arabic.uz (matnli kanal)

12423. Индонезияда бир гуруҳ болалар хуфтон намози ва таровеҳ намозларида намозхонларни оёқ кийимларни текислаш, тартиблаш ишлари билан машғул бўладилар. Аллоҳ уларни яхши мукофотласин. Улар бу ишлари билан ҳатто ғайридинларга ҳам Ислом ҳаниф дини экани, тартиб ва истиқомат дини эканини баён қилишдир.

@arabicuz

iOS | Android
Instagram | Facebook | Twitter | Tiktok | Youtube

12421. Абдуллоҳ ибн Масъуд розияллоҳу анҳудан ривоят қилинади, Набий соллаллоҳу алайҳи васаллам: “Аллоҳнинг бандаларидан бир бандани қабрида юз дарра уришга буюрилди. У дуо қилиб сўрайверганидан бир даррага туширилди. Сўнг қабри оловга тўлди. Ундан четлашгач, ўзига келди ва: «Мени нима учун урдинглар?» деб сўради. «Сен таҳоратсиз намоз ўқидинг ва мазлумнинг ёнидан ўтдинг-у, унга ёрдам бермадинг», дейилди”, дедилар.

«Мушкилул осор» китобида ривоят қилинган.

@arabicuz

iOS | Android

Instagram | Facebook | Twitter | Tiktok | Youtube

12420. Баъзи солиҳ салафлар: “Ёдингдан тут, жаннатдан бошқа барча неъматлар фонийдир, ўтиб кетувчидир... Ва дўзахдан бошқа барча балолар офиятдир”, дейишарди.

Мажд Маккий.

@arabicuz

iOS | Android

Instagram | Facebook | Twitter | Tiktok | Youtube

12419. Саид ибн Жубайр роҳимаҳуллоҳдан: “Одамларнинг энг обиди ким?” дея сўрашди. У зот: “Кўп гуноҳлар қилган (сўнгра улардан тавба қилган) ва ҳар сафар гуноҳларини ёдга олганда, амалини паст санаган киши”, дедилар.

Ибн Жавзийнинг “Сифатус софва” асаридан.

@arabicuz

iOS | Android

Instagram | Facebook | Twitter | Tiktok | Youtube

12418. Ҳақиқий дўстни ақл, ҳикмат билан танлагинки, ҳамма қалблар ҳам қалбларга лойиқ эмасдир.

@arabicuz

iOS | Android

Instagram | Facebook | Twitter | Tiktok | Youtube

12417. Солиҳ бандаларга илоҳий муҳаббат
“Албатта, иймон келтирган ва яхши амалларни қилганларга Роҳман муҳаббат пайдо қилур”, Марям сураси, 96-оят
Яъни, Раҳмон Зот солиҳ бандаларининг қалбига, гарчи уларга талаб этмаган бўлсаларда, Ўзи томонидан муҳаббат пайдо қилади.
Абу Ҳурайра розияллоҳу анҳудан ривоят қилинади, Расулуллоҳ соллаллоҳу алайҳи васаллам: “Албатта, Аллоҳ таоло бирор бандасини севса - Жаброилни чақиради ва унга: “Мен фалон бандамни севдим, сен ҳам уни севгин”, дейди. Жаброил уни севади. Сўнг осмонга нидо қилиб: “Албатта, Аллоҳ таоло фалон бандасини севди, сизлар ҳам уни севинглар”, деб нидо қилади, бас, само аҳли уни севадилар. Сўнгра (унинг барча ишида) қабулият берилади...”, дедилар.

Вадуд Зот ато этмиш ушбу муҳаббатни ғанимат бил.

Изоҳ: Ал-Вадуд: яъни, набийларини, расулларини ва уларга эргашганларни яхши кўрадиган ва улар ҳам уни яхши кўрадиган зот. У Зот улар учун барча нарсадан суюклироқдир. Уларнинг қалблари У зотнинг муҳаббатига тўлгандир.
Ибн Саъдий раҳимаҳуллоҳ ушбу оят тафсирида айтадилар: “У зот яратганларига гўзал мукофотлари, кенг оят, белгилари, чиройли лутф-марҳаматлари, ошкора ва махфий неъматлари сабаблари севилган Зотдир. У вадуддур - яхшиликни раво кўрувчидир. Вааддир, мавдуудир – яхши кўрилгандир.
Аллоҳ авлиёларини ва пок бандалари- асфиёларини яхши кўради, улар ҳам Уни яхши кўрадилар. У зот уларни севди ва уларнинг ҳам қалбларига муҳаббат, яхши кўришни жойлади. Сўнгра улар у билан Уни яхши кўрсалар, бу муҳаббатларига мукофот учун бошқа бир севги билан уларни яхши кўради”.

@arabicuz

iOS | Android

Instagram | Facebook | Twitter | Tiktok | Youtube

12416. Расулуллоҳ соллаллоҳу алайҳи васаллам учта ҳалок қилувчи, учта нажот берувчи, учта каффорот бўлувчи ва учта даражотни кўтарувчи ҳақида хабар берганлар

1.Учта муҳликот, ҳалок қилувчи нарса
Ибн Умар розияллоҳу анҳудан ривоят қилинади, Расулуллоҳ соллаллоҳу алайҳи васаллам: “Ҳалок қилувчи нарсанинг биринчиси итоат қилувчи хасислик. Иккинчиси ҳавою нафсга эргашиш. Учинчиси эса, киши ўзи билан ужубланиши”, дедилар. Табароний ва Байҳақий ривояти.

2. Учта нажот берувчи нарса
Расулуллоҳ соллаллоҳу алайҳи васаллам: “...ва нажот берувчи уч нарса бор. Бас, нажот берувчи нарса Аллоҳдан ичида ҳам, ташида ҳам қўрқмоқлик. Иккинчиси рози бўлганда ҳам, ғазабланганда ҳам адолатли бўлиш. Учинчиси эса, одамларга инсофли бўлиш”, дедилар”.

3. Учта каффорот бўлувчи нарса:
Абу Ҳурайра розияллоҳу анҳудан ривоят қилинади, Расулуллоҳ соллаллоҳу алайҳи ва саллам: “Сизларга Аллоҳ у билан хатоларни ўчириб, даражаларингизни кўтарадиган нарсани айтайми? ” – дедилар. Саҳобалар: “Ҳа, эй Расулуллоҳ!” – дейишди. Расулуллоҳ соллаллоҳу алайҳи ва саллам: “Машаққатларга (иссиқ ва совуққа) қарамай таҳоратни комил қилиш, масжидларга кўп қадам босиб (узоқдан қатнаб) бориш,
бир намоздан кейин бошқасини кутиб туриш...”, дедилар”. Имом Муслим ривояти.

4. Учта даражотларни кўтарувчи нарса
Абу Ҳурайра розияллоҳу анҳудан ривоят қилинади: “...Менга агар уни қилсам, жаннатга киритадиган амал ҳақида айтиб беринг», дедим. «Таом бер, саломни ёй, силаи раҳм қил, одамлар уйқудалигида тунда намоз ўқи, шунда жаннатга саломат кирасан”, дедилар”. Аҳмад ва Ибн Ҳиббонлар ривоят қилишган. Лафз Ибн Ҳиббонники.

@arabicuz

iOS | Android

Instagram | Facebook | Twitter | Tiktok | Youtube

12415. “Ва менинг зурриётларимни ҳам солиҳлардан қилгин”, Аҳқоф сураси, 15-оят.
Энг аввалида уларнинг ҳаққига дуо қилиш турмас экан, болалар тарбияси хусусидаги барча назарий ва амалий ишлар ҳеч нарсага арзимайди.
Аллоҳим, фарзандларимизни Ўз ҳифзинг, паноҳинг, омонлигингда сақлагин. Уларни ҳар бир шайтонда, инс ва жиндан, золим ва ҳасадчидан ва барча Сен унинг тутқичидан тутувчи нарсалардан Ўзингни сатринг, лутфинг, ҳимоянг ила асрагин.

@arabicuz

iOS | Android

Instagram | Facebook | Twitter | Tiktok | Youtube

12414. Расулуллоҳ соллаллоҳу алайҳи васаллам: “Кимга фақирлик етса-ю, уни одамлар ила қайтармоқчи бўлса, фақирлик ундан кетмайди. Ким уни Аллоҳ ила қайтармоқчи бўлса, Аллоҳ уни тезда келувчи ўлим ёки тез келувчи бойлик ила беҳожат қилади", дедилар.

Абу Довуд ривояти.

@arabicuz

iOS | Android

Instagram | Facebook | Twitter | Tiktok | Youtube

12413. Аллоҳ таоло малоикаларни шаҳватдан холи, ақлли қилиб яратди. Ҳайвонларни шаҳватли, лекин ақлсиз қилиб яратди. Инсонга эса, ақл ҳамда шаҳватни ато этди. Кимнинг ақли шаҳватидан устун келса, малоикаларга тенглашади. Кимнинг шаҳвати ақлидан устун келса, ҳайвонларга тенглашади.

Шайх Муҳаммад Ҳасан Валади Деду Шинқитий.

@arabicuz

iOS | Android

Instagram | Facebook | Twitter | Tiktok | Youtube

12412. Шахсий ҳуррият чойни шакар билан ёки шакарсиз ичишни танлашда бўлади... Лекин Аллоҳнинг дини хусусида шахсий ҳуррият кўнглинг тусагани каби эмас, балки: “«Эшитдик ва итоат қилдик.”, (Бақара сураси, 285-оят)... ва: “Бас, буюрилганингдек мустақим тур...”, дир. (Ҳуд сураси, 112-оят)

Айман Иёд.

@arabicuz

iOS | Android

Instagram | Facebook | Twitter | Tiktok | Youtube

12411. Шайтондан қандай сақланиш мумкин?
“Айт: «Одамлар Роббидан паноҳ сўрайман... одамлар Подшоҳидан... одамлар Илоҳидан... беркиниб, кўриниб турувчи васвасачининг... одамларнинг кўксларига васваса соладиганнинг... жинлар ва одамлардан бўлганнинг ёмонлигидан (паноҳ сўрайман)». Наас сураси, 1-6 оятлар.
Абдуллоҳ ибн Аббос розиллоҳу анҳу ушбу суранинг тафсирида дедилар: “Шайтон Одам боласи қалбида ўтириб олади. Қачонки унутса ва ғофил қолса, васваса қилади. Агар Аллоҳни зикр қилса беркинади”. Ибн Касир тафсири ҳамда ибн Абу Шайбанинг «Мусаннаф»даги ривояти.
Расулуллоҳ соллаллоҳу алайҳи васаллам: “Банда шайтондан фақат Аллоҳнинг зикри билангина омонда қолади, қутулади”, дедилар. Ибн Хузайма ривояти.

@arabicuz

iOS | Android

Instagram | Facebook | Twitter | Tiktok | Youtube

12410. Истиқоматда бўлиш ёки тадаййун-динни тутиш соқол ёки ҳижобнинг ўзигина эмас. Балки,
Истиқомат: Одамлар бўҳтонлар қилаётганларида сукут сақлашингдир.
Истиқомат: Одамлар (ҳаромга) қараётганида кўзингни тийишингдир.
Истиқомат: Холи хилватда ҳам Аллоҳга осийлик қилмаслигингдир.
Истиқомат: Тилингни ёлғондан тийишингдир.
Истиқомат: Ота-онага яхшилик қилиш ва қариндошлар билан алоқани ушлашдир.
Истиқомат: Ҳусни хулқдир.
Истиқомат: Қуръонга амал қилишдир.
Мажид Закий.

@arabicuz

iOS | Android

Instagram | Facebook | Twitter | Tiktok | Youtube

12409. Дуо қабул бўлишининг сиру асрорлари
1. Таҳоратли бўлиш (дуо вақтида).
2. Намоз ўқиш.
3. (Дуо аввалида) Аллоҳни зикр қилиш, ҳамду сано айтиш.
4. (Сўнгра) Набий соллаллоҳу алайҳи васалламга саловот айтиш.
5. Қиблага юзланган ҳолда дуо қилиш.
6. Оқ, тоза либос кийиш.
7. Оғизни поклаш, (мисвок ишлатиш).
8. Ҳалолдан ейиш (дуо ижобат бўлишининг асосий сабабларидан биридир).

@arabicuz

iOS | Android

Instagram | Facebook | Twitter | Tiktok | Youtube

12408. Вуҳайб ибн Вард: “Аллоҳдан сенинг устингдан қанчалар қодирлиги, қудрати даражасида қўрққин, сенга қанчалар яқинлигига кўра ундан ҳаё қилгин, уялгин”, деди.

@arabicuz

iOS | Android

Instagram | Facebook | Twitter | Tiktok | Youtube

12407. Қуйида Аллоҳнинг Китобида келган олти ўрин баён қилиниб, бахтсизлик улар билан асло жам бўлмайди. Аллоҳ азза ва жалладан Ўзининг изни ила икки ҳовлида саодатга эришиш ила ризқлантиришини сўраймиз.

1. Ота-онага яхшилик қилиш билан бахтсизлик асло бирга жамланмайди: “Мени волидамга меҳрибон қилди ва жабрчи, бадбахт қилмади”, Марям сураси, 32-оят.
2. Дуо билан бахтсизлик асло бирга жамланмайди: “Роббим, менинг суякларим мўртлашди, бошга оқ туташди, Роббим, Сенга дуо қилиш-ла бахтсиз бўлмаганман”, Марям сураси, 4-оят.
3. Қуръон билан бахтсизлик асло бирга жамланмайди: “Сенга Қуръонни бахтсиз бўлишинг учун нозил қилганимиз йўқ”, Тоҳо сураси, 2-оят.
4. Ҳидоятга эргашиш билан бахтсизлик асло жамланмайди: “Агар Мен томонимдан сизга ҳидоят келганида, ким ҳидоятимга эргашса, адашмас ва бадбахт бўлмас”, Тоҳо сураси, 123-оят.
5. Аллоҳдан қўрқиш бахтсизлик асло жамланмайди: “Албатта, У Зотдан қўрққан эсга оладир. Ва бадбахтгина ундан четда бўладир”, Аълаа сураси, 10,11-оятлар.
6. Тақво билан бахтсизлик асло жамланмайди: “Бас, Мен сизларни ланғиллаган ўт-оловдан огоҳлантирдим.Унга бадбахтдан бошқа кириб, куймас. Ўша ёлғонга чиқарган ва юз ўгирган эди. Ва албатта, ундан тақводор банда четда қоладир”, Лайл сураси, 14-17 оятлар.

@arabicuz

iOS | Android

Instagram | Facebook | Twitter | Tiktok | Youtube

12406. Расулуллоҳ соллаллоҳу алайҳи васаллам: “Аллоҳнинг нақадар яхши бандаси! Холид ибн Валид Аллоҳнинг қиличларидан бир қиличдир”, дедилар.

Имом Термизий ривояти.

Изоҳ: «Холид ибн Валид ибн Муғийра ибн Абдуллоҳ ибн Умар ибн Махзум ибн Яқза ибн Каъб, «Аллоҳ таолонинг қиличи», Ислом чавандози, «жанг майдонларининг арслони», саййид, имом, улуғ амир, мужоҳидлар қўмондони, Абу Сулаймон».

Имом Заҳабийнинг «Сияру аъламин нубало» асаридан.

@arabicuz

iOS | Android

Instagram | Facebook | Twitter | Tiktok | Youtube

12405. Абу Умома айтади: “Расулуллоҳ соллаллоҳу алайҳи васалламдан қайси дуо эшитилувчи, қабул бўлувчидир?, дея сўрадим. Набий Муҳаммад соллаллоҳу алайҳи васаллам: “Туннинг охирги вақтида ва фарз намозларидан сўнг(қилинган дуо ижобатдир)”, дедилар.
Бомдоддан бир соат олдинги дуо худди найза каби самоларга етади. Намозлардан сўнг ушбу вақтдан ўзингни маҳрум қилма. Ташаҳуддан сўнг салом беришдан аввал қилинган дуо мустажобдир.

@arabicuz

iOS | Android

Instagram | Facebook | Twitter | Tiktok | Youtube

12404. Али ибн Абу Толиб розияллоҳу анҳу: “Мўмин киши беш вақт намозларини адо этаркан, шайтон ундан қўрқиб туради. Қачон уларни зое қилса, унга журъат қилади ва улкан гуноҳлар қилишга мажбурлаб ундайди”, дедилар.

Шайх Муҳаммад Ҳасан Валади Деду.

@arabicuz

iOS | Android

Instagram | Facebook | Twitter | Tiktok | Youtube