JIZZAX VSSB

Ғаллаорол туманида Ўзбекистон Республикаси Президентининг “Аёллар орасида онкологик касалликларни назорат қилиш тизимини такомиллаштириш чора-тадбирлари тўғрисида” Қарорининг ижроси доирасида “Бирламчи тизимдаги ҳаракатлар алгоритми ҳамда "Патронаж доянинг "Ён дафтари" мавзусида семенар-тренинг ўтказилди.
Унда ТТБнинг оналик болалик бўйича бошлиқ ўринбосари, туғруқ комплекси бошлиғи, аёллар маслаҳатхонаси бўлими мудири, лидер дояси, 3 нафар фаол патронаж доялар, ҳамда КТМП, ОП, ОШП катта ҳамширалари, иштирок этди.
Вилоят бош ҳамшираси Шаҳло Содиқова ҳамда вилоят лидер дояси Нилуфар Қулматова мавзу бўйича маъруза қилдилар.
Иштирокчилар ўзларини қизиқтирган саволларига мутахассислардан жавоб олдилар.
Вилоят соғлиқни сақлаш бошқармаси Ахборот хизмати

Вилоят кардиология марказида Жиззах ва Сирдарё вилоятларида суиқасд ва қасд ҳолатлари таҳлиллари ва профилактикаси мавзусида семинар ўтказилди. Унда Жиззах ва Сирдарё вилоятларида фаолият юритаётган психиатр, психолог ва суицидолог шифокорлар, Миллий гвардия таркибида фаолият юритаётган психологлар ва халқ таълими бўлимлари психологлари тингловчи сифатида иштирок этдилар.
Семинарда Соғлиқни сақлаш вазирлиги бош суицидологи Г. Пирлиева Жиззах ва Сирдарё вилоятларида Суиқасд ва қасд ҳолатлари таҳлиллари, психиатр шифокор Г. Азизходжаева Психиатр шифокорлар учун суиқасд ва қасд ҳолатлари профилактикаси, психолог Н.Насирова Ўсмирлар орасида суиқасд профилактикаси мавзуларида маъруза қилдилар.
Йиғилиш якунида иштирокчилар ўзларининг қизиқтирган саволларига мутахассислардан жавоб олдилар. Шунингдек, уларга иш жараёнидаги муаммоли вазиятлар ечимлари тушунтирилди.
Вилоят Соғлиқни сақлаш бошқармаси Ахборот хизмати

ПАХТАКОРДА САЙЁР ҚАБУЛ ВА ТИББИЙ КЎРИК ЎТКАЗИЛДИ
Вилоят прокуратурасининг ташаббуси билан Пахтакор туманида вилоят соғлиқни сақлаш бошқармаси бошлиғининг сайёр қабули ва вилоят ихтисослаштирилган тиббий марказларнинг етакчи мутахассислари иштирокида туман аҳолиси учун чуқурлаштирилган тиббий кўрик ўтказилди.
Сайёр қабулда фуқароларнинг соғлиғи ва тиббиётга оид мурожаатлари қабул қилинди. Шунингдек, ҳудуд аҳолиси тиббий кўрикдан ўтказилди. Тиббий кўрик натижаси бўйича беморларга вилоят, туман тиббиёт муассасаларида даволаниш учун йўлланма ва бепул дори-дармонлар берилди.
Вилоят ССБ Ахборот хизмати

АЁЛЛАР ТИББИЙ КЎРИК ЎТКАЗИЛДИ
Вилоят прокуратурасининг ташаббуси билан Жиззах шаҳар 2 сон оилавий поликлиникасида вилоят ихтисослаштирилган тиббий марказларнинг етакчи мутахассислари иштирокида ҳудуддаги туғиш ёшидаги аёллар учун чуқурлаштирилган тиббий кўрик ўтказилди. Унда 401 нафар аёллар тиббий кўрикдан ўтказилди.
Тиббий кўрик натижасида 89 нафар беморга амбулатор, 12 нафарига кундузги шифохона, 4 нафарига шифохона шароитида, 11 нафарига уй шароитида даволаниш, 9 нафарга беморларга эса санатор-курорт даво муолажаларини олиш тавсия этилди. Шунингдек, 41 нафар аёллар сайёр маммография текширувидан ўтказилди.
Вилоят ССБ Ахборот хизмати

САЙЁР ҚАБУЛ ВА ТИББИЙ КЎРИК ЎТКАЗИЛДИ
Вилоят прокуратурасининг ташаббуси билан Мирзачўл туманида вилоят соғлиқни сақлаш бошқармаси бошлиғининг сайёр қабули ва вилоят ихтисослаштирилган тиббий марказларнинг етакчи мутахассислари иштирокида туман аҳолиси учун чуқурлаштирилган тиббий кўрик ўтказилди.
Сайёр қабулда фуқароларнинг соғлиғи ва тиббиётга оид мурожаатлари қабул қилиниб, уларнинг барчасини ижобий ҳал этиш чоралари кўрилмоқда.
Шунингдек, туманннинг 432 нафар аҳолиси тиббий кўрикдан ўтказилди. Тиббий кўрик натижаси бўйича беморларга вилоят, туман тиббиёт муассасаларида даволаниш учун йўлланма ва бепул дори-дармонлар берилди.
Тиббий кўрикда аҳоли УТТ, ЭКГ, флюорография, рентгенография текширувларидан, шунингдек, ОИВ инфекцияси, вирусли гепатит В ва С турларининг аниқлаш учун экспресс тестдан ўтказилди. Беғараз қон топшириш акцияси ўтказилди.
Вилоят ССБ Ахборот хизмати