Бизни унутганлар, сизга ташаккур!
Биздан кетганларга тилаймиз оқ йўл.
Бизни унутмоқни истаган дўстим,
Ҳамиша Оллоҳнинг паноҳида бўл!

Аслида бу ҳаёт синовлар они,
Кимни йўқотасиз, кимни топурсиз.
Шубҳасиз бир куни келса имкони.
Кетганлар ортидан эшик ёпурсиз!

Эй нодон дўстима, қадрдон дўстим,
Сен кимнинг куйига айладинг ҳиром.
Билсанг бу дунёнинг ўзи бир қимор,
Ўйинчилар эса ҳаммаси ғирром!

Ўзингда иҳтиёр, ўзингда қарор,
Кимга душман бўлсанг, кимга дўст бўлсанг.
Аммо бир сўзимни унутма зинҳор,
Зорим сероб менинг, зўрим йўқ билсанг!

Оллоҳнинг амрига бошим эгилган,
Ҳар ишдан яхшилик истайвераман.
Қисмат китобига шундай битилган,
Начора, сенсиз ҳам яшайвераман!

Юзинга бир эшик ёпилган онда,
Оллоҳ икки эшик очиб қўярмуш.
Кун келиб кимлардир зор, пароканда,
Кимнинг бошидан зар сочиб қўярмуш!

© Малика Тавфиқ

💝𝐓𝐞𝐥𝐞𝐠𝐫𝐚𝐦 | 💞@ZamzamaS_gif_tabriklar

https://t.me/addlist/MJkQvxqRHTllMDky