RAMAZON TABRIGI O‘RNIDA
Ramazon yaqinlashgani sari dilimda bir-biriga qarama-qarshi fikrlar, tuyg‘ular qaynab-toshadi.
Bir tomondan behad ko‘p savobdan umidvorlik, boshqa tarafdan Ramazonning haqqini ado qilolmaslikdan qo‘rquv...
Ramazonni sevinib kutib olish, qayg‘urib kuzatish haqidagi gap-so‘zlar, ibratli fikrlar, balandparvoz she’rlar menga ba’zan erish tuyuladi, ba’zan hayron qoldiradi. Ramazonda nimalarga qattiq e’tibor berish kerakligini yaxshi bilgan insonlar holatimni tushunadilar deb umid qilaman.
Xo‘sh, Ramazonda nimalarga qattiq e’tibor berish kerak?
Ramazonda jiddiy e’tibor berish kerak bo‘lgan bir qancha ishlar bor.
Bundan tashqari, yana:
Ishonavering, bilganlariga amal qiladigan odam sifatida aytamanki, mana shu ishlarni to‘liq bajarish juda-juda qiyin.
Og‘izda balandparvoz gaplarni aytish, chiroyli iboralarni terish boshqa narsa va aytganlariga, bilganlariga qat’iy amal qilish mutlaqo boshqa narsa.
Ha, haqiqiy ro‘zador bo‘lish, tom ma’noda ro‘za tutish juda qiyin ish. Bu amalning ajri behisobligi bejiz emas, axir!
Eng qiyin ishlardan biri esa–jamoatda bo‘la turib g‘iybatdan, bekorchi gap-so‘zlardan chetda turish. Birovlarning dilini og‘ritib qo‘ymaslik uchun har qanday haq-nohaq gaplarga, g‘iybat, tuhmat va haqoratlarga chidab, javob qaytarmaslik...
Shuning uchun men balandparvoz gaplar o‘rniga birgina tilak bildiraman: Alloh taolo ro‘zani nima sababdan bizga farz qilgan bo‘lsa, o‘sha holat, ya’ni,
@Asmaaul_husnaa99
Ramazon yaqinlashgani sari dilimda bir-biriga qarama-qarshi fikrlar, tuyg‘ular qaynab-toshadi.
Bir tomondan behad ko‘p savobdan umidvorlik, boshqa tarafdan Ramazonning haqqini ado qilolmaslikdan qo‘rquv...
Ramazonni sevinib kutib olish, qayg‘urib kuzatish haqidagi gap-so‘zlar, ibratli fikrlar, balandparvoz she’rlar menga ba’zan erish tuyuladi, ba’zan hayron qoldiradi. Ramazonda nimalarga qattiq e’tibor berish kerakligini yaxshi bilgan insonlar holatimni tushunadilar deb umid qilaman.
Xo‘sh, Ramazonda nimalarga qattiq e’tibor berish kerak?
Ramazonda jiddiy e’tibor berish kerak bo‘lgan bir qancha ishlar bor.
Shulardan eng birinchisi–haqiqiy ro‘za tutish.
1. Ya’ni, savobini faqat Alloh taolodan kutgan holda bir oy davomida kunduzi yemoq-ichmoqdan, jinsiy yaqinlikdan tiyilib yurish; kechasi-yu kunduzi g‘iybatdan, tuhmatdan, birovning dilini bilib-bilmay og‘ritib qo‘yishdan saqlanish.
Har qanday harom yoki shubhali narsalardan uzoq yurish.
Bundan tashqari, yana:
2. Kechasi-yu kunduzi vaqtni ibodatsiz, behuda o‘tkazishdan ehtiyot bo‘lish.
3. Kunduzini faqat uyqu bilan o‘tkazmaslik.
4. Dunyoviy gap-so‘z va ishlardan iloji boricha qochish.
5. Din deb dunyoni, dunyo deb dinni unutmaslik. Ya’ni, ibodatlarini ham, dunyoviy vazifalarini ham mukammal bajarishga intilish.
6. Iloji boricha jamoat namozidan, ayniqsa, Qur’on xatm qilinadigan tarovih namozlaridan qolmaslik.
Ishonavering, bilganlariga amal qiladigan odam sifatida aytamanki, mana shu ishlarni to‘liq bajarish juda-juda qiyin.
Og‘izda balandparvoz gaplarni aytish, chiroyli iboralarni terish boshqa narsa va aytganlariga, bilganlariga qat’iy amal qilish mutlaqo boshqa narsa.
Ha, haqiqiy ro‘zador bo‘lish, tom ma’noda ro‘za tutish juda qiyin ish. Bu amalning ajri behisobligi bejiz emas, axir!
Eng qiyin ishlardan biri esa–jamoatda bo‘la turib g‘iybatdan, bekorchi gap-so‘zlardan chetda turish. Birovlarning dilini og‘ritib qo‘ymaslik uchun har qanday haq-nohaq gaplarga, g‘iybat, tuhmat va haqoratlarga chidab, javob qaytarmaslik...
Shuning uchun men balandparvoz gaplar o‘rniga birgina tilak bildiraman: Alloh taolo ro‘zani nima sababdan bizga farz qilgan bo‘lsa, o‘sha holat, ya’ni,
taqvo ahlidan bo‘lish hammamizga nasib etsin!
Allohim, yo Robbal olamiyn!
Ramazon oyi ro‘zasini to‘liq tutib, haqiqiy ro‘zador bo‘lib, Sen istagandek taqvodor bo‘lishimizni ham nasib etgin!
Bu oydagi taqvolarimiz umrimiz oxirigacha saqlanishi uchun biz harakat qilamiz, Sen yordam bergin!
@Asmaaul_husnaa99