Асмааул ҳуснаа99+

@Asmaaul_husnaa99

Гео и язык канала: Узбекистан, Узбекский

Категория: Религия

ҚАЧОНКИ АЛЛОҲ ТАОЛОНИ КЎПЛАБ ИСМ-У СИФАТЛАРИ БИЛАН ТАНИСАК ВА У ЗОТНИНГ СИФАТЛАРИДАН ИБРАТ ОЛИБ ХУЛҚИ ГЎЗАЛ МЎМИН-МУСУЛМОНГА АЙЛАНСАК, ШУНДА ИЛМНИНГ ЭНГ АФЗАЛИНИ ЭГАЛЛАГАН ҲИСОБЛАНАМИЗ.

Связанные каналы | Похожие каналы

Гео и язык канала

Узбекистан, Узбекский

Категория

Религия

Статистика

Избранное

Фильтр публикаций

Скрывать удаленные

Скрывать репосты

Асмааул ҳуснаа99+

9 Feb, 05:13

#БИР_ҲАДИС_ШАРҲИ

Саҳл ибн Саъд розияллоҳу анҳудан ривоят қилинади:

"Расулуллоҳ соллаллоҳу алайҳи васаллам:

“Икки ўринда қилинган дуо рад этилмайди: азондан кейинги ва ёмғир ёғаётган пайт”, –дедилар."
(Имом Абу Довуд ва имом Байҳақий ривояти)

Шарҳи: ёмғир ёғаётган пайтда аввало ушбу ёмғирнинг фойдали бўлишини сўраб юқоридаги дуо ўқилади.
Шундан сўнг диний ва дунёвий ҳар қандай шаръий истакларимизни сўраб дуолар қилсак, Аллоҳ хоҳласа, дуоларимизни албатта ижобат этади!

@Asmaaul_husnaa99

291 0 0 21

Асмааул ҳуснаа99+

9 Feb, 05:05

00:46

Видео недоступно для предпросмотра

Смотреть в Telegram

🤲 Ёмғир ёққанда ўқиладиган дуо

اللَّهُمَّ صَيِّباً نَافِعاً

Аллоҳумма соййибан наафиъан!

Аллоҳим, фойдали (хайрли) ёмғир қил!

🤲 Yomg‘ir yoqqanda o‘qiladigan duo

اللَّهُمَّ صَيِّباً نَافِعاً

Allohumma soyyiban naafi’an!

Allohim, foydali (xayrli) yomg‘ir qil!

@Asmaaul_husnaa99

279 0 1 20

Асмааул ҳуснаа99+

8 Feb, 19:18

🌴#ASMAAUL_HUSNAA
الْبَصِيرُ
AL-BASIYR

🌴XULOSALAR
(davomi)

Alloh taoloni al-Basiyr sifatida tanigan va U Zot bandalarini har yerda va har qachon Ko‘rib turishini aniq bilib, shunga ishonib, U Zotning nazarini doimo his qilib yashagan inson gunohlardan qattiq qo‘rqadigan va hamisha yaxshilikka intiladigan bo‘lib qoladi.

Bu esa, avvalroq aytib o‘tganimiz–dinning uch asosidan biri–ehson maqomi hisoblanadi.

1. Iymon–Alloh taologa ishonish;
2. Islom–Alloh taolo buyurganidek ibodat qilish;
3. Ehson–Alloh taoloni Ko‘rib turgandek yoki U Zot Ko‘rib turganini his qilgan holda ibodat qilishdir.

VA AYNAN MANA SHU HOLATGA ERISHISH DINNING BOSH MAQSADIDIR.

Chunki, har bir holida Alloh taoloning nazarini his qilib turgan inson yaxshi amali uchun mukofot, yomon amallari uchun jazo
naqdligini bilib, doimo shariatga muvofiq yashashga intiladi.

ENG MUHIMI ESA, ALLOH TAOLONI TANIGAN VA U ZOTNING KO‘RIB TURUVCHI EKANINI BILGAN INSON HЕCh QACHON UMIDSIZLIKKA TUSHMAYDI. CHUNKI, AL-BASIYR–KO‘RIB TURUVCHI ZOT MO‘MINLARNI YOLG‘IZ, NAJOTSIZ TASHLAB QO‘YMASLIGIGA QAT’IY ISHONADI.

@Asmaaul_husnaa99

331 0 1 20

Асмааул ҳуснаа99+

8 Feb, 18:46

📚📖📚#АСМААУЛ_ҲУСНАА
الْبَصِيرُ
АЛ-БАСИЙР

#РУҲИЯТ

Муножот

Ё БАСИЙР, Ўзингдан қолмагай пинҳон,
Кимда ғараз бордир, кимда пок иймон.

Кўриб турадирсан ҳар бир нарсани,
Ҳар ҳолин, ҳар сирин ҳар кимарсанинг.

Ҳар сўзим, ҳар ишим Сенга аёндир,
Ҳатто қалб туби ҳам очиқ баёндир.

Борлиқ қанча чексиз бўлса ҳам агар,
Сен учун гўёки очиқ бир дафтар...

Кўриб турадирсан жонзотлар барин,
Нигоҳингдан қолмас ҳеч ким яширин...

Каттани қанчалик кўрсанг тип-тиниқ,
Заррани шунчалик кўрарсан аниқ...

Ер ости, уммонлар туби ҳам ошкор,
Сен учун ҳеч жойда қолмагай асрор...

Етти осмон нима, ундан нари ҳам,
Бир нигоҳинг бирла бари бўлур жамъ...

Борлиқ не бўлибдир, Йўқлик ҳам равшан,
ўтмиш ё келажак кундай нурафшон...

Ё БАСИЙР, кўзларга ато этгин нур,
Кўз-у қалбни айла тамом беқусур.

Кўз кўрмаса агар, қалб кўзини оч,
Руҳлар оламида отайин қулоч...

Басират аҳлидан айлагил мени,
Фақат покни кўрай, кўрмай ҳар нени...

Охиратдан кўплаб умидларим бор,
Қиёмат даҳшатин кўрсатма зинҳор...

Дафтарим қўлимга олганим замон,
Ҳамд-у сано айтиб бўлайин шодон...

Сўнг Фирдавс боғига қўйганда қадам,
Жаннатда Жамолинг кўрсат менга ҳам...

🕊Шаҳобиддин Одил✍

@Asmaaul_husnaa99

342 0 4 20

Асмааул ҳуснаа99+

8 Feb, 15:01

🌴ХУЛОСАЛАР🌴
(давоми)

Аллоҳ таолони ал-Басийр сифатида таниган ва У Зот бандаларини ҳар ерда ва ҳар қачон Кўриб туришини аниқ билиб, шунга ишониб, У Зотнинг назарини доимо ҳис қилиб яшаган инсон гуноҳлардан қаттиқ қўрқадиган ва ҳамиша яхшиликка интиладиган бўлиб қолади.

Бу эса, аввалроқ айтиб ўтганимиз–диннинг уч асосидан бири–эҳсон мақоми ҳисобланади.

1. Иймон–Аллоҳ таолога ишониш;
2. Ислом–Аллоҳ таоло буюрганидек ибодат қилиш;
3. Эҳсон–Аллоҳ таолони Кўриб тургандек ёки У Зот Кўриб турганини ҳис қилган ҳолда ибодат қилишдир.

ВА АЙНАН МАНА ШУ ҲОЛАТГА ЭРИШИШ ДИННИНГ БОШ МАҚСАДИДИР.

Чунки, ҳар бир ҳолида Аллоҳ таолонинг назарини ҳис қилиб турган инсон яхши амали учун мукофот, ёмон амаллари учун жазо
нақдлигини билиб, доимо шариатга мувофиқ яшашга интилади.

ЭНГ МУҲИМИ ЭСА, АЛЛОҲ ТАОЛОНИ ТАНИГАН ВА У ЗОТНИНГ КЎРИБ ТУРУВЧИ ЭКАНИНИ БИЛГАН ИНСОН ҲЕЧ ҚАЧОН УМИДСИЗЛИККА ТУШМАЙДИ. ЧУНКИ, АЛ-БАСИЙР–КЎРИБ ТУРУВЧИ ЗОТ МЎМИНЛАРНИ ЁЛҒИЗ, НАЖОТСИЗ ТАШЛАБ ҚЎЙМАСЛИГИГА ҚАТЪИЙ ИШОНАДИ.

@Asmaaul_husnaa99

374 0 7 23

Асмааул ҳуснаа99+

8 Feb, 05:14

00:17

Видео недоступно для предпросмотра

Смотреть в Telegram

A'uuzu billaahi minash-shaytonir-rojiym!
Bismillaahir-
Rohmaanir-Rohiym!

الحَمْدُ لله الذِي أحْيَانا بَعْدَ مَا أمَاتَنَا وإلَيْهِ النَشُور

«ALHAMDU LILLAAHILLAZIY AHYAANAA BA'DA MAA AMAATANAA VA ILAYHIN NUSHUUR.»
(Uyqudan turgan zahoti o'qiladi)

Alhamdulillaahi Robbil olamiyn!
Ashhadu an-laa ilaaha illallohu va ashhadu anna Muhammadun 'abduhu va rosuluhu!

Tongda iymon bilan uyg'otganing uchun shukur, Allohim!
Bu ojiz qulingga yana bir kun hadya qilganing uchun Senga behad hamd-u sanolar bo'lsin, yo Zal-Jaloli val Ikrom!

Allohim, yo Robbal olamiyn, har bir mo'min bandangning bugungi kunini kechagi kunidan ko'ra ham xayrli va barakali qilgin!

بِسْمِ اللهِ الَّذِي لَا يَضُرُّ مَعَ اسْمِهِ شَيْءٌ فِي الْأَرْضِ وَلَا فِي السَّمَاءِ وَهُوَ السَّمِيعُ الْعَلِيمُ

«BISMILLAAHILLAZIY LAA YAZURRU MA'ASMIHI SHAY'UN FIL ARZI VA LAA FIS SAMAA'I VA HUVAS SAMI'UL ALIYM.»
(uch marta o'qiladi)

Robbanaa 'atinaa fid-dunyo hasanatan va fil-oxirati hasanatan va qinaa azoban-nor!

Assalomu alaykum va rohmatullohi va barokatuhu!
Mana shu⬆️mo'min-musulmonning tong ottirishidir. Ya'ni, tongimim, kunimiz aynan mana shunday kalomlar bilan, duo va salomlar bilan boshlanishi kerak!

Uyg'ondik, aniqrog'i o'limdan keyin qayta tirildik–alhamdulilloh!

Bizga yashash uchun yana bir kun hadya etildi–alhamdulilloh!

Iymonimiz qalbimizda ham, tilimizda ham turibdi–alhamdulilloh!

O'ldirganidan keyin qayta tiriltirgani uchun Robbimizga shukrona aytamiz.

Yana bir yangi kunni hadya etgani uchun shukrona aytamiz.

Iymonimizni salomat saqlagani uchun yana shukrona aytamiz!

Ya'ni, mo'min-musulmon har tongni aynan ana shunday shukronalik bilan kutib oladi.

Yangi kundagi hayotini tongdanoq
ZIKR VA DUOLAR
bilan, ya'ni ibodat bilan boshlaydi.

@Asmaaul_husnaa99

480 0 5 18

Асмааул ҳуснаа99+

7 Feb, 04:05

42:32

Видео недоступно для предпросмотра

Смотреть в Telegram

📚📖📚ЖУМА КУНИ "КАҲФ" СУРАСИНИ ЎҚИШНИНГ ФАЗЛИ

Ибн Умар розияллоҳу анҳудан ривоят қилинган ҳадисда Расулуллоҳ соллаллоҳу алайҳи васаллам: «Ким «Каҳф» сурасини жума куни ўқиса, қиёмат куни унинг қадами остидан нур чиқиб, осмону фалакни ёритади ва унинг икки жума орасидаги хатолари кечирилади», деганлар.

Абу Исҳоқ қуйидагиларни айтади: «Ал Баррознинг қуйидагиларни айтаётганини эшитдим: "Бир киши «Каҳф» сурасини ўқий бошлади. Ҳовлида бир ҳайвон бор эди. Шунда, ҳайвон безовта бўла бошлади. Ҳалиги киши қараса, уни булут ўраб турибди. Бўлган ҳодисани Расулуллоҳ соллаллоҳу алайҳи васалламга айтиб берган эдик, У зот алайҳиссалом: «Эй фалончи, ўқийвер, у Қуръон тиловати учун тушган сакийнадир», дедилар».
(Имом Бухорий ривояти)

Абу Дардо розияллоҳу анҳудан ривоят қилинган ҳадисда Расулуллоҳ соллаллоҳу алайҳи васаллам: «Ким «Каҳф» сурасининг охирги ўн оятини ўқиса, Дажжол фитнасидан сақланади», деганлар.
(Имом Муслим ривояти)

Яна бошқа бир ривоятда: ''Аввалги ўн оятини ёд олса, Дажжол фитнасидан сақланади'' дейилган.

📚📖📚JUMA KUNI "KAHF" SURASINI O'QISHNING FAZLI

Ibn Umar roziyallohu anhudan rivoyat qilingan hadisda Rasululloh sollallohu alayhi vasallam: «Kim «Kahf» surasini juma kuni o'qisa, qiyomat kuni uning qadami ostidan nur chiqib, osmonu falakni yoritadi va uning ikki juma orasidagi xatolari kechiriladi», deganlar.

Abu Ishoq quyidagilarni aytadi: «Al Barrozning quyidagilarni aytayotganini eshitdim: "Bir kishi «Kahf» surasini o'qiy boshladi. Hovlida bir hayvon bor edi. Shunda, hayvon bezovta bo'la boshladi. Haligi kishi qarasa, uni bulut o'rab turibdi. Bo'lgan hodisani Rasululloh sollallohu alayhi vasallamga aytib bergan edik, U zot alayhissalom: «Ey falonchi, o'qiyver, u Qur'on tilovati uchun tushgan sakiynadir», dedilar».
(Imom Buxoriy rivoyati)

Abu Dardo roziyallohu anhudan rivoyat qilingan hadisda Rasululloh sollallohu alayhi vasallam: «Kim «Kahf» surasining oxirgi o'n oyatini o'qisa, Dajjol fitnasidan saqlanadi», deganlar.
(Imom Muslim rivoyati)

Yana boshqa bir rivoyatda: ''Avvalgi o'n oyatini yod olsa, Dajjol fitnasidan saqlanadi'' deyilgan.

@Asmaaul_husnaa99

569 0 4 22

Асмааул ҳуснаа99+

7 Feb, 04:04

📚📖📚АЛЛОҲ ТАОЛО ҲУЗУРИДАГИ ЭНГ АФЗАЛ НАМОЗ(жума кунининг яна бир фазли)

#БИР_ҲАДИС_ШАРҲИ

Абдуллоҳ ибн Умар розияллоҳу анҳудан ривоят қилинади:
"Набий соллаллоҳу алайҳи васаллам: "АЛЛОҲ ҲУЗУРИДАГИ ЭНГ АФЗАЛ НАМОЗ–ЖУМА КУНИ ТОНГДАГИ НАМОЗНИ ЖАМОАТ БИЛАН ЎҚИШ", дедилар".
(Имом Тобароний ривояти)

Бир тафаккур қилиб кўринг: ҳадисда ҳар кунги бомдод эмас, нега айнан "жума куни тонгдаги" намоз таъкидланяпти?

Чунки, бу ҳадис Қиёмат ҳақида хабар берилган ҳадиснинг мантиқий давомидир. Қиёматдан олдин қилишга улгурган энг охирги ишингиз ўша куни "тонгдаги намоз"ни жамоат билан ўқишингиз бўлса, қанчалар яхши!

Ўзи, умуман, бомдод намозини ҳар доим жамоат билан ўқиш афзал. Бироқ, айнан жума куни бунга янада қаттиқ аҳамият беришимиз керак экан. Чунки, бу Қиёматдан олдинги охирги солиҳ амалимиз бўлиб қолиши ҳам мумкин.

——————————————

📚📖📚ALLOH TAOLO HUZURIDAGI ENG AFZAL NAMOZ(juma kunining yana bir fazli)

#BIR_HADIS_SHARHI

Abdulloh ibn Umar roziyallohu anhudan rivoyat qilinadi:
"Nabiy sollallohu alayhi vasallam: "ALLOH HUZURIDAGI ENG AFZAL NAMOZ–JUMA KUNI TONGDAGI NAMOZNI JAMOAT BILAN O‘QISH", dedilar".
(Imom Tobaroniy rivoyati)

Bir tafakkur qilib ko‘ring: hadisda har kungi bomdod emas, nega aynan "juma kuni tongdagi" namoz ta’kidlanyapti?

Chunki, bu hadis Qiyomat haqida xabar berilgan hadisning mantiqiy davomidir. Qiyomatdan oldin qilishga ulgurgan eng oxirgi ishingiz o‘sha kuni "tongdagi namoz"ni jamoat bilan o‘qishingiz bo‘lsa, qanchalar yaxshi!

O‘zi, umuman, bomdod namozini har doim jamoat bilan o‘qish afzal. Biroq, aynan juma kuni bunga yanada qattiq ahamiyat berishimiz kerak ekan. Chunki, bu Qiyomatdan oldingi oxirgi solih amalimiz bo‘lib qolishi ham mumkin.

@Asmaaul_husnaa99

417 0 0 19

Асмааул ҳуснаа99+

7 Feb, 03:30

00:29

Видео недоступно для предпросмотра

Смотреть в Telegram

📚📖📚САЛОВОТ АЙТИШНИНГ ФАЗЛИ

Авс ибн Авс розияллоҳу анҳудан ривоят қилинади:

Расулуллоҳ соллаллоҳу алайҳи васаллам дедилар:

«Албатта, энг афзал кунларингиздан бири жума кунидир. У кунда менга кўп саловот айтинглар, чунки сизларнинг саловотларингиз менга кўрсатилади». Саҳобалар: «Эй Аллоҳнинг Расули, чириб кетган бўлсангиз, қандай қилиб бизнинг саловотларимиз сизга кўрсатилади?»–дейишди. (Шунда) У зот: «Аллоҳ таоло пайғамбарларнинг жасадларини (ейишни) ерга ҳаром қилди», дедилар".
(Абу Довуд ривояти)

Абу Ҳурайра розияллоҳу анҳудан ривоят қилинади:

"Расулуллоҳ соллаллоҳу алайҳи васаллам:

«Бирор киши менга салом айтса, Аллоҳ таоло руҳимни менга қайтаради. Мен салом айтган кишига алик оламан»,–дедилар."
(Абу Довуд ривояти)

📚📖📚SALOVOT AYTISHNING FAZLI

Avs ibn Avs roziyallohu anhudan rivoyat qilinadi:

Rasululloh sollallohu alayhi vasallam dedilar:

«Albatta, eng afzal kunlaringizdan biri juma kunidir. U kunda menga ko‘p salovot aytinglar, chunki sizlarning salovotlaringiz menga ko‘rsatiladi». Sahobalar: «Ey Allohning Rasuli, chirib ketgan bo‘lsangiz, qanday qilib bizning salovotlarimiz sizga ko‘rsatiladi?»–deyishdi. (Shunda) U zot: «Alloh taolo payg‘ambarlarning jasadlarini (yeyishni) yerga harom qildi», dedilar".
(Abu Dovud rivoyati)

Abu Hurayra roziyallohu anhudan rivoyat qilinadi:

"Rasululloh sollallohu alayhi vasallam:

«Biror kishi menga salom aytsa, Alloh taolo ruhimni menga qaytaradi. Men salom aytgan kishiga alik olaman»,–dedilar."
(Abu Dovud rivoyati)

@Asmaaul_husnaa99

352 0 1 19

Асмааул ҳуснаа99+

7 Feb, 03:30

📚📖📚ЖУМА КУНИ АЛЛОҲ ТАОЛОНИ ЯНАДА КЎПРОҚ ЗИКР ҚИЛИШ КЕРАК

Бир-бирларига АЛЛОҲ ТАОЛОНИ ЭСЛАТИБ ТУРГАН икки ва ундан кўп одамлар саҳиҳ ҳадисда баён этилган "АЛЛОҲНИ ЗИКР ҚИЛУВЧИЛАР" қаторида саналади.

Тор маънода, бу–масжидда имомнинг ваъз айтиши ва намозхонларнинг жим тинглаб ўтиришларидир.

Сал кенгроқ маънода эса, ҳар қандай маросим сабабли тўйхоналарда ўтказилаётган амри-маъруф, наҳйи-мункар кўринишидаги йиғин иштирокчилари ҳам "Аллоҳни зикр қилувчилар" тоифасига киради.

Умуман кенг маънода эса, АЛЛОҲ ТАОЛОНИ, У ЗОТНИНГ ДИНИНИ БИР-БИРЛАРИГА ЭСЛАТИБ СУҲБАТЛАШИБ ТУРГАН ДЎСТЛАР, ҚАРИНДОШ-УРУҒЛАР, МАҲАЛЛАДОШ ЁКИ ҲАМКАСБЛАР ҲАМ "АЛЛОҲНИ ЗИКР ҚИЛУВЧИЛАР"дан ҳисобланади.

Динда "Аллоҳни зикр қилиш" фақатгина "Лаа илааҳа иллаллоҳ", "Алҳамдулиллоҳ", "Субҳааналлоҳ", "Аллоҳу Акбар" каби калималар билан бўлиши шарт деган қоида йўқ.

Қуръон тиловат қилиш ҳам–зикр, нафл намоз ўқиш ҳам–зикр, нафл рўза тутиш ҳам–зикр.

АЛЛОҲ ТАОЛОНИ РОЗИ ҚИЛАДИГАН ҲАР ҚАНДАЙ ИШ БИЛАН МАШҒУЛЛИК ҲАМ ЗИКР ҲИСОБЛАНАДИ.

ВА ЗИКРЛАРНИНГ ЭНГ АФЗАЛЛАРИДАН БИРИ ДУОДИР.

Дуо–қалбан Аллоҳ таолога боғланиб, кўнглидаги бор тилак-истак, орзуларини, илтижоларини бевосита У Зотнинг Ўзига билдиришдир.

ДУО–АЛЛОҲДАН ИЛТИЖО ҚИЛИБ СЎРАШДИР.

ДИНИ УЧУН, ОИЛАСИ ВА ЯҚИНЛАРИ УЧУН, ҚЎНИ-ҚЎШНИ, ҚАРИНДОШ-УРУҒЛАРИ УЧУН, БАРЧА ДИНДОШЛАРИ, ЮРТДОШЛАРИ УЧУН ТИНЧЛИК, СОҒЛИК-ОМОНЛИК, ОФИЯТ СЎРАШ ҲАР БИР МЎМИНГА ВОЖИБДИР.

ЖУМА КУНИ ЭСА МЎМИНЛАРНИНГ ДУОЛАРИ АНИҚ ҚАБУЛ БЎЛАДИГАН БИР СОАТ БОР. Кимнинг дуоси ушбу соатга тўғри келиб қолса, ҳеч шаксиз ижобат бўлади.

Аммо, бу соат айнан қайси вақтда экани яширилган. Худди, рамазонда Қадр кечаси яширилгани каби.
Мақсад эса, МЎМИНЛАР КЎПРОҚ ДУО БИЛАН МАШҒУЛ БЎЛСИНЛАР.
Яъни, АЛЛОҲ ТАОЛОНИ КЎПРОҚ ЗИКР ҚИЛИБ ЎТИРСИНЛАР ВА КЎПЛАБ АЖР-У САВОБЛАРГА ЭГА БЎЛСИНЛАР.

Жума табрикларига муккасидан кетиш эса бизларни мана шундай улкан савоблардан чалғитувчи бидъатлардандир.

Аслида, биз жума билан табриклайдиган одамларимизга чиндан яхшилик истасак, уларнинг ҳаққларига ҳам шу бугун кўпроқ дуолар қилишимиз лозим.

Хусусан, мазлум мўмин-мусулмонлар ҳаққига дуо қилиш учун жума куни энг қулай фурсатдир.

БАЛКИ АЙНАН ШУ БУГУН ҚИЛГАН ДУОЛАРИМИЗ САБАБЛИ ДУНЁДА УРУШЛАР ТЎХТАБ, МАЗЛУМ МЎМИНЛАР НАЖОТГА ЭРИШАРЛАР...

@Asmaaul_husnaa99

293 0 0 20

Асмааул ҳуснаа99+

7 Feb, 03:08

📚📖📚ЖУМА КУНИДАГИ БАРҚАРОР СУННАТ АМАЛЛАР

📚📖📚Аллоҳ таоло барча иймонли бандаларининг ҳар икки оламда ҳам бахтли бўлишларини истайди. Илло, ўша бахтга сазовор бўлишлари учун қандай ҳаракат қилишлари лозимлигини шариатда аниқ белгилаб ҳам қўйган.

📚📖📚АЛЛОҲ ТАОЛО ЖУМА КУНИНИ БАРАКАЛИ-МУБОРАК ҚИЛИБ ҚЎЙГАН. ИЛЛО, дуолар аниқ қабул бўладиган бир соатни топишлари учун МЎМИНЛАРГА БУ КУННИ КЎПРОҚ ЗИКР ВА ДУОЛАР–ИБОДАТЛАР БИЛАН ЎТКАЗИШНИ БУЮРГАН.

📚📖📚Жума кунининг фазли ва унда қилинадиган амаллар ҳақида эса Расулуллоҳ соллаллоҳу алайҳи васалламдан кўплаб ҳадислар ривоят қилинган.

Уларнинг барчасини ўрганиб чиққан уламоларимиз энг фазилатли суннат амаллар сифатида қуйидагиларни
тавсия қилишади:

– ғусл қилиш;
– хушбўй сепиб, безаниш;
– мисвок ишлатиш;
– энг яхши либосларини кийиш;
– масжидга барвақт бориш;
– масжидга пиёда бориш (ҳар қадам учун савоб умидида);
– масжидда бошқаларни сиқиб қўймаслик, одамларнинг елкасидан ошиб ўтиб, озор бермаслик;
– таҳиййатул масжид намозини ўқиш;
– имомга қараб, уни тинглаб ўтириш;
– хутба пайтида жим туриш;
– садақани кўпайтириш;
– "Каҳф" сурасини ўқиш;
– дуо ижобат бўладиган фурсатни қидириш;
– Набий соллаллоҳу алайҳи васалламга кўп саловот айтиш!

–ЖУМА КУНИДАГИ ЭНГ ФАЗИЛАТЛИ АМАЛ ЭСА–БАРЧА МЎМИН-МУСУЛМОНЛАР ҲАҚҚИГА КЎП-КЎП ДУО ҚИЛИШДИР!

📚📖📚JUMA KUNIDAGI BARQAROR SUNNAT AMALLAR

📚📖📚Alloh taolo barcha iymonli bandalarining har ikki olamda ham baxtli bo‘lishlarini istaydi. Illo, o‘sha baxtga sazovor bo‘lishlari uchun qanday harakat qilishlari lozimligini shariatda aniq belgilab ham qo’ygan.

📚📖📚ALLOH TAOLO JUMA KUNINI BARAKALI-MUBORAK QILIB QO‘YGAN. ILLO, duolar aniq qabul bo‘ladigan bir soatni topishlari uchun MO‘MINLARGA BU KUNNI KO‘PROQ ZIKR VA DUOLAR–IBODATLAR BILAN O‘TKAZISHNI BUYURGAN.

📚📖📚Juma kunining fazli va unda qilinadigan amallar haqida esa Rasululloh sollallohu alayhi vasallamdan ko‘plab hadislar rivoyat qilingan.

Ularning barchasini o‘rganib chiqqan ulamolarimiz eng fazilatli sunnat amallar sifatida quyidagilarni
tavsiya qilishadi:

– g‘usl qilish;
– xushbo‘y sepib, bezanish;
– misvok ishlatish;
– eng yaxshi liboslarini kiyish;
– masjidga barvaqt borish;
– masjidga piyoda borish (har qadam uchun savob umidida);
– masjidda boshqalarni siqib qo‘ymaslik, odamlarning yelkasidan oshib o‘tib, ozor bermaslik;
– tahiyyatul masjid namozini o‘qish;
– imomga qarab, uni tinglab o‘tirish;
– xutba paytida jim turish;
– sadaqani ko‘paytirish;
– "Kahf" surasini o‘qish;
– duo ijobat bo‘ladigan fursatni qidirish;
– Nabiy sollallohu alayhi vasallamga ko‘p salovot aytish!

–JUMA KUNIDAGI ENG FAZILATLI AMAL ESA–BARCHA MO'MIN -MUSULMONLAR HAQQIGA KO'P-KO‘P DUO QILISHDIR!

@Asmaaul_husnaa99

387 0 2 20

Асмааул ҳуснаа99+

6 Feb, 15:33

🌴XULOSALAR🌴
الْبَصِيرُ
AL-BASIYR

Alloh taoloning al-Basiyr ism-u sifati haqida ozroq bo‘lsa-da ma’lumotga ega bo‘ldik. Robbimizni al-Basiyr–Ko‘rib turguvchi Zot sifatida ham tanidik.

Endi nima qilishimiz kerak?

U Zot bizni qayerda bo‘lsak ham Ko‘rib turishini bilganimizdan keyin, endi har bir holatimizda ham gunohlardan yiroq yurishimiz lozim bo‘ladi.

Al-Basiyr bo‘lgan Alloh taoloning Ko‘rib turganini bilgan holda gunohdan qaytmagan banda esa yoki telba yoki iymoni sust kimsadir.

Hattoki hilvatda, yolg‘izlikda, go‘yoki hech kim ko‘rmaydigan, bilmaydigan joyda bo‘lsak ham, al-Basiyr–Ko‘rib turuvchi Zot bo‘lmish Alloh taoloning nazarini his qilib yashay olsak, Robbimizni
chindan-da tanigan bo‘lamiz.
(davomi bor)

@Asmaaul_husnaa99

445 0 1 19

Асмааул ҳуснаа99+

6 Feb, 12:29

🌴ХУЛОСАЛАР🌴
الْبَصِيرُ
АЛ-БАСИЙР

Аллоҳ таолонинг ал-Басийр исм-у сифати ҳақида озроқ бўлса-да маълумотга эга бўлдик. Роббимизни ал-Басийр–Кўриб тургувчи Зот сифатида ҳам танидик.

Энди нима қилишимиз керак?

У Зот бизни қаерда бўлсак ҳам Кўриб туришини билганимиздан кейин, энди ҳар бир ҳолатимизда ҳам гуноҳлардан йироқ юришимиз лозим бўлади.

Ал-Басийр бўлган Аллоҳ таолонинг Кўриб турганини билган ҳолда гуноҳдан қайтмаган банда эса ёки телба ёки иймони суст кимсадир.

Ҳаттоки ҳилватда, ёлғизликда, гўёки ҳеч ким кўрмайдиган, билмайдиган жойда бўлсак ҳам, ал-Басийр–Кўриб турувчи Зот бўлмиш Аллоҳ таолонинг назарини ҳис қилиб яшай олсак, Роббимизни
чиндан-да таниган бўламиз.
(давоми бор)

@Asmaaul_husnaa99

499 0 2 21

Асмааул ҳуснаа99+

6 Feb, 05:48

00:11

Видео недоступно для предпросмотра

Смотреть в Telegram

Аъуузу биллааҳи минаш-шайтонир-рожийм!
Бисмиллааҳир-
Роҳмаанир-Роҳийм!

الحَمْدُ لله الذِي أحْيَانا بَعْدَ مَا أمَاتَنَا وإلَيْهِ النَشُور

«АЛҲАМДУ ЛИЛЛААҲИЛЛАЗИЙ АҲЙААНАА БАЪДА МАА АМААТАНАА ВА ИЛАЙҲИН НУШУУР.»
(Уйқудан турган заҳоти ўқилади)

Алҳамдулиллааҳи Роббил оламийн!
Ашҳаду ан-лаа илааҳа иллаллоҳу ва ашҳаду анна Муҳаммадун ъабдуҳу ва росулуҳу!

Тонгда иймон билан уйғотганинг учун шукур, Аллоҳим!
Бу ожиз қулингга яна бир кун ҳадя қилганинг учун Сенга беҳад ҳамд-у санолар бўлсин, ё Зал-Жалоли вал Икром!

Аллоҳим, ё Роббал оламийн, ҳар бир мўмин бандангнинг бугунги кунини кечаги кунидан кўра ҳам хайрли ва баракали қилгин!

بِسْمِ اللهِ الَّذِي لَا يَضُرُّ مَعَ اسْمِهِ شَيْءٌ فِي الْأَرْضِ وَلَا فِي السَّمَاءِ وَهُوَ السَّمِيعُ الْعَلِيمُ

«БИСМИЛЛААҲИЛЛАЗИЙ ЛАА ЙАЗУРРУ МАЪАСМИҲИ ШАЙ'УН ФИЛ АРЗИ ВА ЛАА ФИС САМАА'И ВА ҲУВАС САМИЪУЛ АЛИЙМ.»
(уч марта ўқилади)

Роббанаа ъатинаа фид-дунё ҳасанатан ва фил-охирати ҳасанатан ва қинаа азобан-нор!

Ассалому алайкум ва роҳматуллоҳи ва барокатуҳу!

Мана шу⬆️мўмин-мусулмоннинг тонг оттиришидир. Яъни, тонгимиз, кунимиз айнан шундай каломлар билан, дуо ва саломлар билан бошланиши керак!

Уйғондик, аниқроғи ўлимдан кейин қайта тирилдик
–алҳамдулиллоҳ!

Бизга яшаш учун яна бир кун ҳадя этилди–алҳамдулиллоҳ!

Иймонимиз қалбимизда ҳам, тилимизда ҳам турибди–
алҳамдулиллоҳ!

Ўлдирганидан кейин қайта тирилтиргани учун Роббимизга шукрона айтамиз.

Яна бир янги кунни ҳадя этгани учун шукрона айтамиз.

Иймонимизни саломат сақлагани учун яна шукрона айтамиз!

Яъни, мўмин-мусулмон ҳар тонгни айнан ана шундай шукроналик билан кутиб олади.

Янги кундаги ҳаётини тонгданоқ
ЗИКР ВА ДУОЛАР билан, яъни ибодат билан бошлайди.

@Asmaaul_husnaa99

540 0 4 18

Асмааул ҳуснаа99+

6 Feb, 01:58

#СУННАТГА_ЭРГАШИБ НАФЛ РЎЗА ТУТУВЧИЛАРГА ЭСЛАТМА

Абу Ҳурайра розияллоҳу анҳудан ривоят қилинади:
«Расулуллоҳ соллаллоҳу алайҳи васаллам дедилар:

«Амаллар ҳар душанба, пайшанба кунлари (Аллоҳга) кўрсатилади. Менинг амалим рўзадор бўлган ҳолимда кўрсатилишини яхши кўраман».

(Термизий ривояти)

Ушбу ҳадисга эргашиб, суннатга мувофиқ рўза тутмоқчи бўлганларга эслатиб ўтамиз:
Бугун Шаъбон ойининг биринчи пайшанбаси.

Саҳарликни бомдод азонидан 15–20 минут олдинроқ тугатиш мақсадга мувофиқ.
Ифторлик шом намози вақти кириши билан бошланади.

@Asmaaul_husnaa99

463 0 5 22

Асмааул ҳуснаа99+

5 Feb, 20:04

ЭРТАГА –ПАЙШАНБА.

@Asmaaul_husnaa99

479 0 2 22

Асмааул ҳуснаа99+

5 Feb, 17:34

...va Alloh tomonidan — rozilik bor.

00:58

قُلْ أَؤُنَبِّئُكُم بِخَيْرٍ مِّن ذَٰلِكُمْ ۚ لِلَّذِينَ اتَّقَوْا عِندَ رَبِّهِمْ جَنَّاتٌ تَجْرِي مِن تَحْتِهَا الْأَنْهَارُ خَالِدِينَ فِيهَا وَأَزْوَاجٌ مُّطَهَّرَةٌ وَرِضْوَانٌ مِّنَ اللَّهِ ۗ وَاللَّهُ بَصِيرٌ بِالْعِبَادِ

«Sizlarga ana shulardan ham yaxshirog‘ining xabarini beraymi?! Taqvo qilganlarga Robblari huzurida ostlaridan anhorlar oqib turgan, ular u yerlarda mangu qoluvchi bo‘ladigan jannatlar bor. Shuningdek, pokiza juftlar va Alloh tomonidan rozilik bor. Va Alloh bandalarni ko‘rib turuvchidir».
("Oli Imron" surasi, 15-oyat)

@Asmaaul_husnaa99

495 0 1 17

Асмааул ҳуснаа99+

5 Feb, 17:34

#ASMAAUL_HUSNAA
الْبَصِيرُ
AL-BASIYR

Odamlar qadrimizga yetmagan paytlarda, kimdir bizga nohaqlik qilganida doim birgina jumla bilan o‘zimizni ovutamiz: "Alloh Ko‘rib turibdi-ku!"

Ya’ni, Alloh taolo Ko‘rib, Bilib turibdi va U Zot aslo adolatsizlikka yo‘l qo‘ymaydi, deymiz.
Asl haqiqat ham–shu.

Aynan shu ma’noni Alloh taolo Qur’oni Karimda ham ta’kidlab aytib qo‘ygan.

Hayotda qanday qiyinchiliklarga uchrasa ham, Alloh taologa taqvo qilgan bandalari uchun ko‘z ko‘rib, quloq eshitmagan go‘zal jannatlarni va u yerdagi behisob ne’matlarni va’da qilar ekan, Robbul olamiyn O‘zining al-Basiyr ism-u sifatini eslatib qo‘yadi.

Go‘yoki, taqvodor bandalariga:
"Ha, Men barchasini Ko‘rib turibman. Aslo adolatsizlikka yo‘l qo‘ymayman. Men uchun taqvo qilgan bandalarimni boshqalar qadrlamasa, O‘zim qadrlayman. Ularni eng oliy darajalarga erishtiraman. Mangu jannatlar va undagi behisob ne’matlar bilan mukofotlayman", deydi.

Va eng muhimi, odamlarning gap-so‘zlariga qaramay, faqat Alloh taolo uchun taqvo qilgan bunday
bandalaridan albatta rozi bo‘lishini ham bildiradi.

@Asmaaul_husnaa99

519 0 1 16

Асмааул ҳуснаа99+

5 Feb, 14:48

...ва Аллоҳ томони- — дан розилик бор.

00:58

قُلْ أَؤُنَبِّئُكُم بِخَيْرٍ مِّن ذَٰلِكُمْ ۚ لِلَّذِينَ اتَّقَوْا عِندَ رَبِّهِمْ جَنَّاتٌ تَجْرِي مِن تَحْتِهَا الْأَنْهَارُ خَالِدِينَ فِيهَا وَأَزْوَاجٌ مُّطَهَّرَةٌ وَرِضْوَانٌ مِّنَ اللَّهِ ۗ وَاللَّهُ بَصِيرٌ بِالْعِبَادِ

«Сизларга ана шулардан ҳам яхшироғининг хабарини берайми?! Тақво қилганларга Робблари ҳузурида остларидан анҳорлар оқиб турган, улар у ерларда мангу қолувчи бўладиган жаннатлар бор. Шунингдек, покиза жуфтлар ва Аллоҳ томонидан розилик бор. Ва Аллоҳ бандаларни кўриб турувчидир».
("Оли Имрон" сураси, 15-оят)

@Asmaaul_husnaa99

419 0 3 20

Асмааул ҳуснаа99+

5 Feb, 14:48

#АСМААУЛ_ҲУСНАА
الْبَصِيرُ
АЛ-БАСИЙР

Одамлар қадримизга етмаган пайтларда, кимдир бизга ноҳақлик қилганида доим биргина жумла билан ўзимизни овутамиз: "Аллоҳ Кўриб турибди-ку!"

Яъни, Аллоҳ таоло Кўриб, Билиб турибди ва У Зот асло адолатсизликка йўл қўймайди, деймиз.
Асл ҳақиқат ҳам–шу.

Айнан шу маънони Аллоҳ таоло Қуръони Каримда ҳам таъкидлаб айтиб қўйган.

Ҳаётда қандай қийинчиликларга учраса ҳам, Аллоҳ таолога тақво қилган бандалари учун кўз кўриб, қулоқ эшитмаган гўзал жаннатларни ва у ердаги беҳисоб неъматларни ваъда қилар экан, Роббул оламийн Ўзининг ал-Басийр исм-у сифатини эслатиб қўяди.

Гўёки, тақводор бандаларига:
"Ҳа, Мен барчасини Кўриб турибман. Асло адолатсизликка йўл қўймайман. Мен учун тақво қилган бандаларимни бошқалар қадрламаса, Ўзим қадрлайман. Уларни энг олий даражаларга эриштираман. Мангу жаннатлар ва ундаги беҳисоб неъматлар билан мукофотлайман", дейди.

Ва энг муҳими, одамларнинг гап-сўзларига қарамай, фақат Аллоҳ таоло учун тақво қилган бундай
бандаларидан албатта рози бўлишини ҳам билдиради.

@Asmaaul_husnaa99

465 0 6 22

Показано 20 последних публикаций.

18 393

подписчиков

Статистика канала

Язык сайта

Доход с телеграм-канала

Деньги с телеграм-канала

Заработок с телеграм-канала

Асмааул ҳуснаа99+

Гео и язык канала

Категория

18 393

Популярное в канале