"Бухоро шифокори" газетаси таҳририяти

Камбағал оилаларга эътибор ошмоқда

Мамлакат Президентининг 2024 йил 23 сенябрдаги "Камбағалликдан фаровонлик сари" дастурини амалга ошириш бўйича биринчи навбатдаги чора-тадбирлар тўғрисида"ги ПҚ-330-сонли қарори ва шу асосда чиқарилган бошқа меъёрий ҳужжатлар ижросини таъминлашга тиббиёт тизими ҳам муносиб улуш қўшмоқда.

Қарорда "қизил" ва "сариқ" тоифаларга киритилган ҳудудлар кўрсатгичларини яхшилаш мақсадида аҳолини соғломлаштиришга доир вазифалар белгиланган.
Вилоят соғлиқни сақлаш бошқармаси бошлиғи тасдиқлаган режа график асосида шаҳар, туманлардаги бирламчи тиббий бўғинлар томонидан кўрсаткичи оғир ҳудудларда тиббий кўриклар ўтказилмоқда.

Бухоро шаҳридаги 11-ОП шифокорлари "сариқ" тоифага мансуб Лоша МФЙ аҳолиси учун чуқурлаштирилган тиббий кўрик уюштирдилар.

Мазкур МФЙ ҳудудида бугунги кунда 4500 нафар аҳоли истиқомат қилади. Шундан 160 нафари камбағал фуқаролар рўйхатига олинган. Шу тоифадаги фуқаролар кўрикка келди. Текширувлардан ўтган 139 нафар аҳолининг 124 нафарида турли касалликлар аниқланди. Уларнинг 100дан ортиғига амбулатор ҳамда 3 нафарига стационар шароитда даволанишга йўлланмалар берилди. 12 нафарига дори-дармонлар тарқатилди.

Соғлом турмуш тарзига масъул ходимлар зарарли одатлардан сақланиш, истеъмол қилса бўладиган ва истеъмол қилишдан сақланиш керак бўлган маҳсулотлар, ҳаракат ва ҳаракатсизликнинг фойда-ю зарарлари тўғрисида фуқароларга тушунча бердилар.

Наргиза АСАДОВА,
Бухоро шаҳридаги 11-ОП бош врачи ввб.

https://t.me/buxoroshifokori

"Сариқ" ҳудудда саломатлик тарғиботи

Маълумки, аҳолининг саломатлик даражасига қараб ҳудудлар тоифаларга ажратилган. Бу тоифалар ўша ҳудуд кўрсатгичлари паст ёки баландлигини кўрсатади. Бу борадаги кўрсаткичларни яхшилаш мақсадида ҳамкор ташкилотлар билан биргаликда тиббий муассасалар аҳолини соғломлаштириш тадбирларини олиб бормоқдалар.
Бухоро шаҳридаги 46-Дўстлик маҳалласи сариқ тоифага мансублиги сабабли бугун бу ерда профилактик тадбирлар кўламини ошириш зарурати мавжуд.
Шу муносабат билан Бухоро шаҳридаги 9-ОП шифокорлари мазкур маҳалла фуқаролари учун тиббий кўрик уюштирдилар.
Тиббий кўрикка Президентнинг тегишли қарори асосида маҳалла ҳудудида яшовчи камбағал тоифага кирувчи ва уюшмаган аҳоли вакиллари қамралди.
Текширувлардан ўтган 160 нафар аҳолининг 92 нафарида турли касалликлар аниқланди. Уларнинг 80дан ортиғига амбулатор ҳамда 6 нафарига стационар шароитда даволанишга йўлланмалар берилди. 33 нафарига дори-дармонлар тарқатилди.
Жараёнлардан ётоқда қолаётган беморлар ҳам четда қолгани йўқ. Уларнинг ҳам уйларига борилиб, ҳолидан хабар олинди, текширилиб, даво чоралари белгиланди.
Зарарли одатлардан сақланиш, истеъмол қилса бўладиган ва истеъмол қилишдан сақланиш керак бўлган маҳсулотлар, ҳаракат ва ҳаракатсизликнинг фойда-ю зарарлари тўғрисида фуқароларга тушунчалар берилди, уларга саломатлик тарғиботига доир буклетлар тарқатилди.

Ш.ТЎЕВА,
Бухоро шаҳридаги 9-ОП бош врачи

https://t.me/buxoroshifokori

Пойтахтда бажариб келинган яна бир мураккаб амалиёт вилоятда ўтказилди

Вилоят Болалар кўп тармоқли тиббиёт марказига
Республика ихтисослаштирилган Травматология ва ортопедия илмий-амалий маркази етакчи мутахассиси, болалар ортопеди Олим Жабборбергенов келди.
У марказнинг Жароҳат оқибатлари, ортопедия ва нейрохирургия бўлимида бўлиб, унинг фаолияти билан яқиндан танишди.

Мазкур бўлимда марказ ортопед мутахассислари билан бирга беморларни тиббий кўрикдан ўтказди. Кўрикдан сўнг "маҳорат дарслари" доирасида Чап томонлама сон суяги бошчасининг ўсмирлар эпифизеолизига учраган 11 ёшли беморда замонавий, юқори технологик ва кам инвазивли жарроҳлик амалиёти бажарилди.

Сон суяги бошчасининг ўсмирлар эпифизеолизи – ўсмир ёшлар касаллиги ҳисобланади. Бу патология ҳар 100 одамдан 4-5 нафарида учрайди. Қиз болаларда касаллик 11-12 ёшда илк кўриниш беради. Беморларда семириш ва эндокрин тизим касалликлари аниқланади. Касаллик асосида сон суяги бошчаси ўсиш зонасининг заифлашиши оқибатида содир бўлади. Сон суяги бошчаси бўйинчага нисбатан орқа ва пастга силжийди.
Ўсмирлар эпифизеолизи ортопедик касалликлар ичида давоси кечиктириб бўлмайдиган туридир. Эрта даволанмаса, ногиронликка олиб келиши мумкин.

ВБКТТМда ушбу касаллик илк бор замонавий ва юқори технологик жарроҳлик усулида амалга оширилди. Кейинги пайтда вилоятнинг ўзида пойтахтдагина бажариб келинган мураккаб операцияларнинг бажарилиши катта натижадир.

https://t.me/buxoroshifokori