aviatsiya, ta’lim va tibbiyot sohalarida “katta sakrash” bo‘ldi.

So‘nggi yetti yilda aholi daromadi va to‘lov qobiliyati 2 karra o‘sgani natijasida aholida yangicha xizmat va servis turlariga talab ortmoqda.

Shunga yarasha vazirlar va hokimlar talabga mos ravishda xizmatlarni rivojlantirishi kerakligi qayd etildi.

📩Telegram 📱Facebook 📱 Instagram 📺Youtube 🌐 LinkedIn 🐦 X

🦠 Sun’iy intellekt yo‘nalishida parlament va institut o‘rtasida memorandum imzolandi

👨‍💻 Oliy Majlis Qonunchilik palatasining Innovatsion rivojlanish va axborot texnologiyalari masalalar qo‘mitasi hamda Raqamli texnologiyalar vazirligi huzuridagi Raqamli texnologiyalar va sun’iy intellektni rivojlantirish ilmiy-tadqiqot instituti o‘rtasida o‘zaro hamkorlik to‘g‘risida memorandum imzolandi.

📌 Tadbirda Oliy Majlis Qonunchilik palatasi deputatlari, Raqamli texnologiyalar vazirligi hamda Raqamli texnologiyalar va sun’iy intellektni rivojlantirish ilmiy-tadqiqot instituti rahbar-xodimlari, shuningdek, ommaviy axborot vositalari vakillari ishtirok etishdi.

🗣Tadbir doirasida dastlab ishtirokchilar, jumladan, parlament vakillari hamda mehmonlar sun’iy intellekt sohasida amalga oshirilayotgan ishlar, bu yo‘nalishdagi eng so‘nggi yutuqlar hamda qo‘shimcha imkoniyatlar bilan yaqindan tanishishdi.

Batafsil: 👉 https://digital.uz/oz/news/view/35305

📩Telegram 📱Facebook 📱 Instagram 📺Youtube 🌐 LinkedIn 🐦 X