Eron va "Tolibon": muxtasar tarix va manfaatlar to‘qnashuvi [davomi]
Nazariy jihatdan, “toliblar” Eronga bu muammolarni yengishga yordam beradigan kuchga aylanishi mumkin. Zero, AQShni Tehron va “Tolibon” ham o‘zining dushmani sifatida biladi. Shuningdek, giyohvand moddalar tayyorlash va oldi-sotdisiga chek qo‘yish kabi masalalarda har ikki tomon o‘xshash qarashlarga ega. Misol uchun, “Tolibon” Afg‘onistonda hokimiyatni qo‘lga olishidan oldin Tehronda “Tolibon” harakati vakili Abdulg‘ani Barodar va Eron Milliy xavfsizlik milliy qo’mitasi Bosh kotibi Ali Shemxoniy bilan uchrashuvida: “Biz Vashington manfaati uchun harakat qiladigan har qanday guruhga qarshi kurashishga tayyormiz. Barcha guruhlar Afg‘onistonda kelajak poydevorini barpo etishda ishtirok etishlari kerak. “Tolibon” Afg‘oniston-Eron chegarasida xavfsizlikni ta’minlashda Eron bilan hamkorlik qilishga tayyor”, deb bildirgan fikri ham e’tiborga molik.
Bundan tashqari, “Tolibon” oldida Afg‘onistonni murakkab iqtisodiy vaziyatdan olib chiqib ketish vazifasi turibdi. Bu borada neft va gaz yetkazib berishdagi eng katta import hamkori bo‘lib kelayotgan hamda savdo va sanoat sohasida sobiq rasmiy Kobulning asosiy savdo sherigiga aylanib ulgurgan Tehron bilan munosabatlarni davom ettirish muhim ahamiyatga ega. Xususan, Eronning neft, gaz tadqiqot va konsalting kompaniyasi “PetroView”da chop etilgan hisobotga ko‘ra, 2020-yil maydan 2021-yil mayigacha Eron Afg‘onistonga taxminan 400 ming tonna yoqilg‘i eksport qildi. Boshqacha aytganda, Eronning yoqilg‘i eksport hajmi yiliga 1 million tonnadan oshadi yoki kuniga 20 ming barrelni tashkil qiladi. “Toliblar” hokimiyatni egallaganidan so‘ng, Eronning Afg‘onistonga neft va gazni yetkazib berish to‘xtatishi natijasida Afg‘onistonda bir tonna neft narxi 900 dollarga ko’tarilib ketdi. Ushbu vaziyatdan chiqib ketish uchun “Tolibon” Tehron bilan munosabatlarni davom ettirishi zarur.
Xulosa qilib aytganda, yaqin istiqbolda Eron hukumati “toliblar” uchun mamlakatni iqtisodiy tanazzuldan olib chiqib ketishda eng katta foyda keltiradigan hamkor bo’lishi mumkin. Qolaversa, IShID faoliyati va giyohvand moddalar savdosiga chek qo‘yish kabi masalalarda har ikki tomonning manfaatlari o‘xshash ekanligini hisobga olgan holda aytish mumkinki, Eron Islom Respublikasi uchun ham “Tolibon” harakati bilan hamkorlik ikki davlat o‘rtasidagi suv muammosi, qochoqlar muammosi kabi masalalardagi kelishmovchiliklarga chek qo’yish imkonini berish mumkin.
✅ Ijtimoiy tarmoqlardagi sahifalarimiz
📱Twitter 📱YouTube 📱Facebook
📱Instagram 📱Telegram
Nazariy jihatdan, “toliblar” Eronga bu muammolarni yengishga yordam beradigan kuchga aylanishi mumkin. Zero, AQShni Tehron va “Tolibon” ham o‘zining dushmani sifatida biladi. Shuningdek, giyohvand moddalar tayyorlash va oldi-sotdisiga chek qo‘yish kabi masalalarda har ikki tomon o‘xshash qarashlarga ega. Misol uchun, “Tolibon” Afg‘onistonda hokimiyatni qo‘lga olishidan oldin Tehronda “Tolibon” harakati vakili Abdulg‘ani Barodar va Eron Milliy xavfsizlik milliy qo’mitasi Bosh kotibi Ali Shemxoniy bilan uchrashuvida: “Biz Vashington manfaati uchun harakat qiladigan har qanday guruhga qarshi kurashishga tayyormiz. Barcha guruhlar Afg‘onistonda kelajak poydevorini barpo etishda ishtirok etishlari kerak. “Tolibon” Afg‘oniston-Eron chegarasida xavfsizlikni ta’minlashda Eron bilan hamkorlik qilishga tayyor”, deb bildirgan fikri ham e’tiborga molik.
Bundan tashqari, “Tolibon” oldida Afg‘onistonni murakkab iqtisodiy vaziyatdan olib chiqib ketish vazifasi turibdi. Bu borada neft va gaz yetkazib berishdagi eng katta import hamkori bo‘lib kelayotgan hamda savdo va sanoat sohasida sobiq rasmiy Kobulning asosiy savdo sherigiga aylanib ulgurgan Tehron bilan munosabatlarni davom ettirish muhim ahamiyatga ega. Xususan, Eronning neft, gaz tadqiqot va konsalting kompaniyasi “PetroView”da chop etilgan hisobotga ko‘ra, 2020-yil maydan 2021-yil mayigacha Eron Afg‘onistonga taxminan 400 ming tonna yoqilg‘i eksport qildi. Boshqacha aytganda, Eronning yoqilg‘i eksport hajmi yiliga 1 million tonnadan oshadi yoki kuniga 20 ming barrelni tashkil qiladi. “Toliblar” hokimiyatni egallaganidan so‘ng, Eronning Afg‘onistonga neft va gazni yetkazib berish to‘xtatishi natijasida Afg‘onistonda bir tonna neft narxi 900 dollarga ko’tarilib ketdi. Ushbu vaziyatdan chiqib ketish uchun “Tolibon” Tehron bilan munosabatlarni davom ettirishi zarur.
Xulosa qilib aytganda, yaqin istiqbolda Eron hukumati “toliblar” uchun mamlakatni iqtisodiy tanazzuldan olib chiqib ketishda eng katta foyda keltiradigan hamkor bo’lishi mumkin. Qolaversa, IShID faoliyati va giyohvand moddalar savdosiga chek qo‘yish kabi masalalarda har ikki tomonning manfaatlari o‘xshash ekanligini hisobga olgan holda aytish mumkinki, Eron Islom Respublikasi uchun ham “Tolibon” harakati bilan hamkorlik ikki davlat o‘rtasidagi suv muammosi, qochoqlar muammosi kabi masalalardagi kelishmovchiliklarga chek qo’yish imkonini berish mumkin.
✅ Ijtimoiy tarmoqlardagi sahifalarimiz
📱Twitter 📱YouTube 📱Facebook
📱Instagram 📱Telegram