Qishloqlik o‘qituvchi – Қишлоқлик ўқитувчи

Таълимни ривожлантиришнинг оддий усули

Бизнинг устозлар дунёнинг манаман деган давлатлари педагогларидан кучли бўлса  бўлганки асло кам бўлмаган. Шу сабабли ўзимизнинг қора кўз муаллимларга оддий шароит яратиб берилса  таълимни дунёда биринчи ўринга олиб чиқишади.
Аввало тоифани йўқотиш керак. Бир ставкани 16 соат қилиш керак. Ҳар бир муаллим бир ставкадан ортиқ дарс бермаслиги лозим.
Маош энг кам иш ҳақининг 20 баробари яъни 6 млн 800 минг бўлиши, ҳар 10 йил стаж учун 1 млндан ошириб борилиши керак.
Эркак педагоглар 55 ёшда, аёллар эса 50 ёшда мажбуран пенсияга чиқарилиши керак.
Шу етарли. Бунинг учун турли мажлисбозликлар-у, тадбирбозликлар, аттестациялар-у, сертификатбозликларни асло кераги йўқ.

https://t.me/qishloqlikmuallim

Стресс...
- Тинчликми маълим? Жуда асабийсиз. Татил бўлса, мактабда ўқувчилар бўлмаса, ким сизни асабийлаштирди?
- Э падарига най нанай...
Кеча дриктримиз ҳаммамизни мажбурлаб "Стрессиз тун" телеграмм каналига аъзо қилди. Нима эмиш энди ҳамма муаммолар ҳал бўлар эмиш, ўқитувчилар ўйнаб-кулиб ишлашар эмиш, бир грамм стресс бўлмас эмиш. Мабодо қандайдир муаммо туғилса, асаб бузилса "Стрессиз тун" каналига мурожаат қилсак бир зумда ҳал қилиб беришар эмиш.
Мунтазам сўровнома ўтказиб бизнинг талаб ва истакларимизга мувофиқ иш ташкил этишар эмиш.
Мажбурликдан каналга аъзо бўлдим. Аъзо бўлмай мен ўлай. Бугун улфатлар билан чойхонада мазза қилиб ошхўрликни қилиб, "ширингина" бўлиб уйга қайтсам дарвозам олдида завуч кутиб турибдику.
Айни дамда "Стрессиз тун" каналига кириб аудиочатда қатнашишим, скриншотни мактаб телеграм группасига ташлашим керак эмиш.
Одамларга ҳам хайронсан. Ярим тун бўлса, буни устига каникул бўлса, уйингда, оиланг билан мазза қилиб дамингни олмайсанми, пишириб қўйибдими интернетда.
Мажбур кирдим аудиочатга.
Эҳҳҳеееее...
Аудиочат эмас арини иникуууу.
Ҳамма уйқуси қочган, минг йиллик саволга жавоб излаб юрганлар шу ерда экан.
Мактабнинг томи шамолда учиб кетганидан тортиб тўйидан кейин 3 ойда фарзанд кўрган Матмусанинг аёлининг муҳокамаси дейсизми, синфда 45 нафар ўқувчи ўқишидан тортиб ҳаммани қишлоқ газетасига мажбурлаб обуна қилдириш кераклиги масаласи "ёняпти".
Миндей тинглаб туриб канални очган мутасаддиларнинг ҳолига раҳмим келди.
Бечоралар стрессни бартараф қиламан деб ўзлари стрессга тушиб қолишибди.
Камига мен ҳам битта савол бердим - "Нега январь ойи дейилади, январь дада эмас?"
Каналдаги мингдан ортиқ психологлар саволимни эшитиб увиллаб юборишди. Мени саводсиз, билимсиз, лақма, тажрибасиз, қўйингки "тўнка"га чиқариб қўйишди.
Тавба. Қатнаш деди қатнашдим, савол бер деди савол бердим. Менда нима айб.
Бояги гулгун кайфият дабдала бўлди. Асаб тамом бўлди. Стрессда уйга кириб челакни тепдим. Уйдан чиққан хотинимга бақириб бердим. Болаларим қўрқувдан хона-хонасига беркиниб олишди.
Шуми энди фойданглар?
Шунақа ғоялар қаердан келади каллаларингга, а сизларни каллаларингга...
P.S. "Стрессиз тун" мутасаддилари. Аввало қўлинглардан келмаган ишга бурнингларни суқманглар. 1000 йиллик муаммоларни сиз тугул сиздан каттароқлар ҳам еча олишмайди.
Энг яхшиси ўқитувчиларни тинч қўйинглар.
Ўқитувчилар яхши билишади - қачон, қандай қилиб стресдан чиқишни. Ҳамма ўз ишини қилгани яхши.

https://t.me/qishloqlikmuallim

Башарангга тупириб юборар эдим-у....

Лайкбозлик ҳақидаги постларимни ўқигансиз албатта. Бу каби аҳмоқона кампания оқил, ўзини ҳурмат қилган инсонларнинг асабларини тамом қиляпти.
Юқоридан энг қуйигача шу касаллик - лайк бос, лайк бос, лайк бос...
Хожатхоналар биринчилиги учун лайк сўрашмади холос.
Энг аламлиси қишлоқнинг зиёлилари - ўқитувчиларнинг шу кампанияда биринчи сафдалиги.
Эй сен - пистафурушдан тортиб девонагача ялиниб лайк сўраётган кас! Сен зиёли эмассан! Сен чириган дарахтга тушган қуртсан!
Ёзганларимни ўқияпсан. Башарангга тупириб юборар эдим-у ҳамма қараб турибдида... Яхшиси сен бу майнавозчилигингни йиғиштир. Муаллимликни ҳам ўз эгаларига топшир. Уйма-уй садақа сўрасанг ҳам кунинг ўтади...
P.S. Агар шунча гапдан кейин ҳам "юзсизман, беномусман лайк сўрамасам касал бўлиб қоламан"- десанг яхшигина психиатр танишларим бор. 3 - 4 ой психбольницада даволашади.

P.S.s Шу лайк бир нарсани ўзгартириб юборадигандек ўзининг функционал вазифасини бажаришнинг ўрнига лайк сўраб ялиниб юрган каснинг лайк босмаганларни сал кам "халқ душмани"га чиқариб қўйганини кўриб ачиндим. Жудаям ачиндим.
"Илтимос. Ёзганларимни ўқийсан. Бўлди. Бас қил. Сенинг қилиқларингдан, илмсизлигингдан, нодонлигингдан мен уялиб кетяпман. Агар шунинг урнига узингга, жамиятга, табиатга манфаатли иш билан шугулланганингда фойда булар эди..."

https://t.me/qishloqlikmuallim

Биз ишлаяпмиз...

Техника, технология, сунъий интеллект шу даражада ривожланиб кетдики ўқитувчиларга чексиз қулайликлар яратиляпти.
Масалан, кеча "Янги педагогик технологиялар" мавзусида онлайн семинар ташкил этилди.
Зуум орқали ташкил этилиши режалаштирилган онлайн семинарга тумандаги барча она тили муаллимлари туман марказидаги 59-мактабга соат 9.00 да етиб келишлари ҳақидаги буйруқни эшитиб "нодонлик" ва "аҳмоқлик"нинг чегараси йўқлигига яна бир бор ишондим.
Номард, онлайн семинар зуумда бўлса, ҳаммани бир жойга тўплашдан мақсад нима? Туманнинг энг чеккасидан устозлар 80 чақирим  узоқдаги мактабга бориб зуумда қатнашиши мантиқнинг қайси мантиғига тўғри келади???
Майли, зуумга бормаса, қатнашмаса таълим ривожланмай қолади дейдиганларга саволим - нега айнан онлайн семинар соат 9.00 да? Нега дарс вақтида?
Шу саволларни "каааатта"ларнинг каттасига берсам, "Буйруқ муҳокама этилмайди, ақлингиз етмаган ишларга аралашманг, биз ишлаяпмиз"-деб дўқ урди...
Олға д....лар.
Осмондан тушганим рост.
Асосийсини айтмабман - зуум бошланганда свет  ўчиб қолганини ҳеч ким билмасин.😁
P.S. Зуумга кетган она тиличи муаллимларнинг дарсларини мен ўтдим. Мазза бўлди. Ўқувчилардан интернетнинг янги имкониятларини ўрганиб олдим.

Зуум ташкил қилаётган мутасаддилар! Илтимос, зуумнинг нима эканини аввал "мутасаддича"ларга тушинтириб юборинглар.
Бечора ўқитувчилар 160 км узоқликдан марказга бориб компьютерга термулиб зуумда иштирок этишни ўрнига мактабида хам шу зуумда қатнашиши мумкинлигини англашсин.

https://t.me/qishloqlikmuallim

Бугун сени кузатамиз...
Энди мактабдаги деярли барча хужжатлар электрон шаклда юритилар экан - журналлар, табеллар, буйруқлар.
Мен нодон суюнганимдан бу ҳабарни завучимизга айтибман.
Завучимиз аламини кимдан олишни билмай турган экан. Кўзларини чақчайтириб бобиллаб берди - "Биров ўламан деса, сиз куламан дейсиз. Электрон бўлганини нимаси яхши? Энди мактабга завучни, майнавиятчини кераги бўлмай қолади. Муаллимларни иш режаси бор, журнал бор, дарс жадвалини компьютер тузади, хужжатлар, ҳисоботлар электрон юритилади. Завучларнинг қиладиган иши қолмайди. Тепадагилар жуда ақлли. 10 мингта мактабда салкам 25 минг завуч ва маънавиятчи бор. Шунча бекорчининг бир ойлик маоши салкам 100 миллиард сўм бўлади. Бюджетга шунча фойда. Эҳ... Энди мен нима қиламан?"

Соддаманда. Шу нарсаларни ўйламабман. Миндей ўйлаб кўрсам мактабда ишламасдан маош олаётган штатлар анчагина экан.

P.S. Мазза экан. Мактабда завуч, маънавиятчи йўқ. Бемаъни мажлислар ва топшириқлар, жадваллар бўлмайди. Барчаси электрон юритилади. Муаллимлар хотиржам дарс ўтиб, таълимни ривожлантиришади.
Сиз нима дейсиз?

Завучлар группасида мунозара авжида - завучлик штати қисқартирилар эмиш.

https://t.me/qishloqlikmuallim

Кофе брейк ёки зўрларнинг зўри

Реал воқеа

Пойтахтга халқаро конференцияга бордим. Конференция ташкилотчиларининг энг каттаси конференцияга зиёлиларнинг энг, энг, энг “зўр”лари таклиф этилганини айтганда хаяжондан нафасим тиқилиб қолай деди. Наҳотки мен?!!!
Умумий йиғилишдан сўнг 25 кишилик гуруҳларда ижодий мулоқотлар бошланди. Аудиторияларга кириб ҳаммамиз қувончдан “увиллаб” юбордик. Чунки аудияторининг бир бурчагида каттагина столда кофе, турли ширинликлар, шарбатлар, салқин ичимликлар нозланиб туришар эди.
Хорижий тренерлар маърузани бошлашди. Бор маҳоратларини ишга солишди. Электрон доскада қизиқарли видеоларни намойиш этишди.  Таржимон тинмай бидирлайди.
Лекин ўзимизнинг қора кўз иштирокчиларнинг нигоҳи, фикри хаёли маърузачиларда эмас, фақат ширинликлар жойлашган столда.
Бу ҳолатни сезган хорижий тренер таржимонга бир нарсаларни шипшитди.
Таржимон “бу ширинликлар ва ичимликлар конференция иштирокчилари учунлигини, бемалол тортинмай истеъмол килишимиз мумкин эканини,  кофе брейк учун 10 дақиқа ажратилишини” айтганда 25 киши  тенгидан ўрнидан туриб хужумга ўтди. Хорижлик 5 нафар тренерларнинг кўзларини кўрсангиз эди. 8 метрли анакондани кўрган қуёндек бақрайиб қолишди.
Саноқли сонияларда столдаги ширинликлар, ичимликларни талон тарож қилган “энг, энг, энг зўрлар” ким кўп ширинлик олгани ва кимлар абжир эканлигини муҳокама қилишни бошладик.
Энг зўрларнинг аҳволи шу бўлса қолганларнинг савиясини билиб олаверинг.

Р.С. Тушлик вақтидаги “Швед столи” атрофидаги трагикомедияни таърифлашга сўз топа олмадим.
https://t.me/qishloqlikmuallim

#layk_basamiz

Қайнонам тили мен учун қадрли!
Она тилим, шевамда ёзиб балоларга колдим.
Тушликда совуган чой билан бир бурда нон едим.
Сабаби, хотин мендан хафа.
Нима эмиш, шевамда ёзибман. Унинг шевасида икки қатор бўлса хам ёзмабман.
Ахир унинг хам уйидагилари мен ёзганларимни ўқишини, кайнота-кайнонам кишлокда "куёвимиз блогер" деб мактанишларини эсдан чикарган эмишман.
Буни атайин килган эмишман.
Э, ёзсам ёзайин дедим.
Қорақалпоғистонга Сизларни таклиф қиламан азизларим.

Оннан кейин не...
(👍лайк басып жиберин илтимаaaс.🙏)

Районымызда сабак исленбе жазып, тиленшилик кылып лайк сорамаган мен калдымба диймен...
Кеше танысым Базарбайдан сорадым:
- Усы сабак исленбени жаздын, хош оннан кейин не?
- Телеграм канал бар, соган жиберемен.
- Оннан кейин?
- Канал админи каналына жайластырады.
- Оннан кейин?
- Кейин 500 лайк топлауым керек.
- Оннан кейин?
- Мектебимдеги касиплеслериме илтимас кыламан. Консы-кобалар, агайин, таныслар, окыушыларыма жалынаман.
- Оннан кейин?
- 500лайк топлайман.
- Аал, оннан кейин?
- Канал админи "Мактау жарлыгы" жибереди.
- Хош. Бул мактау жарлыгына сыйлык берилеме? Ямаса кандайда-бир жениллик барма?
- Як, 1 тийинлик ахмийети жок.
- Хаау. Ондай болса муддаан не?
- Енди, хамме сондай кылып атырда...
Хе, ааа!!! Зиялынын аухалы усындай болса...
Менде хийле ислеттим.
Интернеттен бир файл тауып "Инсапсыз хам акымак екенсиз" деп еки соз жаздым. Устине аты фамилиямды койып, сабак исленбе деп каналга жибердим.
Ане калааас. Хазирге шекем 125 лайк басылды. Демек, сабак исленбемди хеш ким ашыпта кормеген.

Пы.Сы. Ертен Мактау жарлыгын алсам, Сизлерге корсетемен.
😂😂
https://t.me/qishloqlikmuallim

22-ноябрь - "Психологлар куни" экан.

Психологларга ишонманг
Мактабимиз психологи осмондан тушган. Ҳамма нимадандир ғазабланиб турганда жилмайиб қўяди, ёки ҳамма шодон турган пайт у хўмрайиб қўяди.
Унинг айтишича бу парапсихологиянинг асосий қоидаси экан.
Бугун эрталаб психолог зудлик билан барчамизни фаоллар залига тўплади.
Пойтахтдан психологларнинг "пири устози" келган экан. Бизга тренинг ўтар эмиш.
Устози нокомил барчаларимизни кўзимизни юмиб тасаввур қилишимиз кераклигини айтди.
Уйимизда газ, свет бўлмаса ҳам, маошларимиз кам, ўз вақтида берилмаётган бўлса ҳам, ўқувчилар ва уларнинг ота-оналари олдида умуман обрўйимиз бўлмаса ҳам - "ҳаммаси яхши, мен розиман, мен бахтлиман, мен кучлиман"-дейишимиз кераклигини айтди.
Кейин эса бир вароқдан қоғозга ёмон кўрган инсонимизга мактуб ёзишни буюрди.
Камина биринчи бўлиб ёздим ва устози нокомилга мурожаат қилдим. У эртага уни гулханда ёқиб юборишим кераклигини айтди. Мен хайрон бўлиб сўрадим - "уни ёқиб юбораман, лекин мактубни нима қилай"-деганимда парапсихологнинг аввал ранги ўзгарди, кейин дудуқланишни бошлади.
Психологимиз менга бир ўқрайганча устози нокомилни суяб директор хонасига олиб чиқиб кетди.
P.S. Тавба. Мен нима дедим? Устози нокомилнинг айтганини бажардим холоску.
Психолог танишларга жунатамиз😊
https://t.me/qishloqlikmuallim

Биз ишлаяпмиз...

Техника, технология, сунъий интеллект шу даражада ривожланиб кетдики ўқитувчиларга чексиз қулайликлар яратиляпти.
Масалан, кеча "Янги педагогик технологиялар" мавзусида онлайн семинар ташкил этилди.
Зуум орқали ташкил этилиши режалаштирилган онлайн семинарга тумандаги барча она тили муаллимлари туман марказидаги 59-мактабга соат 9.00 да етиб келишлари ҳақидаги буйруқни эшитиб "нодонлик" ва "аҳмоқлик"нинг чегараси йўқлигига яна бир бор ишондим.
Номард, онлайн семинар зуумда бўлса, ҳаммани бир жойга тўплашдан мақсад нима? Туманнинг энг чеккасидан устозлар 80 чақирим  узоқдаги мактабга бориб зуумда қатнашиши мантиқнинг қайси мантиғига тўғри келади???
Майли, зуумга бормаса, қатнашмаса таълим ривожланмай қолади дейдиганларга саволим - нега айнан онлайн семинар соат 9.00 да? Нега дарс вақтида?
Шу саволларни "каааатта"ларнинг каттасига берсам, "Буйруқ муҳокама этилмайди, ақлингиз етмаган ишларга аралашманг, биз ишлаяпмиз"-деб дўқ урди...
Олға д....лар.
Осмондан тушганим рост.
Асосийсини айтмабман - зуум бошланганда свет ўчиб қолганини ҳеч ким билмасин.😁
P.S. Зуумга кетган она тиличи муаллимларнинг дарсларини мен ўтдим. Мазза бўлди. Ўқувчилардан интернетнинг янги имкониятларини ўрганиб олдим.
https://t.me/qishloqlikmuallim

Камера

Дриктримиз 500 млнга мактабимизга назорат камерасини ўрнаттирди. (Откатни айта олмайман😀)
Эрталаб мактабга ким нечада келади, нечада кетади, дарсни қандай ўтказди, залда, ховлида ва хаттоки кичкина хонада ҳам қандай ўтирибди, қисқаси ҳаммаси назоратда.
Ээээ, ҳаммаси жонга тегди.
На дарс ўта оламан, на бемалол ўтира оламан.
Айниқса кеча эрталаб нонуштага нўхат еган эдим. Эрталаб зарурат туфайли ишга бир соат кеч келдим. Кириш эшигидаги камерага ўқрайиб қараб, дарсга кириб кетдим.
Дарс ўтяпману, бир камерага, бир ўқувчиларга, бир доскага термуламан. Кеча свет ўчгани туфайли дарсга тайёргарлик қилмаган эдим (Аслида свет бир баҳона. Свет бўлганда ҳам дарсга тайёргарлик қилмас эдим).
Энг ёмони нўхат ўз кучини кўрсата бошлади. Чидашга ҳаракат қиламан, бўлмайди. Охири яшиндай югуриб ташқарига отилдим...
Обедгача 8 марта бориб келдим.
Педсоветда директоримиз қонимни ичди. Камерадаги тасвирларни ҳаммага намойиш этди.
Бай баёв. Харакатларим олдида мистер Биннинг комедияси холва бўлиб қолди.
Мажлисдан чиқиб камераларни бўралатиб сўкдим. Хап сенларними...
Кечқурун бир бонка узум шарбати олиб Те Мир монтёрни уйига бордим. Ҳар куни соат 7.30 дан 12.00 гача мактабимизни камералари ишламай туриши учун 2 бонкадан узум шарбати беришимни айтганимда, "Укам. Май ойигача ишлатмай қўя қолай"-деган эди, ўйлаб куришимни айтдим.
P.S. Бу камера бизга тўғри келмас экан. Хоҳлаганда нафас олиб, хохлаганда чиқара олмасанг. Ўқувчиларни дўппослай олмасанг.
Қисқаси, долой камера!
P.S.S. Ҳурматли қишлоғимизнинг катталари. Илтимос, шаҳарлик катта танишларингизга айтсангиз, мактаблардаги синф хоналарига камераларни олиб ташлашса, керак эмас камера. Камералар устозларга ортиқча нагрузка. Улар босимда ишлай олишмайди. Илм бериш бундай назорат билан бўлмаслиги керак.
https://t.me/qishloqlikmuallim

Сен билан бирга сафарни бошлайдиган кишини топиш осон. Аммо уни сен билан якунлайдиган кишини топиш қийин. Ибтидо доимо гўзал.
Аммо интиҳо фақатгина вафолиларникидир!

https://t.me/qishloqlikmuallim

"Яхши инсонларга яшаш қийин бўлиб қолди"-десам, қўшним "Сенга нима..."-деса бўладими😳

https://t.me/qishloqlikmuallim

-Малим, асабийсиз? Тинчликми? Қаердан келяпсиз?
- Аттестацияданда...
- Саволлар қийин эканми?
- Э, саволлар оппа-осон, фақат жавоблари қийин экан.
P.S. Аттестациядан ўта олмаган устозлар. Асло афсусланманг, ғам еманг. Биз учун энг кучли, энг иқтидорли, энг меҳрибон устозсиз!
Сизни яхши кўрамиз!!!
https://t.me/qishloqlikmuallim

Менга пох...
Мактаб дриктри иккита ўқувчини калтаклагани видеосини кўрдингиз.
Видеога ким олди ва тарқатди деб ўйлайсиз? Қизиқ-а?!
Майли. Бўлар иш бўлди. Дриктр ишдан кетди.
Мен у ҳақ ёки ноҳақ дея олмайман.
Сиз қандай ҳулоса чиқарганингизни билмадим-у, шахсан мен етарли "мотивация"ни олдим.
Энди ўқувчилар мактабга пиротехника воситаси олиб келадими, чи.иб қўядими менга пох...
45 минут чидаб берсам, менга тегмаса бўлди.
Асабларчи демоқчимисиз?
Ўрганиб олдим - болалар бир-бири билан уришса қ...мни кўндаланг қўяман. Уришиб жанжал катталашсин, ота-оналар, қариндошлари аралашсин. Жанжалкаш мактабга келмай бир-икки ой судма-суд юрсин. Жарима тўласин. Кимга мазза - менга мазза. Шу жанжалкашларсиз мактаб тинч бўлади.
P.S. Сизлар ҳам болаларингизга айтинглар. Мактабда хеч кимдан қўрқмасин. Fинг деганини ишдан бўшатиб, энасиникига киргазиб юбораверасизлар.
Менга тегмасангизлар бўлди.
P.S. Пох... ни похол деб ўқилсин. Сигирларимга похол керак.
Қ...мни эса қаламим деб ўқидингиз, шундайми?...
https://t.me/qishloqlikmuallim

Раҳбарлик яхшими?

Эрта тонгда қўшним телефон қиляпти. Ўғли бизнинг мактабимизда, 10-Б синфда ўқийди:
- Ҳабарингиз бор. Раҳбарлик вакант экан. Сиз шу соҳада бир неча йилдан буён ишлайсиз. Яхши-ёмон томонларини биласиз. Муаллимлар, ўқувчилар ҳам сизни ҳурмат қилишади. Қолаверса эркак кишисиз. Сиздан аввалги аёл киши эди.
Шаҳарда танишларим бор. Улардан илтимос қиламан. Агар йўқ демасангиз ўзингиз раҳбарлик қилинг. Ҳозир айни вақти...
Қўшнимнинг куйиниб гапириши, айниқса шаҳарлик катта танишларини ишга солиб мени раҳбар бўлишга таклифи хаяжонлантириб юборди.
Эҳ, каттаааа бинода катта хона, катта кресло, бигиз туфличали, мини юбкачали котиба, хизмат машинаси...
Маззааа!
- Қўшни. Таклифингиз учун катта раҳмат. Бор кучим билан ишлайман. Лекин, шаҳар бир оз узоқроқми дейман, келиб-кетиш дегандек, ёки алоҳида уй беришадими?
Қўшним узоқ жим тургач:
- "Қандай шаҳар, қандай уй? Малим. Уйқунгиз яхши очилмаганми? Ўғлимни синф раҳбари декретга чиқибди. Шу 10-Б синфга синф раҳбарлик қилинг деяпман"-деса бўладими?!...
Бунча содда бўлмасам-а?...
Шаҳарда раҳбарликка одам қуриб қолгандек мени тайинлашармиди?
Молимни боқиб, қишга тезакни ғамлаб юрганим тинч.
Нима дедингиз қўшни?

https://t.me/qishloqlikmuallim

Номинг ўчсин аттестация...
Икки ой бўлди - ҳаловат йўқ.
Уйимизда аттестация шарпаси кезиб юрибди. Аёлим иккаламизни номимиздан ариза топширди. Эрта-ю кеч аттестацияга тайёргарлик. На иссиқ овқат, ва на уй ишлари, ва на ... бажарилади. Тонгдан тунгача, тундан тонггача тест ёдлаш билан овворамиз.
Дарсларчи демоқчимисиз? Энди аттестациядан ўтиб олгунимизча ўқувчилар мустақил ўқишади.
2-3 ой зув этиб ўтади, кетади. У ёғи каникул.
Аммо виждон бир икки марта ачитиб, ўзининг борлигини билдириб қўйди. Майли, тоифа олайлик, кейин катта маош билан виждонни юзига урамиз.
P.S. Шаҳарлик танишим телефон қилди. Мабодо тоифа олишни осон йўли борлигини эслатди. Биз ундай ёлғонларга, фирибгарларга ишонмаслигимизни айтиб, эртага учрашиб, юзма-юз гаплашиб олишимизни айтиб хайрлашдим.
Эрталаб Россияда ишлаётган укамдан 700 $ олиб танишимни олдига борайчи. Ҳар эхтимолга қарши сигиримизни ҳам сотишни режалаштириб қўйдим.
Нима дедингиз ҳамсоя?
P.S.s Энг қизиғини айтмабманку. Ўтган сафар аттестациядан 96 балл олган инглиз тиличи Нур Гулга бир иккита савол берсак жавоб бера олмай тишлари такиллаб қолган эди. Бу сафар менга ҳам хеч қандай савол берманглар. Барибир жавоб бермайман😊

https://t.me/qishloqlikmuallim