* Изҳор

* * *
Нигоҳим тушди сенга қай замон, гул,
Дедим: излаб сени кездим жаҳон, гул.

Ажаб, мунис нигоҳинг, Ой жамоинг
Олиб кетди хаёлим ўша он, гул.

Кўнгулга хуш ёқувчи ҳар каломинг
Дилим меҳробин этди ошиён, гул.

Ажойиб лаҳза эрди ул замонким,
Замон қайтармикан, қайтар қачон, гул?

Менинг ҳолим аёнми сенга, оё
Қоларми тилсимотдек ноаён, гул.

Агар гул васфида шеър битса шоир,
Бўларкан ранги-рўйи заъфарон, гул.

Ўқиб бу мисраларни кулма ҳаргиз,
Муродим: тур ҳамиша яшнабон, гул.

Сулаймон ШОДИЕВ

Уланиш учун: https://t.me/Buxoro_adiblari