Кел

Ўзимни излаб ҳеч топа олмадим,
Шу қадар телбалар қилдингми мени.
Сенсиз бирор нафас ола олмадим,
Не қилдинг бунчалар севдим мен сени.

Қалбимни эгаллаб бердинг катта бахт,
Сени ўйламасдан ўтмайди бир вақт.
Ёнимда бўлишинг истайман албат,
Не қилдинг бунчалар севдим мен сени.

Имконсиз дема сен, менинг фикрим уқ,
Ортга сен қарама чекинишга, йўқ.
Аллоҳ бир қил дея дуоларни ўқ,
Не қилдинг бунчалар севдим мен сени.

Дукиллаб тинмайди сўрайди юрак,
Ҳаракат қил дейди у менга керак,
Муҳаббат қудрати шу экан демак,
Не қилдинг бунчалар севдим мен сени.

Синовда синаб сен қийнама мени,
Билмайсан шу қадар севаман сени.
Чиндан ҳам севсанг гар келақол энди,
Не қилдинг бунчалар севдим мен сени.

✍ Солиҳабегим
Дилафруз Шаҳрихоний

👨‍👨‍👧‍👦 @BaxtliOilam_uz - Обуна бўлишни унутманг!