Bek Qahramoniy. Blog

ОШИҚОНА

1.
Кундуз тушда кўрганим,03
Ухлаб ҳушда кўрганим.
Кипригимга ин қурган,
Қақнусқушда кўрганим.
Азобимга сочди сил,
Баҳорнинг хўрсиниғи.
Пойингда ётар чил-чил,
Жасадимнинг синиғи.
Теришга қўлинг етмас,
Ачишади ой – жонинг.
Руҳимга пулинг етмас,
Бўм-бўшми қалб – ҳамёнинг?!
Ўксиб-ўксиб куйласам,
Бўзим гуллаб кетади.
Кўзларингни ўйласам,
Кўзим гуллаб кетади.
Ҳисортоғнинг пойида,
Пастаккина кулбам бор.
Олтин ясаб лойидан,
Бувим яшайди, дилдор.
Умри ўтар йўл қараб,
Симёғочдан ёлғиз у.
Мен Тошканда тентираб,
Айтиб юрибман турку.
Кундуз тушда кўрганим,
Ухлаб ҳушда кўрганим.
Кипригимга ин қурган,
Қақнусқушда кўрганим.
Елкасидаги юкнинг,
Оғирлигин сезмаган
Туяман.
Ишқ – зулукнинг
Тумшуғини эзмаган.
На сенга етиб бўлар,
На кечиб кетиб бўлар.
Азал Мажнун халқининг,
Юраги етим бўлар.
Мижжангдан томган зардоб,
Руҳимни шилта қилди.
Висолингдаги нарвон
Чиқмасимдан йиқилди.
Ой ҳам ботди тўлишмай,
Нега?
Карахтман. Дун – ғов.
Ишқ майини бўлишмай,
Ўзим ичиб қўйдимов.
Ўксиб-ўксиб куйласам,
Бўзим гуллаб кетади.
Кўзларингни ўйласам,
Кўзим кўллаб кетади.
Деёлмайман хайр, ҳу,
Сўқир қора байирман.
Мени ундан айир-у,
Уни мендан айирма…

2.
…Кетар бўлса бир кун ташлаб,
Сўнгунича ваҳший ўт.
Ёлғизлатиб қўйма, Машраб,
Занжиримни маҳкам тут.

Жунун – ёвдир.
Жунун – шоқол,
Қонимни ит ҳис сўрган.
Шаҳрисабз, болангни ол!
Қозиқлаб кел Ҳисорга.

Соқолимга тиғ урманглар,
Сочим тўссин юзимни.
Хабар олманг, қайғурманглар,
Тингламанг ҳам сўзимни.

Харсангларни чайнаб ётай,
Ёғмур ивитсин таним.
Қашқирларга ғазаб сотай,
Хилват бўлсин ватаним.

Фарқим қолмай телба чолдан,
Ажални-да қувгум, бас.
Дунё кўрсин, қай аҳволда,
Ҳу-в кечаги ишқпараст.

3.
Кел, эй Саъдий кел Хайём,
Тортинма ошиқ Увайс
Марҳабо гулгун айём
Муғбачалик қилар Қайс

Чайиб ол юзинг мозий
Руҳлар тушмиш фазодан
Мусиқада Шерозий
Рақсида Шаҳризода

Муллолар ўқинг хатм
Ишққа тўла идишлар
Еру кўкни титратиб
Само тушинг дарвешлар

Биз ҳозир Табриздамиз
Ва ёки Кашмирдамиз
Ахир Қиёмат қўпган
Не фарқ тошу қирдамиз

Ана йўлбарсни қучиб
Ухлаяпти чақалоқ
Тимсоҳлар сакраб учиб
Отаяпти шаталоқ

Балиқнинг оғзида чой
Ҳўплаётган Юнусми
Жаброил келтирган той
Нима эдия исми

Жин урсин хотирамга
Яна туйғу солди чанг
Мўраламанг ҳарамга
Жодугар бор юсуфранг

Мени далли қилган шул
Руҳимни қўйган ичиб
Унга сайланганман қул
Икки оламдан кечиб

Энди кўринг ҳолимни
Аросатда задаман
Чангаллаб соқолимни
Сизга май узатаман

Кел, эй Саъдий кел, Хайём,
Тортинма ошиқ Увайс
Марҳабо гулгун айём
Муғбачалик қилар Қайс

Чайиб ол юзинг мозий
Руҳлар тушмиш фазодан
Мусиқада Шерозий
Рақсида Шаҳризода

She'riyatdan bir chimdim

Storisga chopmangla yana zo'rg'a topdim o'zi.

Kafka: Hammani sizdan yaxshi deb o'ylaganiz uchun yolg'izsiz
Dastayevskiy: Hammadan o'zizni zo'r deb bilganiz uchun yolg'izsiz

to'g'ri aytganman o'zi

2024 yil 29 aprelda tashlagandim. Ma'lum sabablar bilan ancha keyin o'chirib tashlagan ekanman aybga buyurmaysizlar hozir qayta tashlayman.

jontemir Jondorni she'rlari bilan ytanish edim eshitib turardim, kanalimga ham tashlaganman.
Bugun esa o'zim uchun yangi insonni kashf qildim.

Chat gptdan😅

Biz kitob o'qiyapmizmi?
Yo shunchaki o'zimizni boshqa odamlarni fikri bilan to'ldiryapmizmi?

Ragnar Lothrok
Vikinglar men eng yaxshi ko'rgan va eng qiziqgan mavzu shu mavzuga oid Vikings serialini ko'rish imkoniyatimdan unumli foydalanishga qaror qildim

,,Nur Borki Soya bor '' O'tkir Hoshimov