Nodirbek Alijonov

Assalomu alaykum!

IT sohasiga taalluqli, abuturiyentlar, talabalar kuzatadigan qaysi telegram kanallarni bilasizlar? Izohlarda yozib qoldirsangiz, xursand bo'lar edik)

Kimdir institutni 22 yoshida tugatadi, lekin yana 3 yilini ish izlashga sarflashi mumkin.

Kimdir 25 yoshida muvaffaqiyatga erishib, biror joyda direktor bo'lishi va 40 yoshida vafot etishi mumkin.

Kimdir 50 yoshda rahbar bo'ladi va 90 yoshgacha yashaydi.

Kimdir 32 yoshga to'lib hali ham bo'ydoq, kimdir esa 26 yoshda farzandli bo'lgan va endi ajrashishga tayyorlanmoqda.

Makron 36 yoshida prezident bo'lgan, Robert Mugabe esa 63 yoshida.

Shumaxer 25 yoshida chempion edi, Nino Farino o'zining poygadagi ilk titulini 44 yoshida qo'lga kiritgan.

Uorren Baffet 56 yoshiga kelib milliarder bo'ldi, Sukerberg esa 23 yoshida.

Kayli Jenner 21 yoshida eng yosh ayol milliarderga aylangan, ko'plab yosh yigitlarni ortda qoldirib.

Mashhur irland pivosi muallifi Artur Ginnesning 56 yoshida 21 ta farzandi bo'lgan. Jorj Kluni 55 yoshga kirib ota bo'lgan.

O'ziga xos poyga bo'lgan bu hayotda har kim o'z yo'lida, o'z vaqt mintaqasida yuguradi.

Olam ko'p qirralik va noaniqlik ustida qurilgan.

Vaqt — bu farq.

O'ylab ko'rsak, bu dunyodagi hamma narsa nisbiylik nazariyasiga ega. Ayrim do'stlaringiz sizdan oldinda, kimlardir esa orqada. Hammasi tabiiy.

Har bir insonning o'z soat mintaqasida o'z masofasi bor. Hasad qilmang, qiyoslang — ular o'z mintaqasida, siz esa o'zingiznikida.

Hayot bu o'z lahzangizni, o'z startingizni kutish va u sari harakatlanib borish demakdir. Kutmoq va umid qilmoq kerak!

Siz kechikmaysiz!

Siz erta ham boshlamaysiz!

Siz o'z vaqtingizdasiz!

©️ Stanislav Yaroshenko

@nodiriy_blog

Sabr haqida eshitgan eng kuchli va ta'sirli jumlam:

"Alloh aytar ekan, Men bergan sinov, Men yozgan qadar, agar rozi bo'lmasang mendan boshqa Robni istayver deb.."

Ibrohim aka sizni yaxshiko'raman🙂🥲

@nodiriy_blog

Mashhurlik quvilmaydi, mashhurlik sizni topib keladi, agar bunga loyiq bo'lsangiz!

Shaxsiy brendini yuritib tanilaman deyayotganlar diqqatiga.

@nodiriy_blog

Bundan 1 yil oldin Alibek broyim bir yaqin tanishimiz, qadrdon akamizning loyihasi bo’yicha o'z bilimlarimizdan foydalanib, Alloh qodir qilguncha bir qismiga yordamlashib yuborgan edik.

Bugun shu birodar akamiz bilan uchrashgan edik, bir ajoyib hushxabarni aytib qoldi. Kompaniya yaqinda chet el investorlaridan sal kam 1 mln dollar miqdorda, ya’ni 900,000 $ investitsiya jalb qilibdi. Eng yoqimlisi yordam qilgan qismimiz uchun alohida urg'u berilibdi. Ochig’i bundan xursand bo’ldik. Alibekni esa asti-qo’yaverasizlar, ichiga sig'may ketdi.)

Kompaniya to’liq nomi va faoliyati hozircha sir, sababi yuqoridagi investitsiyani hali omma bilan bo’lishishmagan:)

Bugun esa, Alibek uchun qo'shaloq bayram bo'ldi. Najot Ta'lim grafik dizaynerlari o'rtasida o'tkazilgan logo marafon musobaqasida 6ta jamoa ichidan o'quvchilari faxrli birinchi o'rinni egallashdi. Bu albatta, avvalo Alibekning o’quvchilariga bergan mehrining mevasi, mehnatining emas, mehrining! Chunki hamma mehnat qilishi mumkin, mehrni esa hamma ham beravermaydi.

Alibek, siz bilan faxrlanamiz🤓

P.S. Alibek haqida batafsil, bu yerda)

@nodiriy_blog

Inson tanga kabi ikki yuzli bo’lganda, butun umrini odamlarning u hamyonidan bu hamyoniga ko’chib yurish bilan o’tkazadi.

Eh tentak, tentak..)

@nodiriy_blog

Biz faqat o‘zimiz xohlaganimiz uchungina namoz o‘qimayapmiz yoki boshqa ibodatlarni qilmayapmiz.

Biz faqat o‘zimiz xohlaganimiz uchungina gunohlardan tiyilib, solih amallar qilmayapmiz.

Biz faqat o‘zimiz xohlaganimiz uchungina xayru sahovatlar qilmayapmiz.

Biz faqat o‘zimiz xohlaganimiz uchungina dinga xizmat yo‘lida yoki musulmonlar ko‘magi yo‘lida yurmayapmiz.

Biz faqat o‘zimiz xohlaganimiz uchungina yomon xulqlardan tiyilib, go‘zal xulqlarni kasb qilmayapmiz.

Bularning bari Alloh taoloning tavfiqi bilandir. Alloh bizga fazlu karam ko‘rsatgani uchun bo‘layapti.

Alloh taolo qalbidan shaytonning nasibasi olib tashlangan, insoiyatdagi eng komil sifatlar bilan sifatlangan Rasululloh sollallohu alayhi va sallamga aytyapti:

«Agar Biz Sizni (haq yo‘lda) sobitqadam qilmaganimizda, shak-shubhasiz, Siz ham ularga bir oz yon berishga yaqin bo‘lar edingiz». (Isro 74)

Agar Alloh xohlasa, bir lahzada biz bilan biz mazammatu malomat qilayotgan kishilarning o‘rnini alishtirib qo‘yadi. Aslida-ku, hozirgi holimizda ham Alloh taolo ayblarimizni berkitib qo‘ygani uchun mag‘rur yuripmiz!

© IkromSharif - @IkromSharif

Ushbu yilda Alloh taolo meni qaytargan joyda aslo meni ko'rmasin. Meni ko'rishni istagan joydan ko'rmasdan qo'ymasin!

Qolganlari bekor.

@nodiriy_blog

Fransiyaning sobiq ministri M.Jyul Fransiya taʼlim tizimi haqida shunday yozadi:

“Darslarni, grammatikani yod olish, takrorlash va taqlid qilish sanʼatini egallash - taʼlimning eng tutruqsiz ko‘rinishidir“. Bu tizim eʼtiqodning bir ko‘rinishiga o‘xshaydi, unda o‘qituvchi doim xaq hisoblanadi, natijada esa o‘quvchilardan zaif va irodasiz shaxslar yetishib chiqadi“.

Hukumat ko‘plab odamlarga diplom beradi, ammo ularning juda kam qismidan foydalanadi, qolganlari esa ishsiz qoladi. Ijtimoiy piramidaning yuqorisidan quyisigacha, ruhoniylardan tortib professor va nazoratchi o‘quvchilargacha diplom bor. Lekin oddiy biznesmen o‘ziga agent topishda muammolarga duch kelishi mumkin. Xulosa shunday, Insonlarni hech qayerda ishlatib bo‘lmaydigan bilim bilan taʼminlash ularni isyon qilishga undash bilan barobardir.

Gustav Lebonning  “Omma psixologiyasi“ kitobidan

@nodiriy_blog

Xohlaganingiz bo’lmasa, bo’lganini xohlang. Shunda baxtli bo’lasiz ekan🙂

@nodiriy_blog

"Insonlardan uzoqlashishimiz ularni yomon koʻrishimizni yoki oʻzgarib qolganimizni anglatmaydi. Uzlat charchagan ruhlar uchun vatandir!“

Ernest Hemenguey

@nodiriy_blog