Масъулиятинг борми?

Шахсийга бир ака ёзибдилар.
- Сен қандай ёзувчисан. Хоҳлаганингда фейсбукка кирасан, хоҳламасанг кирмайсан .
Масъулиятинг борми сен болани?
Мен ўзим қишлоқликман. Неча йилдирки мусофирда яшайман. Сароймонанд уйларда яшайман. Молу давлатим етарли.
Лекин....
Лекин, қишлоғимдаги хотиржамликни, отамнинг лой сувоқли кулбасидаги сакийнатни, халоватни топа олмайман.
Авваллари хар куни сенинг ёзганларингни ўқиб кейин иш бошлар эдим. Қишлоқни, у ердаги қадрдонларимни соғинчи бир оз босилар эди. Ишимда унум бўлар эди. Оиламда ҳам вақтим чоғ эди.
Мана, неча кундирки дарагинг йўқ.
Эпласанг ўз вақтида ёз, эплолмасанг уни айт-одамни вақтини олмасдан!

P.S Ёзаман ака. Албатта ёзаман. Фақат сиз уйга тез-тез келиб туринг. Энангиз ҳар тонг эшикка термулиб сизнинг йўлингизга қарайди. Сизни ёзда албатта келишингизни айтаман...
Кўнглима орзулар солган қишлогим,
Олис-олисларда қолган қишлогим.
Келиб қоларму деб, ҳар саҳар, ҳар шом,
Кўзлари йўлимда- ей толган қишлогим...

https://t.me/qishloqlikmuallim