Навоий вилоят прокуратураси

Бош прокурорнинг Навоий вилоятига ташрифи давом этмоқда.

Бош прокурор Ниғматилла Йўлдошев томонидан Ўзбекистон Республикаси Президентининг 03.01.2025 йилдаги “2025 йилда Республика маҳаллаларида хавфсиз муҳитни яратиш ва ҳуқуқбузарликларнинг барвақт олдини олиш тизими самарадорлигини янада ошириш бўйича чора-тадбирлар тўғрисида”ги ПҚ-1-сонли қарори ижроси ҳамда жойларда криминоген вазиятни таҳлил қилиш фаолиятининг ташкил этилиши бўйича Навоий шаҳрида амалга оширилган ишлар аҳволи ўрганилди.

Хусусан, криминоген вазияти оғир бўлган шаҳардаги “Мемор”, “Ватан” маҳаллаларида қарор ижроси бўйича амалга оширилган ишлар ўрганилиб, “маҳалла еттилиги” ва бошқа масъул мутасаддиларга “ижтимоий профилактика”, “намунавий хавфсиз кўча” ва “намунавий хавфсиз йўлаклар”ни ташкил этиш, маҳаллаларни тўлиқ видеокузатув билан қамраб олиш, пробацияда турган шахсларни ижтимоий муаммоларини ўрганиш, ишсизлар муаммоларини ҳал этиш, мактабларда давомат бўйича йўл қўйилган хато ва камчиликлар ҳамда уларни қисқа муддатларда бартараф этиш юзасидан кўрсатма ва тавсиялар берилди.

Бундан ташқари, вилоят ички ишлар бошқармасида ташкил этилган ситуацион таҳлилий маркази фаолияти билан ҳам танишди.

Ҳудудларда ўрганишлар давом этмоқда.

🌐 Бош прокуратуранинг ижтимоий тармоқлардаги саҳифаларига аъзо бўлинг!

Sayt |Telegram | Instagram | YouTube | Facebook

Бош прокурор Ниғматилла Йўлдошев томонидан Навоий вилоятида Ўзбекистон Республикаси Президентининг “Ёқилғи-энергия ресурсларидан ноқонуний фойдаланиш ва беҳуда сарфланишининг олдини олиш ҳамда энергия самарадорлигини ошириш бўйича чора-тадбирларни такомиллаштириш тўғрисида”ги ПҚ-133-сонли Қарори ижроси ва бошқа долзарб масалалар бўйича амалга оширилаётган ишлар аҳволи ўрганилди.

Хусусан, “Zarafshon Industrial Technology” қўшма корхонасида 15 МВт қувватдаги коогенерация қурилмаси орқали электр энергиясини ишлаб чиқариш жараёни ва энергия ресурсларини тежашга оид бошқа ташкилий-техник тадбирлар билан танишилди.

Шу ерда, “Ҳудудий электр тармоқлари” АЖ Навоий ҳудудий филиалининг тармоқдаги йўқотишларни камайтириш ва электр энергиясини иқтисод қилиш борасидаги ишлари бўйича ҳисоботи эшитилди.

Шу каби, “Навоийсувтаъминот” МЧЖнинг сув таъминоти тизимини автоматлаштириш ҳисобига электр энергиясини тежаш ва тармоқдаги авария ҳолатларини камайтиришнинг афзалликлари тақдимотлари ўтказилди.

Ҳудудларда ўрганишлар давом этмоқда.

🌐 Бош прокуратуранинг ижтимоий тармоқлардаги саҳифаларига аъзо бўлинг!

Sayt |Telegram | Instagram | YouTube | Facebook

Навоий вилояти прокурори А.Муллажанов ва вилоят ИИБ бошлиғи А.Тасбаевлар томонидан Президентнинг 03.01.2025 йилдаги “2025 йилда Республика маҳаллаларида хавфсиз муҳитни яратиш ва ҳуқуқбузарликларнинг барвақт олдини олиш тизими самарадорлигини янада ошириш бўйича чора-тадбирлар тўғрисида”ги ПҚ-1-сон қарори ижроси Навоий шаҳрида ўрганилди.

Хусусан, шаҳарда криминоген вазиятни яхшилаш, айниқса ёшлар иштирокида содир этилаётган жиноят ва ҳуқуқбузарликларнинг барвақт олдини олишга қаратилган навбатдаги назорат ва рейд тадбирлари олдидидан куч тузилмалари вакиллари иштирокида йўриқнома ташкил этилди.

Унда вилоят прокурори, ички ишлар ҳамда миллий гвардия бошқармаси бошлиқлари томонидан шаҳар ҳудудини жиноятчиликдан ҳоли ҳудудга айлантириш, бунда назоратни кучайтириш, фуқаролар билан тарғибот-ташвиқот ишларини амалга ошириш, қонунбузарларга муросасиз бўлиш юзасидан топшириқлар берилди.

Йўриқномадан сўнг вилоят ҳуқуқни муҳофаза қилувчи органлар раҳбарлари шаҳарнинг аҳоли гавжум ва тунги вақтда фаолият кўрсатувчи маиший хизмат кўрсатиш жойларини кўздан кечириб, жамоат тартибини сақлашга масъул ходимлар билан суҳбатлашди.

🌐 Бош прокуратуранинг ижтимоий тармоқлардаги саҳифаларига аъзо бўлинг!

Sayt |Telegram | Instagram | YouTube | Facebook