*  *  *
Энди сенга ёзмайман мактуб,
Сен ҳам менга ёзмагин, зинҳор.
Ўртамизда муҳаббат ўтиб  -
Ноҳақликдан бўлдик - айбдор.

Асло қилма менга қўнғироқ,
Қилсанг ҳам-ки, олмам гўшакни.
Сендан кечиш менга оғирроқ,
Кечсам, асролмайман юракни.

Энди сени сўроқ қилар вақт,
Ва изингни кузатар - ўзга.
Сенга йўлдош бўлсин, улкан бахт,
Ғамгин бўлиб кўринма кўзга.

Кўрмай бошқа, кўзларингда ёш,
Кўрмай сени - хомушлигингни.
Бахтсиз бўлсанг беролмам бардош,
Кўрай, бахтдан - сархушлигингни...

© Абдувоҳид Сувонов
https://t.me/Adabiyot_olami