Декабрда Қозоғистон ижтимоий тармоқларида янги тренд оммалашди: фойдаланувчилар жамият учун фойда келтирмайдиган блогерлар ва машҳур шахслардан обунани бекор қилишга чақиришди.

Ушбу ғоя кўплаб шикоятлар фонида пайдо бўлди. Унда кўплаб инфлюенсерлар фақат ўзларининг қимматбаҳо ҳаёт тарзларини намойиш этишга эътибор қаратаётгани қайд этилган. Фойдаланувчиларнинг фикрига кўра, бу воқеликни қабул қилишга салбий таъсир кўрсатади. Қозоғистонликлар айтишича, бундай постлар ҳасад, ишончсизлик ва ҳатто оилавий низоларни келтириб чиқаради.

«Уларнинг мақсади фақат пул топиш. Улар ўзларининг безакли фотосуратлари ва ҳеч қандай қимматга эга бўлмаган реклама билан халқни бузишяпти», — деб ёзади муҳокама иштирокчилари.

Тренд ташаббускорлари таълимий, ижтимоий ёки маданий контент яратаётганларни қўллаб-қувватлашга эътибор қаратишни таклиф қилмоқда. Уларга кўра, бу ахборот муҳитини яхшилаш ва жамиятга бўлган салбий таъсирни камайтиришга ёрдам беради.

Бизда ҳам шундай қила оладими одамлар?

👉@RakursUz