Қасиетті Бараат түні!

Бараат түні - Шағбан айының 15інші түні. Биыл ол 13 ақпаннан 14 ақпанға қараған түнге түсіп отыр.

Пайғамбарымыз ﷺ
“Бес түнді ұйықтамай құлшылықпен өткізген адам міндетті түрде жәннәтқа кіреді. Олар -
- Тәруия
- Арапа
- Құрбан айт
- Ораза айт
- Шағбанның 15ші түні”.

Бұл түн кешірім түні деп те аталады. Өйткені бұл түні Алла Тағала ғибадат еткендерді рақымына бөлеп, тәубесін қабыл алып, күнәләрін кешіреді, мейіріміне бөлейді.

Ислам ғұламалары бұл түнге “Қадір түнінен кейінгі ең ұлық түн” деп баға берген.

Сонымен қатар, Бараат түні - періштелер жер бетіне түсіп, дұға қабыл болатын берекелі түн. Сондықтан бұл түнді Пайғамбарымызға(с.а.у.) көп салауат айтып, Алла тағаладан біліп-білмей жасаған күнәлардың кешірілуін тілеп, көбірек дұға және құлшылықпен өткізген абзал.

Не істеуіміз керек?
• Бұл түнді дұрыс қарсы алу үшін бұл түнді ұйқысыз өткізген дұрыс.
• Бұл түні көп ғибадат жасап, күнә істерден арылып, мейлінше шын жүрекпен тәубе еткен жөн.
• Бұл түні мұсылман адам өз өмірі мен жыл бойы істеген істерін ой елегінен өткізіп, ойлануы керек.