#фойдали

🔔Эмизаётган она сутни кўпайтириш йўллари:

1. Болага кўкракни одатдагидан кўпроқ таклиф қилинг (тез-тез). Лекин мажбурлашга урунманг.
2. Кўкрак беришдан аввал уни енгил массаж қилинг
3. Ҳар эмизганда иккала кўкракда эмизинг
4. Бола эмиб бўлганидан кейин сутни яна соғишга ҳаракат қилинг ва қолдиғини чиқариб ташланг
5. Кун давомида боладан узоқда бўлсангиз, вақти-вақти билан сутни соғиб ташланг
6. Етарлича ухланг (кечаси уйқу чала бўлса, кундузи имкон бўлган пайтлар ухлаб олинг)
7. Соғлом овқатланинг (сабзавотлар, кўкатлар, гўшт, мевалар). Ҳамир овқатлар, нон, шакар сақловчи, қайта ишланган, упаковкадаги маҳсулотлар соғлом ҳисобланмайди. Нон бошоқда ўсмайди, чипслар ер остидан кавлаб олинмайди, олма шарбати дарахтда пишмайди.
8. Кунига камида 2 литр сув ичинг. Чой, шарбат, кола эмас, тоза сув.
9. Асабийлантирадиган омиллардан узоқ юринг

❗️Жуда муҳим!

Туғруқдан кейинги биринчи ҳафталарда сунъий сут, бутилкалардан фойдаланмасликка ҳаракат қилинг. Туғруқхонада "Сутинг кам, биринчи кун келмайди" деб айтишса ҳам. Биринчи кунлар бола оч қолиши табий ҳол. Шуни ҳисобига вазн ташлайди (бу ҳам табий ва табиат томонидан назарда тутилган). Қорни оч бола тез-тез эмиб, сут тезроқ ва етарлича келишини таъминлайди.

❌Апилак ва бошқа "сехрли" дориларга ишонманг. Биронтасини таъсири исботланмаган.

🥦Овсянка бўтқаси, саримсоқ, занжабил, пажитник сут миқдорини ошириши айтилади, аммо булар ҳам ҳозирча етарлича исботга эга эмас. Лекин уларни ҳар ҳолда зарари бўлмайди ва балки фойдаси бўлиши мумкин. Шунинг учун истеъмол қилсангиз бўлади.

© Doctor Ganiyev

✅Яқинларизга ҳам улашинг!!!

💊TАБЛЕТКА каналига обуна бўлинг !